Chapter 7

Tinawanan na lamang ito ni Sofia at hinayaan silang maglaro ang pantasya sa kanilang isipan.

Nakita niya ang sasakyan ni Miguel na nakaparada sa mga reserved parking bay ng opisina. Lumapit siya at kinatok ang bintana. Lumingon si Miguel na noong una at abala ito sa kape na iniinom.

"Wala ka na bang naiwan?" Tanong nito sa kaniya nang pumasok siya at maupo sa tabi.

Napangiti naman siya dahil talagang kabisado na siya ni Miguel. Alam nitong makakalimutin siya at may mga panahon na bumabalik sila sa opisina dahil may mga gamit niyang nakalimutan na bitbitin.

Tiningnan niyang muli ang mga gamit at saka ngumiti kay Miguel. "Wala na naman na Kuya Migs".

Nagpunta na silang dalawa sa Marikina unang puntahan ang isa nilang rental property nila doon. Nagkaroon kasi ng issue ang mga tenant na may nanakawan daw at gustong makakuha ng kopya ng CCTV para maipakita sa barangay.

Nang makarating si Sofia sa gate ay bumaba na siya at pinuntahan ang mga tenant. Habang si Miguel naman ay nagpaiwan na sa sasakyan dahil sabi ni Sofia at saglit lang naman siya. Kinausap ni Sofia ang mga tenant at binigyan ng kopya para sa barangay. Pinapirmahan niya lamang ang mga tenant ng waver na sila at nakakuha na ng kopya at gagamitin ito para maging ebidensya lamang.

Matapos maiayos ni Sofia ang kaniyang pakay, nagpunta na sila ni Miguel sa bahay ng kaniyang mga magulang para doon maghapunan. Naalala ni Sofia na mayroon daw itong good news at gusto siyang kasama sa pagbalita nito.

Si Sofia ay anak nila Sergio at Hazel Reyes na parehas nakatira sa Australia. Taong 2015 nang magpunta ang pamilya sa ibang bansa upang doon na manirahan. Nasa edad kinse anyos palang si Sofia at nakatapos na ng highschool sa Pilipinas. Sa Australia na siya nagtapos ng kolehiyo sa kursong Journalism and Mass Communication. Siya rin ang President at Editor-in-Chief ng school paper nila na siyang may pinakamagandang edisyon sa history ng paaralan nila. Kung kaya ganoon na lamang ang lungkot ng kaniyang mga magulang nang ito ay magdesisyong umuwi ng Pilipinas at doon maghanap ng trabaho. Mapapalayo na sa kanila ang kanilang prinsesa ay hindi pa nito natupad ang pangarap ng kaniyang mga magulang sa kaniya.

Ngunit hinayaan na lamang ito ni Sergio at Hazel dahil naisip nilang baka magrebelde ito sa kanila at mas lalong hindi nila ito makakaya.

Naging maganda naman ang takbo ng buhay ni Sofia sa Pilipinas dahil nakakuha ito ng magandang posisyon sa kumpanya ni George at nababalanse ang negosyo ng kaniyang mga magulang. May mga ibang bagay din siyang napagkakaabalahan kaya nga naman ganoon na lang din ang hang ani Miguel sa kaniya.

Palaging nakasuporta si Miguel sa kaniya simula nang umuwi siya at manirahan sa Pilipinas. Dahil sa ayaw niyang kumuha ng sasakyan at tingin niya at hindi importante ito, madalas na sinusundo siya ng binata. Ngunit kapag minsan ay busy ito, si Miguel ang kumukuha ng uber para masundo ito.

Malaki ang pagprotekta nito sa dalaga kaya nga sa opisina ay ganoon na lamang kung tuksuhin silang dalawa na pinagkikibit balikad na lamang niya. Hindi naman lingid sa kaalaman niyang may fiancée si Miguel at na-engage ito bago pa man siya bumalik. Dahil malapit din siya kay Rafa, hindi nila binibigyan ng kahulugan ang pagiging malapit din ni Miguel sa kaniya. Sa paningin niya ay nakatatandang kapatid is Miguel at wala nang iba.

Naubos ang oras nila Miguel at Sofia sa byahe habang masayang nagkukwentuhan. Marami ring paalala ang binata sa kaniya dahil sa mga delikadong nababalitaan sa paligid.

"Oo Kuya Migs, alam ko na ang mga iyan." Pagputol nito sa kung anu-anong paksa about sa pagiging maingat mga taong nakakasalamuha.

"Bakit ba kasi hindi ka pa kumuha ng sariling mong sasakyan. Minsan napapaisip ako, napapagod na ata akong sunduin ka palagi," patawa-tawa nitong sabi sa kaniya na siya namang ikinasimangot ni Sofia.

"Grabe ka sakin ha! Pwede naman ako mag-uber kasi, no? Hindi na ako bata. I can take care of myself." Sagot niya sabay irap at hinalukipkip ang sarili.

"I know you can take care of yourself, but I made a promise to Tito Sergio at Tita Hazel that will take care of you. Kung siraan kaya kita sa kanila at pabalikin ka ng Australia?" panghahamon nito.

"Joke lang. Ikaw naman masyado kang matampuhin." Pang-aamo ni Sofia.

Ngumisi naman nang nakakaloko si Miguel. Kabisado na niya ang kinakapatid. At alam din naman niyang masyado siyang protektado dito kung kaya ganoon na lamang ang pag-aalala niya kapag hindi ito nakakauwi ng maayos.

"Nga pala, sino iyong lalaking kasama mo sa conference room? Grabe makatingin, ah. Akala mo kakain ng tao, eh". Sabi ni Miguel habang nagmamaneho at nakatingin sa daan. Kapag may pagkakataon ay tumitingin ito kay Sofia.

"Si Theo Garcia iyon. Contract writer under ng Alexa House. Madami siyang naisulat na magagandang libro at marami rin ang fans." Sagot ni Sofia na ngayon ay busy na sa pag-scroll sa socia media accounts niya.

Nagdako ang mga daliri niya at hinanap ang page ni Theo sa I*******m. Laking gulat nito nang makitang halos 100k followers mayroon ito. Wow. Isip niya. Hindi niya akalain na ganoon ito kasikat. Tiningnan niya kung sino ang mga naka-follow dito at napansin karaniwan ay mga babae. Hindi naman nakakapagtaka. Sabi ng loob niya.

Ipinarada na ni Miguel ang sasakyan matapos makapasok sa malaking gate ng bahay nila. Bumaba silang dalawa at nagulat s amalakas na hiyaw ng isang babaeng papalapit sa kanila.

"Iyaaa...!!" Patakbong hiyaw ng babaeng papalapit sa pwesto ni Sofia. Nakadipa ang mga braso nito at akma siyang yayakapin.

Wala na nagawa si Sofia kundi tanggapin na lamang ang mainit na yakap ni Rafaela Santiago, o mas kilalasa pangalang Rafa, ang nobya ni Miguel. Malapit nga Talaga ang dalawang ito na para bang nakababatang kapatid din ang tingin sa kaniya ni Rafa.

Bumalik naman ng yakap si Sofia at masaya silang nagkamustahan.

"I miss you, Sis!" Sabi ni Rafa na tumatalon habang yakap si Sofia.