Kabanata 2.3

Nahihilo namang naglakad si Scarlett para hanapin ang room number niya. Nakamasid naman si Camila sa kaniya. Nakangisi ito habang tinitingnan niya si Scarlett na hinahanap ang room number niya.

“Ito ang room number niya, siguraduhin mong magagawa mo ng maayos ang trabaho mo.” Wika ni Camila sa isang lalaki. Napangisi naman ang lalaki habang tinitingnan niya ang picture ni Scarlett.

“May droga ang alak na ininom niya kanina kaya siguradong hindi yun manlalaban sayo. Sex ang hinahanap ng katawan niya kaya malaya mong magagawa ang gusto mo.” Tumango naman ang lalaking kausap ni Camila. Napatingin si Camila kay Hazel nang dumating ito.

“Auntie,” usal ni Camila.

“Nagawa mo na ba ang plano?” tanong ni Hazel. Napangiti naman si Camila saka siya tumango.

“Nainom na ni Scarlett ang droga, pumasok na rin siya sa room number niya. Ipapasunod ko na lang sa kaniya ang lalaking ‘to.” Sagot ni Camila. Napatango-tango naman si Hazel.

“Siguraduhin mo lang na malinis mong magagawa ang lahat ng ‘to. Siguraduhin mo rin na hindi malalaman ni Elijah na tayo ang gumawa nito kay Scarlett.” Tumango at ngumiti si Camila.

Pinapunta na ni Camila ang lalaki sa kwarto ni Scarlett. Mabilis na bumalik si Camila sa bar dahil parating na si Elijah. Napapangisi si Camila dahil alam niyang may nangyayari na kay Scarlett at sa lalaking binayaran niya.

Samantala naman, nahiga kaagad si Scarlett sa kama. Hinahaplos ang sariling katawan dahil hindi niya maintindihan ang init na nararamdaman niya. Malamig naman ang buong kwarto pero tila ba mainit pa rin ang katawan niya.

Ilang minuto lang ang lumipas ay may lalaking pumasok sa kwarto niya.

“Damn it!” rinig ni Scarlett na wika ng lalaki. Tiningnan ni Scarlett ang lalaki pero dahil nahihilo siya hindi niya makita ng malinaw ang mukha nito. Inalis ng lalaki ang suit nito at inihagis sa sahig.

“What are you doing here? Who are you?” tanong ng lalaki. Napangiti si Scarlett ng marinig niya ang boses ng asawa niya. Nilapitan niya ito at hinalikan sa mga labi.

“Love,” sambit niya. Hinahayaan naman siya ng lalaki sa ginagawa nito sa kaniya. Pareho silang lasing at tila ba may epekto ng droga. Hindi na rin nakapagpigil ang lalaki at hinalikan na rin si Scarlett.

---

“Nasan si Scarlett?” tanong ni Elijah pagdating niya. Kunwaring nagulat naman si Camila.

“Hindi mo ba kasama? Umalis na siya kanina dahil parang marami na siyang nainom. Akala ko ay ikaw ang kasama niyang pumasok ng kwarto. Kung hindi ikaw yun, sinong kasama ni Scarlett?” saad ni Camila. Nagsalubong naman ang mga kilay ni Elijah at napaigting ang panga.

“Where is her room?” seryosong tanong nito. Sinabi naman kaagad ni Camila. Nang umalis si Elijah ay napangisi si Camila saka siya sumunod para makita ang nangyayari.

Pagdating nila sa tapat ng kwarto ay naririnig na nila kaagad ang ungol ng babae. Naikuyom ni Elijah ang mga kamao niya habang pinagcross naman ni Camila ang mga kamay niya sa dibdib at nakangisi. Naghihintay ng mangyayari.

“Sa wakas, makakalaya na rin si Elijah mula sayo Scarlett. He’s mine,” mahinang usal ni Camila sa sarili niya.

“Scarlett!” sigaw ni Elijah saka sinipa ang pintuan. Madilim naman ang kwarto kaya binuksan ni Elijah ang ilaw. Napasigaw ang babae ng biglang lumiwanag ang pintuan. “Walang hiya ka, lolokohin mo pa ako pagkatapos kitang payagang umalis!” galit na sambit ni Elijah saka lumapit sa kama at hinila ang kumot.

