4. My boss offer!

(Ava pov)

Dahan-dahan kong binuksan ang pinto at walang ingay na pumasok sa loob. Nasa opisina na kasi si Sir Elijah, dumating na daw ito ang sabi sa akin ng guard. Kahapon natakasan ko pa ang paghaharap namin, hindi kasi ito pumasok kahapon.

Pagkaupo ko ay bumuga ako ng hangin. "Relax, Ava. Isipin mo nalang hindi mo naka-bembang si Sir!" Bulong ko sa sarili ko para kumalma naman ako. Para kasing lalabas ang puso ko sa sobrang kaba ko na makaharap ito. Sinimulan ko ng ihanda ang mga gagawin ko ngayong araw. Napalunok ako ng laway ng maalala na marami ako kailangan papirmahan na papeles rito. So, no choice din pala ako kundi puntahan siya.

Napahawak ako sa dibdib ng biglang tumunog ang telepono sa desk ko. Ang siste pa, mukhang magkakaroon ako ng sakit sa puso dahil kay sir.

"Hello?"

"Come to my office, Miss Ava. Now!" Utos ni Sir Elijah sa akin.

Hinanda ko ang mga papeles na dadalhin ko bago kumatok sa pinto. "Come in" daw kaya pumasok na ako. Nakita ko si Sir Elijah pagpasok ko na nakahawak sa baba habang nakatanaw sa labas ng bintana na mayro'ng magandang tanawin sa labas. As usual, ang gwapo talaga ni Sir. Kapansin-pansin ang matangkad nitong pigura at magandang pangangatawan. Bagay dito ang dark blue suit, black pants at black shoes. Maihahalintulad ito sa mga nagagwapuhang mga modelo sa ibang bansa. Matangos ang ilong, manipis ang mamula-mulang labi, bagay ang matapang na features ng mukha nito sa pangahan nitong mukha.

Baka mahuli ako nitong nanunuri ng tingin kaya yumuko ako. "Sir, ito nga pala ang mga papeles na kailangan mong pirmahan. Ipapaalala ko din sayo ang business meeting mo mamayang hapon kay Mr. Kang sa Palace Restaurant." Inabot ko sa kanya ang mga papeles, nakita ni Sir na medyo awkward ang kilos ko, tapos nanginginig pa ang kamay ko sa nerbiyos, hindi ako makatingin ng diretso sa kanya, gusto ko ng lamunin ako ng lupa sa sobrang kahihiyan.

Buti nalang hindi na inungkat ni Sir ang nangyari sa amin kaya nakahinga ako ng maluwag. Magpapa-alam na sana ako na lalabas, pero pag angat ko ng tingin ay nahulo ko siyang nakatingin sa leeg kong nababalot ng scarf, tinatago ko kasi ang kiss mask na nilagay niya, mas lalong nakakahiya kung ibabalandra ko ito para makita ng iba.

Nahuli kong umangat ang sulok ng labi nito, mukhang naaliw pa ito sa ginawa kong pagtago ng marka sa leeg ko. "That's all, Sir. Lalabas na ako!" Ani ko.

Patalikod na sana ako ng may ilapag ito sa ibabaw ng desk. Basahin ko daw kaya kinuha ko ito at binasa. Nanlaki ang mata ko ng mabasa ko kung ano ito. Baka nagkakamali lang ako kaya binasa kong muli para makasiguro, pero isang taon ng kontrata talaga ng kasal ang nababasa ko at para ito sa akin.

"Sir, ano ang ibig sabihin nito? Gusto mo ako maging asawa sa loob ng isang taon?" Tanong ko sa kanya. Baka mamaya isang uri lang ito ng biro. Hindi na kasi ito 'sex' lang kundi kasal na. Doon pa nga lang sa nangyari sa amin halos hindi na ako makamove on, sa kasal pa kaya?

Pero hindi naman si Sir Elijah ang tipo na marunong magbiro kaya hindi ko masatinig ang pagdududa ko na binibiro niya ako.

Pinagsalikop no Sir Elijah ang dalawang kamay habang nakapatong ang dalawang siko sa desk at pinaliwanag ang gusto niyang mangyari, parang nakikipag-business deal lang ito sa akin. "Isang "one year marriage contract" ang papel na 'yan. Nalaman kong nasa hospital ang nanay mo at nangangailangan kayo ng malaking halaga para sa operasyon niya. Kung papayag ka sa inaalok ko sayo, tutulungan kitang bayaran ang medical bills ng nanay mo sa hospital, hindi lang 'yon, babayaran ko rin ang pagkakautang ng pamilya niyo."

Nagulat ako at the same time ay nainis sa ginawa nitong panghihimasok sa personal kong buhay. Pati ang problema namin ay inalam nito.

"Isang taon lang ang kontrata. Kailangan mo lang tapusin ang nakasaad sa kontrata, ayoko din na may ibang makakaalam ng kontrata nating ito, lalo na sa trabaho, ayokong malaman nila na mag asawa tayo. Pagkatapos ng isang taon ay bibigyan kita ng 20 million para may panimula kayo ng pamilya mo. Hindi ka na lugi sa alok ko, bukod sa matatanggap mong bayad pagkatapos ng isang taon, masasalba mo pa ang buhay ng nanay mo at mababayaran pa ang mga utang niyo. Magdesisyon ka na ngayon bago ako humanap ng ibang babae na willing tumanggap ng offer ko." Sabi ni Sir na hindi man lang nagbigay ng panahon para mapag isipan ko ang offer nito.

Ayokong magpadalos-dalos at pangunahan ng pride ko, hindi naman mapapagaling si mama ng pride ko, hindi nga ako lugi sa alok ni Sir. Galing na ako sa mga bangko kahapon para magloan pero hindi ako makapagloan dahil marami pa akong hindi tapos bayaran. Tumanggi din ang mga kakilala ko na pautangin ako, masyado daw malaki ang hinihiram ko, kaya ang alok nalang ni Sir ang option ko.

Kumuha ako ng ballpen at pumirma. Halatang natuwa naman si sir at mukhang hindi nagulat, mukhang alam nito kung gaano ko kakailangan ng pera kaya mapapapirma niya ako sa kontrata. Bago ako lumabas ay binilinan pa niya ako na maghanda na sa paglipat sa penthouse nito, kasama kasi iyon sa kontrata naming dalawa, kailangan namin tumira ni sir sa iisang bahay ng magkasama para maging convincing ang pagiging mag asawa naming dalawa. Hindi ko maiwasan na kabahan sa pagtira sa penthouse dahil makakasama ko siya... bukod sa amo ko siya ay nagsex na kaming dalawa. Kung hindi ko lang talaga kailangan ng pera ay hindi ako papayag sa marriage contract na ito. Iisipin ko nalang si mama para tumibay ang loob ko, para naman sa kanila ang gagawin ko.

Iisipin ko nalang na hulog ng langit si sir para makatulong sa mga problema ko.