Chapter 03

Three days after the incident at Clarkson Mansion.

Panay ang paghawak ni Czarina sa kaniyang tagiliran habang hinihila ang isang maleta na pinaglalagyan ng mga importanteng kagamitan niya tulad ng damit, ilang gadgets at kung ano-ano pang pansariling gamit. Ang tanging dinala niya lang ay iyong mga katas ng kaniyang pagod at pawis-- mula sa kinita niya bilang isang flourist.

Lilisanin na niya ang impyernong kinalalagian, iiwan niya ang mga bagay na mula sa kaniyang asawa't pamilya nito, at isa na ro'n ay ang flower shop na ibinigay ng grandpa Jojo nila sa kaniya. Mabigat man sa kaniyang kalooban ay nakapagdesisyon na si Czarina, mas lalong sumasama ang kaniyang pakiramdam sa tuwing makikita ang asawa-- hindi, ex-husband na dahil pinirmahan na niya ang divorce paper matapos niyang mahuli na may babae ito. Nawala ang nabubuo pa lamang na sanggol sa kaniyang sinapupunan ng araw din na 'yon.

Ayaw niya sanang sisihin si Jasper sa nangyari, parehas nilang hindi alam na buntis siya at aminado siyang maging siya ay hindi nag-ingat. Nagawa pa niyang uminom ng alak ng gabing 'yon, ngunit hindii rin naman niya maitatago na ang ilang beses na pagtulak sa kaniya ni Jasper ang nag-udyok upang siya'y ma-stress at nadamay ang bata sa kaniyang bahay-bata.

"Czarina, saan ka ba pupunta pagkalabas mo sa bahay na 'to? Do you have money? Or anyone to rely on?"

Kanina pa bumubuntot si Jasper kay Czarina, ilang beses niya rin itong pilit na kinakausap ngunit kahit na isang responce ay wala siyang napala.

Oo, inaamin niya naman sa sarili na siya ang nagkamali, na lahat ng ginawang effort ni Czarina ay hiya na-appreciate kahit isa. Ngunit iba pala kapag may buhay na nadamay lalo na't walang itong naging laban sa nangyari.

Nang malaman ni JAsper na nakunan ang asawa ay agad siyang nakaramdam ng galit sa sarili. Hindi naman niya hinangad na dumating sa puntong kailangan pang mawala ang anak niya upang marealize ang pagkakamali. Ang totoo'y gusto niyang magwala ng mga oras na 'yon, inasam niya na magkaroon ng pamilya, ng anak... Na kung mas maagang naibigay ni Czarina na sa kaniya'y tiyak siya sa sariling hindi siya aabot sa pagiging walang kwentang tao.

Ngunit wala na rin atang magagawa pa si Jasper, kapalaran niya bilang nag-iisang lalaking tagapagmana ng mga Clarkson na mas unahinn ang negosyo kaysa sariling interest. Kaya naman kahit labis-labis ang effort ni Czarina upang makuha ang kaniyang loob ay hindi niya masuklian iyon.

Ang goal niya bilang isang Clarkson ay gawing mas malakas ang kanilang Kompaniya.

"Czarina." Hinila na nito ang kamay ng asawa, iyong walang hawak na maleta. Sandaling napatigil si Czarina't nilingon si Jasper.

"Ano pa bang kailangan mo JAsper, ibinigay ko na ang divorce na gusto mo, ah. Nawala na rin ang anak ko sa akin, may kailangan pa ba akong gawin para lang ma-satisfied ka sa buhay mo?" Malamlam ang mga mata na ipinukol ni Czarina sa dating asawa.

Hindi pa man naipapasa ang kanilang Diborsyo sa piskal para sa kaniya ay hindi na niya asawa pa si Jasper. Sapat na ang ilang taong panunuyo niya rito, pagod na siya.

"Nothing, it's just that..."bumuntong-hininga si JAsper, hindi niya alam kung paanong i-address kay Czarina ang concern na nararamdaman niya ngayon. Alam niyang walang mapupuntahan ito.

"Ano." Neutral ang naging tono ng boses ng babae, walang halong iba pang emosyon.

"Alam kong galit ka, pero puwede natin 'tong ayusin, makipag-usap ka lang sa akin," ani Jasper sa harapan ng asawa. Desidido siya ngayon na maayos ang sigalot sa pagitan niya.

