Accidental Hot Night With My Fiance's Father

01

Harriet pov

"Harriet, kanina pa tingin nang tingin iyong hot na papa roon sa pangatlong cottage mukhang type ka, girl," bulong na may halong kilig ng katabi ko sa upuan na si Sabel.

"Ha," tugon ko pagkatapos ay tumingin ako roon sa tinuro n'yang cottage.

Impit pa na tumili ang dalawa pa naming kasama akala mo ngayon lang nakakita ng g'wapo. E, kung g'wapo lang naman ang pag-uusapan at hanap nila. Marami naman mas g'wapo sa university na pinapasukan namin.

"Kung gan'yan ka yummy ang magiging boyfriend ko handa kong luhuran kahit magdamag pa kung ako iyong babaeng katabi niya," sabi rin ng isa ko pang kaibigan.

Napangiti na lamang ako sa kalokohan nila dahil may kasama pang mahinang pagtili na parang mga kinikiliti aba.

Parang kanina pa umaga dahil pagdating namin naroon na sila. Kami kasi isang oras pa lang dito dahil overnight kami kaya alas-sais ng gabi kami pumunta rito. Lahat din tingin ko ay mag-couple ang mga naroon kasi may kaniya-kaniyang katabing babae hindi lang basta maganda dahil mga sexy rin ang kasama nilang babae. Bigla kong naisip ang suot ko though maiksi ang short ko ngunit naka t-shirt naman ako kaya malabo ako noon ma-type-an.

Sinabihan pa nga ako kanina nitong tatlo kong kasama na magsuot ako ng swimsuit dahil iyon ang suot nila. Ang lamig hindi ko sinunod. Bakit kasi overnight pa ang naisip nitong apat ako ang gusto ko, sa araw sana.

"Kayo talaga nakita niyo naman taken diba?" sagot ko pa rito kinikilig pa rin talaga sila.

"Sexy lang naman ang babae pero pangit," sabi ni Sabel kaya pabiro ko itong kinurot sa tagiliran niya.

"Tigilan niyo na nga katitingin doon baka mayare pa tayo isipin sila ang pinag-uusapan natin. Isa nakita niyo ba parang old nila masyado para sa atin," suway ko para tigilan na nila ako.

"Mas bet ko ang matured na lalaki dahil sila ang masarap magmahal at nakita mo ba Harriet, ang abs, muscle at ang g'wapo niya worth it luhuran," hagikhik nito may pakagat pa sa labi nito.

"Woi! Ang babata pa natin ano ba kayo," saad ko ngunit hindi ko maiwasang tumawa dahil with action pa si Sabel.

"Tse! Hindi na tayo bata. Twenty two na tayo at ikaw next month twenty three ka na kaya hindi na tayo bata," laban pa nilang tatlo.

Nawala ang mga lalaki sa cottage kasama ang mga partner na babae. Naligo na rin kami pero pagsapit ng alas-diyes ng gabi balik kami sa cottage pagkatapos naglabas si Sabel ng alak.

"Seryoso magpapakalasing tayo?" tanong ko nakatingin sa tatlong bote ng alak. Napangiwi ako dahil hindi ako sanay uminom at hard pa na alak ang dala ni Sabel.

"Minsan lang naman ito, Harriet," sabi nila nag-apir pa.

Nagbakasyon kasi si Sabel sa kanila dito sa Samal. Tagarito si Sabel at lahat kaming tatlo n'yang kaibigan ay sinama niya dahil bakasyon din ngayon. Kaming apat same rin ng course at huling taon na namin sa college. Lahat sila may kaya sa buhay habang ako scholar ng university kaya kahit private nakapasok ako roon.

Nagtuloy-tuloy ang inuman namin hanggang sa aminado akong lasing na. Panay ko na hagikhik naging madaldal na rin ako tapos nagsasayawan pa kami. Patuloy pa rin ang inom ng alak hanggang sa hindi ko na kaya lasing na talaga ako kaya nagpaalam akong mauuna sa kanila pumunta ng k'warto.

Tok! Tok!

