Chapter 15

ANNALISE

HINDI PA MAN sumisikat ang araw ay lahat kami ay gising na. Kitang-kita ko sa mga mukha nila na inaantok pa sila, naghihikab pa nga. Plano kasi namin ngayong umakyat ng bundok kaya maaga kaming gumising. Tiningnan ko sila ulit at napailing na lang dahil sa kanilang mga itsura. Sabog na sabog pa ang mga buhok nila.

“Fvcker! Hindi ako nakatulog ng maayos dahil sa ‘yo!” rinig kong reklamo ni Primo kay Ace na ini-enjoy ang pandesal at puto maya na pinaresan ng kape. Nabilaukan si Ace sa narinig.

Kami lang nandito sa labas habang nagkakape. Natutulog pa kasi ang mga kapatid at si tatay. Si nanay naman ay nag-asikaso ng almusal namin mamaya at baon na rin kapag aakyat na kami ng bundok.

Pagkatapos naming mag-kape ay agad akong nag-aayos. Nakakahiya namang lumabas na ganito ang itsura ko. Nagsuot din ako ng jacket dahil malamig pa. Pagkalabas ko sa kwarto ay nakita ko na sila na handang-handa. Napangiti na lang ako habang pinagmamasdan sila. Sinong mag-aakala na hindi normal na ta