Pumalatak naman ng kanyang tawa si Czarina sa binitiwang salita ng asawa. "At ano naman ang nakain mo't ganyan ang lumalabas sa bibig mo, Jasper? Huwag mong sabihing u-utuin mo na naman ako, wait, mayro'n bang sinabi si Grandpa kaya biglang nagbago ang ihip ng hangin, huh? Kailangan mo ba ako ulit?"

"No!" Agad namang sagot ni Jasper. Hind siya nagkamali na 'yon ang maiisip ng asawa niya sa kaniya. "I'm here, to clear things between us, walang kinalaman ang kahit na sino."

"That's impossible, Jasper. I Know you."

Tila ba malupit na kidlat ang tumarak sa katauhan ni Jasper sa binitiwang salita ni Czarina. Simpleng pangungusap lang naman 'yo, ngunit para sa kaniya'y may malalalim na kahulugan. Sa pandinig niya kasi'y puno ng 'sarcasm' ang sinabi ng asawa.

Pakiwari niya pa'y naputol na ang dila niya sa nagawang katahimikan sa loob ng ilang segundo.

"Kung wala ka nang sasabihin pa ay aalis na ako, ayaw ko nang maabutan pa ng kahit na sino pa sa pamilya mo. "Goodbye, Jasper. Sana'y maging masaya ka, man up!"

Iyon lang at tinalikuran na ni Czarina si Jasper, tinungo niya ang malaking gate at nagpatulong sa gwardiya na hilahin ang kaniyang gamit palabas lang ng malaking tarangahan. Wala siyang balak na lumingon pa, dahil simula ng araw na malaman niyang nawala ang anak niya'y kinamuhian niya na si JAsper at ipinangako niyang kahit na ano pang gawin nito'y hinding-hindi niya siya mapapatawad.

Sa kabilang banda, si Jasper na labis ang galit sa sarili ay dinayal ang Numero ng kaniyang abogado't itinatanong ang tungkol sa divorce papers na ang mama niya ang nag-abot rito.

Nais niyang i-urong ang diborsyo kay Czarina. Ang rason, guilt.

"I'm sorry Mr. Clarkson, but I already passed it on the higher ups, and they accepted it. babalitaan ko na lang kayo sa magiging schedule no'n."

Matapos na marinig ang tinuran ng abogado ay pabalang na naitapon ni Jasper ang hawak na kulay abong telepono. "Da*n it!"

Gusto niya na lang din sumabog sa inis.

Tinahak ni Czarina ang daan palabas ng kanilang subdivision, walang pakialam sa mga matang nakatingin sa kaniya. Kahit na mukha siyang kaawa-awa ay tuloy pa rin siya sa ginagawa, mas mahalagang makaalis na siya sa lugar bago pa abutan ng gabi.

Ngunit habang naglalakad ay hindi na naiwasan pa ng babae na kuwestiyunin ang sarili, na kung bakit sa lahat ng kamalasan sa mundo'y halos lahat naman ay nasalo niya.

Tuluyang naglandas ang luha sa pisngi nito, nagsimulang magbara ang ilong at mangasim ang mukha. Hindi na niya nakayanan pang itago ang emosyong ilang araw niya ring kinimkim. Mula sa Ospital na pinanggaligan niya'y kahit isang patak ng luha ay hindi siya nag-aksaya. Masakit na mawalan ng anak, ng bata sa kaniyang sinapupunan ngunit mas masasaktan siya kapag pinairal niya ang natitirang emosyon lalo sa harap ni Jasper.

Ayaw niyang kaawaan siya ng sinuman kaya mas pinili niyang magtapang-tapangan kahit labag sa kalooban niya.

Nang sandaling 'yon, sumabay sa pagkulimlim ng kalangitan ang pagbagsak ng sakit sa kalooban ni Czarina. Humagulgol siyang hinihila ang kaniyang gamit, walang pakialam sa mga tao sa paligid niya.

Bumabayo sa galit ang kaniyang dibdib, nakakuyom ang isang kamao na para bang may gusto iyong patamaan. Inilabas niya ang sarili sa hawlang pinaglagian ng ilang taon. Ngayon, suot ang kulay pulang dress na lagpas tuhod at dalawang dangkal na taas na stiletto, balak niyang hanapin ang lugar na babagayan niya. Na kung kailangang humingi ng tulong sa kinasusuklamang ama gagawin niya, mabawi lang ang sarili sa pagkalugmok.