Nagulat si Elijah ng makita niyang hindi si Scarlett ang nasa kwarto. Napaalis din sa pagkakacross ang mga kamay ni Camila ng makita niyang ibang babae ang kasama ng lalaking inutusan niya.

Tinaasan ni Camila ng kilay ang lalaking binayaran niya. Hindi niya naman ito makausap dahil kasama niya si Elijah. Nagtataka rin naman ang lalaki dahil akala niya si Scarlett ang kasama niya dahil patay na ang ilaw nang pumasok siya.

“Nasaan si Scarlett? Sino ang mga ‘to?” tanong ni Elijah nang harapin niya si Camila. Hinila naman na ni Camila palabas ng kwarto si Elijah at isinarado ito.

“Ito ang kwartong sinabi ko sa kaniya. Saan siya nagpunta?” nagtataka ring wika ni Camila. Ngumiti siya para hindi siya mahalata ni Elijah na may ginawa siyang plano. “Hayaan na lang natin baka umuwi na siya.” Napapatango na lang si Elijah.

Hinila na ni Camila si Elijah pabalik ng bar pero hindi niya maiwasang hindi isipin kung saan napunta si Scarlett.

‘Umuwi ba siya?’ inis na saad ni Camila sa isip niya. Nagngingitngit ang mga ngipin sa inis dahil hindi man lang niya nagawa ng maayos ang plano nila ni Hazel.

Samantala naman, nang magising si Scarlett ay ramdam pa niya ang hilo niya. Napahawak siya sa ulo niya ng maramdaman niya ang sakit ng ulo niya. Napapabuntong hininga na lang siya. Nang maalala niya naman ang nangyari sa kaniya ay napangiti siya. Tiningnan niya ang gilid niya pero wala na siyang katabi. Napakunot siya ng noo.

“Saan siya nagpunta?” usal ni Scarlett. Kahit na nahihilo pa siya ay bumangon na siya sa kama.

“Love?” tawag niya kay Elijah sa pag-aakalang si Elijah ang nakasama niya sa kwarto at nakasex. Pumasok siya sa bathroom pero walang tao dun. Hinanap niya sa buong kwarto ang asawa niya pero wala siyang makita. Napapakunot na lang ng noo si Scarlett. Iniwan ba siya ng asawa niya?

Tiningnan niya ang oras, alas sais na ng umaga.

“Nauna na ba siyang umuwi? Bakit hindi man lang ako ginising?” aniya pa. Nagbihis na rin siya at umuwi na sa bahay nila. Kapag naaalala niya ang intimate nila kagabi ay napapangiti siya. Matagal-tagal na rin simula nang huling manggigil sa kaniya sa kama ang asawa niya.

Kinikilig siya kapag naaalala niya yun.

Pag-uwi niya ng bahay ay hinanap niya kaagad si Elijah pero wala naman ito sa kwarto nila kaya nagtanong na siya sa mga katulong.

“Pumasok na ba sa trabaho si Elijah?”

“Hindi pa siya umuuwi ma’am simula kagabi.” Sagot ng isang katulong. Nagtaka naman si Scarlett. Alam niyang sila ang magkasama kagabi sa kwarto. Kung hindi pa ito umuuwi, saan ito nagpunta?

Makalipas lang ang ilang minuto ay dumating na rin si Elijah. Tila ba may tama pa ng alak ang ulo niya.

“Saan ka nagpunta?” tanong ni Scarlett sa asawa niya. Tiningnan naman ni Elijah si Scarlett.

“Ikaw? Umuwi ka ba kagabi? Bakit hindi ka man lang nagpaalam sa pinsan mong uuwi ka na pala? Pinag-alala mo pa siya.” Lalong nagsalubong ang mga kilay ni Scarlett sa pagtataka. Umuwi kagabi? Hindi ba at sila ang magkasama kagabi? Biglang napalunok si Scarlett saka siya napailing-iling sa sarili niya. Imposible, aniya sa isip niya.

“Saan ka natulog?” tanong ni Scarlett. Kinakabahan na dahil baka ibang lalaki ang nakasama niya sa hotel.

“Dun na ako natulog sa bar kasama pa ng ibang bisita ni Camila. Nakakahiya yung ginawa mo. Umaalis ka na lang ng walang paalam.” Tumalikod si Scarlett. Napisil niya ang mga daliri niya dahil sa kaba. Kung hindi ang asawa niya ang nakasama niya kagabi, sino ang lalaking yun na kaboses ng asawa niya?