Chapter 6

Nang kumalma sila at naupo si Les sa tabi ng kama. “Damn Theo, sino si Sofia?” may hapdi sa kaniyang kalooban sa hindi inaasahang pangyayare. Siya ang kasama pero ibang pangalan ng babae ang binanggit nito. Alam naman ni Les na hindi siya dapat masaktan at malinaw sa kaniya kung anong mayroon sila. Ngunit mapapadalas ang p********k nila ni Theo at nasasanay na ito sa hawak ng binata kung kaya sa puso niya ay hindi ito tama.

Kahit pa patay ang ilaw at alam ni Les na nakatingin ang binata sa kaniya. “You don’t have the right to question me. Alam mo kung ano ka lang sa buhay ko.” Marahas na tumayo si Theo at pumasok sa banyo pagkabukas ng ilaw nito.

Napaismid na lamang si Les at isinantabi ang nararamdaman. Mas mahalaga ang init na nararamdaman niya ngayon kaysa sa pride niya. Alam naman niyang hanggang ganito lamang ang kayang ibigay ni Theo at tatanggapin niya iyon para maibsan din ang sensuwal na ito.

Sinundan niya si Theo sa banyo at makailang beses pa silang nagtalik. Kahit pa palaging binabanggit ni Theo ang pangalang Sofia, nagpanggap na lamang si Les na siya ang babaeng ito at pinasaya nila ang isa’t isa.

~~

Kinaumagahan ay nagising si Theo na wala na si Les sa tabi niya. Iyon naman kasi ang usapan nilang dalawa. Sa dilim lang sila magkasama at wala ng iba. Tumingin siya sa orasan na nakapatong sa side cabinet. 9:30am.

Pupungas-pungas pa si Theo nang makita ang isang email. Mula ito kay Sofia kaya agad niya itong binuksan at binasa. Kakasend lamang ito makalipas ang ilang segundo.

Napangiti siya ng makitang calendar invitation ito ng editing nila sa libro. Isang minuto pang makalipas ay tumunog ang kaniyang telepono na numero lang ang nakalagay.

“Good morning. This is Sofia. Let’s meet tomorrow for another editing session at the office. Paki-accept ang calendar invite kung available ka. If not, propose another date and time.” Agad na binaba ni Sofia ang tawag kahit na walang narinig na sagot kay Theo.

Nawala ang ngiti ni Theo at napatingin na lamang sa telepono matapos ibaba ni Sofia ang tawag. Ganoon ba kapangit ang first impression ko sa kaniya, isip niya.

Natapik naman niya ang kaniyang ulo na parang sinisisi ang sarili. “Masama ito,” mapait niyang banggit.

Nagpalit-palit ang tingin si Sofia sa pwestong inalisan ni Theo at kay Migiuel na ngayon ay nasa loob na ng conference room. Anong nangyare? tanong niya sa isip.

"Ano, tara na Iya. Para makaabot tayo sa dinner ni Dad." Aya ni Miguel habang naglalakad papunta sa kinakatayuan ni Sofia.

Napakurap-kurap siya at nang kumalma ang kaniyang dibdib at nagpakawala siya ng malalim na buntong hininga. Nanlalambot ang kaniyang mga tuhod kaya minabuti niyang maupo muli.

Bumalik sa isip niya ang ekspresyon sa mukha ni Theo nang tanungin siya nito kung nobyo niya si Miguel, at nang sumagot ang huli ay mas lalong nagdilim ang paningin ni Theo. Umalis ang binata nang hindi nagpapaalam sa kaniya. Pumikit na lamang siya nang mariin at saka pinalis ang nabubuong ideya sa isip niya. Bakit? isip niya.

Tumikhim si Miguel upang mapunta ang atensyon sa kaniya ni Sofia dahilan para magtaas ng tingin ang dalaga sa kaniya. Kita sa mga mata ni Sofia na malungkot ito at may halong pagtatanong.

Kumunot ang noo ni Miguel. "Huwag mong sabihing mas gusto mong kausap ang lalaking iyon kaysa sa akin? Kita mo ba ang itsura niya? Mukha siyang hindi gagawa ng maganda." Pagkukumbinsi ni Miguel sa dalaga. Naupo ito sa kabilang bahagi ng lamesa.

Hindi naman makakaila na may impresyon si Theo na mukhang basagulero. May magulo itong buhok, may hikaw sa tainga at higit sa lahat ay may matalim at malalim itong tingin. Mukhang mainitin ang ulo at kung makatingin ay para kang lalamunin. Ngunit may maamo itong ekspresyon sa kaniya at nakakaawang itsura rin nang sampalin niya ito. Sa paningin ni Sofia ay hindi naman ito ganoon na nakakatakot. Aaminin niya, guwapo ito at maganda ang katawan. Halatang nag-eehersisyo at maalaga sa sarili.

"Huwag na nga nating pag-usapan ni Theo, Kuya Migs." Pagtutol ni Sofia sa gustong maging paksa ni Miguel. "Hindi tama na pumapasok ka nalang bigla sa conference room lalo at may ongoing na meeting. Trabaho pa rin itong pinag-uusapan namin ni Theo. Isa siya sa mga magagaling na contract writers natin at sayang kung sa ibang publishing company siya mapupunta." Pagpapaintindi ni Sofia sa nakabusangot na si Miguel. Hindi mapagkakailang napukaw kahit papano ang damdamin ni Sofia sa itsura ng binata pero naisip niyang dapat itong mapagsabihan. Una, nasa trenta na ang edad nito at dapat umakto ng tama. Pangalawa, nasa working hours siya at official meeting ang nangyare sa pagitan ni Theo at Sofia.

"Okay, sorry na. Hindi ka kasi nagrereply. Hindi na mauulit". Sagot nito sabay ngiti at humihingi ng kapatawaran.

Napabuntong hininga na lamang si Sofia at ngumiti kay Miguel. "Pwede mo ba akong intayin na lang sa sasakyan? Ayusin ko lang ito at ilalagay ang mga gamit sa opisina ko."

"Sige, no problem. I'll get coffee first then I'll wait for you in the car." Tumayo na si Miguel at pumunta sa kusina ng opisina para gumawa ng kape.

Nanatili naman si Sofia na nakaupo sa conference room at napaisip. Gusto niyang malaman kung ano ang dahilan sa likod ng mga tingin ni Theo. Noong una nilang magharap ay nakangiti ito at naging mapagbiro. Nahuhuli niya rin itong nakatingin sa kaniya at hindi sa wide screen. At higit sa lahat, nagbago ang mga tingin nito nang dumating si Miguel. Nakuha pa nitong tanungin siya kung magkasintahan sila ng binata. Nangilabot siya sa isiping iyon.

Hindi kailanman niya naisip na magiging magkasintahan sila ni Miguel. Para na itong nakatatandang kapatid sa kaniya at nirerespeto niya ang relasyon ni Miguel at Rafa.

Napagdesisyunan na ni Sofia na tumayo mula sa kinauupuan sa conference room at pumasok sa opisina para ibalik ang mga gamit. Kinuha niya ang maliit na Coach bag at ipinasok doon ang telepono niya.

Nagpaalam siya sa mga ibang katrabaho bago tuluyang umalis. Ang iba niyang kabiruan ay tinukso pa siya kay Theo. Iilan sa kanila ay nagsasabing bagay silang dalawa. Mukhang may karibal na daw si Kuya Migs. Pinasabihan niya ang mga katrabaho at hindi hinayaan na bigyan ng malisya ang pagiging malapit nil ani Miguel. Ayaw niyang may pangit na balitang makarating kay Rafa dahil ayaw niyang masaktan ito.