Chapter 15

Tahimik ulit ito habang nasa biyahe kami pabalik ng villa. Pero kanina ko pa iniisip ang pagpapakilala nito sa akin na asawa raw ako nito sa doctora. Naguguluhan ako sa parteng iyon. Naisip ko na lang din na baka ginawa niya 'yon dahil ayaw niya ng maraming tanong pa ang doctor. Hindi ko rin mapigilan ang kiligin ngunit kaagad ko rin na pinutol ang kilig kong iyon dahil alam ko kung hanggang saan lang ako. At isa pa malabong mangyari na ang iniisip ko na magkakaroon ng kami.

Subalit kanina ko pa rin pinag-iisipan kung paano ko sasabihin ang pasasalamat ko sa amo kong palaging may dalaw. Ngunit kahit ganoon pa man, may itinatagong kabaitan din naman pala ito. At mukhang tama nga ang sabi ni Winona at Gemma tungkol sa kaniya na mabait din naman pala ito kahit na may kasungitang taglay.

Tumikhim muna ako bago nagsalita.

"Sir, salamat po," tila nahihiya kong sambit. "At pasensiya rin po kung hindi ko po sinabi sa inyo ang tungkol sa pagbubuntis ko. Natakot lang po kasi ako na mawalan ng t