Damn it bakit bigla ko iyon naalala. Tulala na pala ako kung hindi pa kumakot si mama sa p***o. Tapos na rin naman akong mag-ayos at magbihis kaya lalabas na rin ako.

“Harriet, anak! Dumating na si, Archie,” saad niya. Si Archie ang fiance ko at one month na lang ikakasal na kami at patungo kami ngayon sa bahay nila para ipakilala raw ako sa daddy niya.

Nakangiti akong pinasadahan muna sa salamin ang aking sarili bago nagmamadaling dinampot ang favorite kong shoulder bag.

"Harriet!"

Natatawa ako sa mama ko. Bakit kasi hindi na lang siya pumasok. Ang mama talaga bukas naman iyong p***o.

"Anak!" muli n'yang sabi akala 'ata ni mama hindi ko siya narinig kaya mahina akong natatawa napilitan sumagot sa kaniya.

"Opo 'ma, palabas na po ako," at mabilis akong naglakad. Excited ngunit kabado akong makilala ang daddy ni Archie. Nag-aalala kasi ako baka hindi nito ako magustuhan para sa anak niya.

"Papasok na sana ako," bungad ni mama.

“Mama, okay lang po ba itong suot ko?” sa halip ay iyon ang isinagot ko sa kaniya.

Umikot-ikot pa ako sa harapan ni mama habang natatawa ako sa aking sarili. Paano ba naman nakalima muna akong palit ng dress bago makapagpasya kung ano talaga ang isusuot ko dahil hindi ako satisfied sa dress na mga nauna. Kahit nga ako naguguluhan din sa sarili ko ngayon, dahil kahit kay Archie hindi ako ganito. Dito lang sa daddy n'ya feeling ko kailangan kong maging maganda pagharap sa daddy niya.

Napanguso ako dahil seryoso lang si mama habang pinasasadahan niya ako ng tingin. Nakagat ko ang labi ko nang maya-maya mapansin ko sumilay ang ngiti nito sa kanyang labi at nakataas pa ang kilay ni mama.

“Ma! Niloloko mo na naman po ako,” reklamo ko sa kaniya habang nagpapadyak ng aking paa.

Napabungisngis siya kaya lalo na para na akong batang nagmamaktol kasi baka pangit ang suot ko dahil ganito ang reaksyon ni mama.

"Papalitan ko na lang ulit itong dress ko—"

“Sobrang ganda, anak,” maagap n'yang sabi. Hay sa wakas nakangiti na ako pagkatapos ay humawak ako sa braso ni mama para ayain na itong bumaba.

“Diba? Kanino pa ako magmamana,” pabiro kong sabi sa kaniya habang naglalakad kami patungo sa hagdan.

“Aba matic sa Mama Dedeth mo, kanino pa ba?" pabiro rin n'yang sagot kaya pareho kaming humagikhik ni mama.

Para lang kaming mag-bestfriend ni Mama kung magbiruan. Minsan nga akala ng ibang hindi nakakikilala sa 'min napagkakamalan kaming magkapatid lang ni mama. Bata pa kasi si mama at hindi halata sa kaniya na forty seven na siya at ako naman ay twenty three. Para lang siyang late thirties kahit pumayat siya ngayon nag-undergo kasi ito ng bone marrow transplant dahil sa Leukemia.

Lumaki akong single mom si mama. Maagang binawi sa 'min si Papa twelve years old pa lamang ako ng pumanaw si papa. Si mama lang ang mayroon ako kaya lahat gagawin ko humaba lang ang buhay nito.

Nakatatawa nga kasi kung kailan one month na lang ikakasal na kami ni Archie pero ngayon ko lang makahaharap ang daddy ni Archie.

Ngayon lang din naman kasi umuwi galing ibang bansa ang daddy ni Archie. May inasikaso raw na business.

Hindi ko rin nga akalain na mauuwi sa tunay na pag-iibigan itong relasyon namin ni Archie. Kasi nagkakilala kami ng time nangailangan lang ako ng pera para sa operasyon ni mama. Wala akong ibang malapitan. Parang coincidence rin ang nangyari dahil tulala ako noon habang duty sa coffee shop na pinagta-trabuhan ko at customer namin si Archie.