Ilang kotse ang dumaan sa gawi ni Czarina, ngunit ni isa ay walang nangahas na pumansin sa kaniya, kahit hanggang sa pagbuhos ng ulan ay mag-isa niyang binabaybay ang daan palabas.

Ilang minuto pa lamang ng tuluyang lumuha ang kalangitan subalit buong damit na niya ang na basa. Sumasabay ang sama ng panahon sa sama ng loob ni Czarina, ngunit wala naman siyang magagawa dahil kahit pagsabihan niya ang kalangitan ay hindi naman 'yon makikinig sa kaniya.

"Ang sama niyo sa akin, naging mabuting tao naman ako mula noon hanggang ngayon, pero bakit kailangan niyo akong pahirapan ng ganito. " Mugto na ang mata ni Czarina. Hindi madaling mapapansin 'yon dahil sa buhos ng ulan, tanging ang kulay ng mga mata niya na lang ang magpapakita ng kaniyang nararamdaman.

"I hate you all! Sisiguraduhin kong sa susunod kong buhay ay kayo naman ang nasa ilalim, at ako ang nasa taas. I hate the Clarksons... Jasper... Everyone."

Matapos punasan ang sipon na malapit ng lumapat sa kaniyang labi ay muling naramdaman ni Czarina ang pagsakit ng kaniyang tagiliran. Sakit na buwan niya na ring iniinda, ngayon lang nagsunod-sunod na halos ang pagitan ay thirty minutes na.

"Kailangan niyo po ba ng taxi ma'am?" Iyon ang bungad ng gwardiya kay Czarina nang marating niya ang guard post.

Umiling lang ito bilang sagot.

"Naku Ma'am, basang-basa na po kayo, may nangyari po bang masama?" Nagtaka na rin ang mga guwardiya sa hitsura nito. Binalak na tumawag sa residensiya ng mga Clarkson.

Ngunit pinigilan iyon ni Czarina, hindi na siya nagbigay pa ng maraming statement bagkus ay nginitian niya na lang ang mga ito. Sunod ay ang pagpatuloy niya sa pag-alis.

"Argh!" Naging daing niya sa sarili. Hirap na siya sa kaniyang sitwasyon ngunit pinipilit na malampasan ang araw na ito.

Ang hindi alam ni Czarina ay mayroon tao na nakamatyag sa kaniya, lulan ito ng isang magara at pang Mayaman na sasakyang kulay itim. Nakatanaw sa kaniya si Alexander Ford, ang trenta y singko anyos na mayaman at siyang bagong CEO ng Ford's Business Empire.

Nakakuyom ang kamao ni Alexander habang nakasunod sa kilos ni Czarina. Kanina pa nito gustong hilahin ang babae at isama sa kaniya. Nanlilisik at kunot ang noo nito sa nakikitang sitwasyon ni Czarina, sa isipan niya'y walang puwedeng umapi sa babaeng ihaharap niya sa altar.

Sumenyas si Alexander sa driver na magpark sa gawi ng kalsada kung saan ay madaraanan ni Czarina. Bumaba ito't humakbang ng nasa sampu bago nakaabot sa tapat ng babae, na may hawak na payong para sa kanilang dalawa.

Naging saksi ang ulan sa momentum ng dalawang pagtatagpuin ng isang desisyon na nagmula kay ALexander.

"You're Czarina Fuente Millari, right? The eldest daughter of Millari's Enterprise Founder." Ang lumabas sa bibig ni Alexander.

Nagtama ang kanilang mga mata na para bang sila'y nasa isang shooting ng pelikula. Bumagal ang patak ng ulan at huminahon ang pagsamyo ng hangin sa kanilang balat.

Ngunit ang pantasyang iyon ay mukhang sa isipan na lang ni Alexander tumatak, dahil hindi pa man nagtatagal na makaharap ni Czarina si Alexander ay bumigay na ang katawan nito dala ng sakit na iniinda.

Bumagsak ang katawan ng babae sa bisig ni Alexander, na hindi na niya namalayan pa.