Siya ang unang kumausap sa akin. Dahil hopeless ako ng time na iyon sa sunod-sunod na kamalasan na nangyari sa akin. No choice ako kung hindi tanggapin ang alok ni Archie, dahil nauubusan na ako ng time.

Magpapanggap lang naman akong fiancee niya ngunit fake ang magiging kasal namin. Madali lang tanggapin lalo na noon kailangan ko ng pera. Ngunit hindi ko akalain mahuhulog kami ni Archie sa isa't isa. Totoong kasal na raw ang gusto niya at dahil mahal ko siya pumayag ako.

Pagbaba namin ng hagdan. Nakangiting Archie ang nabungaran ko. May second floor kasi ang bahay at dalawang k'warto sa second floor ngunit pina-rent namin para mayroon pambayad sa tubig at kuryente namin.

“Hi, ang ganda mo,” saad ni Archie, habang pinapasadahan n'ya ako ng tingin.

“Ikaw rin ang g'wapo mo,” tugon ko sabay matamis na nginitian siya.

“Kaya nga bagay talaga tayo,” tugon n'ya narinig kong bumungisngis si mama, kaya napakamot ako sa buhok ko mukhang aasarin ulit ako.

“Tara na nga nagkakabolahan na tayo,” saad ko kay Archie dahil ito na naman si mama handa na naman akong asarin.

“Tita Dedeth, ayaw maniwala ng anak mo,” sumbong pa n'ya kay mama kaya inirapan ko.

"Problemado pa iyan kung bagay ang damit sa kaniya,"

"Ma!" suway ko mabuti ngumiti na lang si Archie at nagpaalam na rin dahil nag-aantay na raw ang daddy nito.

"Mag-iingat kayo mga anak," bilin ni mama hinatid din niya kami sa p***o umalis lang si mama ng umpisa paandarin ni Archie ang kotse nito.

Sa biyahe tahimik lang ako at napansin iyon ni Archie. Napatingin ako sa kaniya ng hawakan nito ang kamay ko at pinisil iyon.

"Babe, relax lang okay? Wag kang masyadong mag-alala dahil sigurado ako na magugustuhan ka ni, daddy," saad n'ya kaya napangiti na lamang ako at kahit paano napanatag ako sa sinabi niya.

Ngunit nang makarating kami sa napakagara nilang bahay. Hindi lang pala basta bahay dahil isang modern mansion ang nabungaran ko. Kaya ito na naman lihim akong kinakabahan ngunit ayaw ko naman ipahalata kay Archie, baka hindi pa tumuloy kung malalaman nito natatakot ako.

"Babe, ang lamig ng kamay mo," saad pa nito nang tuluyan kaming makapasok sa loob ng main door.

Nakangiti akong nag-angat ng tingin upang sana sabihin na mali siya ngunit napunta ang atensyon ni Archie sa lalaking nakatayo sa gitna ng living room. Nakatalikod ito sa 'min at may kausap sa phone. Napatingin din ako sa nakatalikod na lalake. Ang tangkad pala ng daddy ni Archie.

"Dad!" tawag dito ni Archie. Woah! Ito na pala ang future father-in-law ko, kaya naman nakahanda na ang matamis kong ngiti para rito.

Pero nang humarap ito sa 'min ni Archie, daig ko pa ang binuhusan ng napakalamig na tubig nang makaharap ang daddy ni, Archie. Mariin akong napalunok lalo pa kitang-kita ko saglit din itong natigilan pagkakita niya sa 'kin. Ewan lang kung napansin iyon ni Archie. Pero ako ramdam ko ang kakaibang ngisi nito pagkakita nito sa 'kin.

Wala sa sarili bigla akong napahawak sa braso ni Archie. Shit bakit ba ang kulit nitong daddy ni Archie. Talagang sinundan n'ya pa iyon ng tingin kung saan ako humawak kay Archie. At hindi lang basta iyon titig dahil seryoso ito para bang hindi nito nagustuhan ang ginawa ko.