Kabanata 2

Isinama ni Elijah si Scarlett sa isang charity gala. Hindi naman maalis ang ngiti sa mga labi ni Scarlett dahil naisipan siyang isama ng asawa niya sa isang event. Palagi na lang kasi siyang nasa loob ng bahay.

Busy na nakikipag-usap si Elijah sa mga businessmen na kakilala nito habang nasa tabi niya lang si Scarlett.

Napapataas naman ang kilay ni Camila ng makita niya si Scarlett.

“Mom, why is she here?” tanong ni Camila sa kaniyang ina. Sinundan naman ni Eleanor ang tinitingnan ng anak niya at nakita niya naman si Scarlett.

“I don’t know, siguro isinama ni Elijah. Akala ko ba ay nakikipagmabutihan ka na kay Mr. Logan? Bakit isinama niya rito ang babaeng yan?” pagbubulungan nilang dalawa. Napapairap na lang si Camila saka siya ngumiti nang lapitan niya sina Elijah at iba pang mga businessmen.

“Hi, I hope you guys are enjoying this night.” Matamis na nakangiti si Camila saka niya tiningnan si Elijah.

“Miss Mason, you’re so beautiful tonight.” Papuri naman ng iba na ikinangiti ni Camila.

“Scarlett, hindi ko alam na nandito ka rin pala. Mabuti at naisipan mong sumama kay Elijah.” Baling ni Camila sa pinsan niya. Tumango at ngumiti naman si Scarlett.

“Isinama ako ni Elijah dito.”

“Anyway, Mr. Smith, narinig kong naging successful ang last project mo last month. Congratulations, napakagaling mo talaga.” Ani ni Camila sa iba pang kausap ni Elijah. Tipid na lang na ngumiti si Scarlett nang wala ng pumansin sa kaniya. Wala na silang pinag-usapan kundi ang tungkol sa negosyo habang tahimik lang si Scarlett.

“Ipinanganak ka talaga na may galing na pagdating sa negosyo, Miss Mason. Napakaswerte ng magiging asawa mo. May boyfriend ka na ba, baka pwede kong ipakisundo sayo ang binata kong anak?” pagbibiro ng isang matandang lalaki. Tumawa naman si Camila.

“Is she your wife, Mr. Logan?” tanong ng isang lalaking nasa middle age nang mapansin niya si Scarlett. Tipid lang namang ngumiti si Elijah.

“I’m his wife, sir.” Si Scarlett na ang sumagot. Napatango-tango naman ang lalaki.

“She’s my cousin pero housewife na lang ngayon.” Singit ni Camila.

“Oh really? Siya ba ang nag-iisang anak ni Mrs. Wesley?” kuryosong tanong ng isa pa na ikinatango naman ni Camila.

“Kilala ang ‘yong ina sa business, Miss Wesley. Bakit hindi mo sinundan ang kaniyang mga yapak? Wala ka bang trabaho ngayon?” napayuko naman si Scarlett. Mukhang hindi titigil ang pinsan niya hangga’t hindi siya naipapahiya ngayong gabi.

“Housewife na lang siya sir, wala siyang hilig sa business.” Si Camila na naman ang sumagot. Tahimik lang naman si Elijah pero sunod-sunod nitong ininom ang wine niya.

“Hindi mo man lang ba nakuha ang talento ng yung ina, Mrs. Logan? Sayang naman, hindi na pala naipagpatuloy ang legacy niya pagdating sa business.” Patuloy na komento ng mga ito. Napapangiti naman sa satisfaction si Camila saka niya tinitingnan ng palihim si Elijah.

“Nandito naman si Miss Mason, kung nabubuhay lang siguro ngayon si Mrs. Wesley baka mapagkamalan pa na sila ang tunay na mag-ina. Look at her, napakarami niya ng successful projects. Ang balita ko rin ay ikaw ang naging tagapagmana niya sa business niya dahil ikaw ang magaling sa pagpapatakbo ng business.” Papuri ng mga ito kay Camila. Matamis namang ngumingiti si Camila habang tahimik na si Scarlett at walang masabi.

“Excuse us,” sambit naman na ni Elijah saka hinila ang asawa niya palayo sa mga kausap nila.

“Sana ay hindi ka na lang sumagot sa kanila.” May diing sambit ni Elijah sa asawa niya habang mahigpit nitong hawak sa braso.

“Love, sinagot ko lang naman ang tanong nila.” sagot ni Scarlett.

“Sana ay hindi na lang kita isinama. Wala ka na bang gagawin kundi ang ipahiya ako? Ito na ang huling beses na isasama kita. Huwag ka munang lumapit sa akin. Kumain ka kung gusto mo pero huwag mo muna ako lalapitan hangga’t hindi natatapos ang event.” Bulong pa ni Elijah saka iniwan ang asawa. Napapabuntong hininga na lang si Scarlett. Nahihiya rin siya dahil hindi man lang siya maipagmalaki ni Elijah.

Isinuko niya ang pangarap niyang maging designer simula nang magpakasal silang dalawa. Mag-isa na lang si Scarlett na kumakain sa table nila. Hinahanap niya si Elijah pero hindi niya na ito makita kung nasaan.

Nang makita ni Camila n amg-isa lang si Elijah ay nilapitan niya ito.

“Hi, bakit mag-isa ka na lang ngayon? Iniwan ka ni Scarlett?” tanong ni Camila saka ininom ang wine na hawak niya.

“Iniwan ko na muna dahil wala naman siyang alam pagdating sa business.” Napangisi si Camila.

“Bakit ba kasi siya ang pinili mong pakasalan? Napapahiya ka tuloy kapag mga ganitong event. Hindi mo man lang siya maipagmalaki pero siya, naipagmamalaki niyang ikaw ang asawa niya. Sino nga ba naman kasi ang hindi magiging proud kung ikaw ang asawa?” malambing na sambit ni Camila. Napangiti naman si Elijah.

“Gusto mo bang mapag-isa tayong dalawa mamaya?” pag-aaya ni Camila. Tiningnan ni Elijah si Camila saka siya napangiti. Hindi niya sinagot si Camila. Sa mga dumadaang oras ay silang dalawa ang magkasama habang mag-isa lang si Scarlett.

“Hindi niyo ba nakikita na bagay kayong dalawa sa isa’t isa?” pang-aasar ng iba kay Camila at kay Elijah. Napapangiti naman si Camila pero sinasagot niya rin ang mga ito.

“But, Mr. Logan is already married. Siguro kung hindi pa siya kasal, bagay nga siguro kami para sa isa’t isa lalo na at pareho kaming mahilig sa business. Siguradong magkakasundo kami.” Sagot ni Camila.

Malapit ng matapos ang event pero hindi pa rin nakikita ni Scarlett ang asawa niya. Unti-unti nang umaalis ang mga tao. Alam niyang babalikan siya ni Elijah kaya kahit na nahihiya na siya kapag pinagtitinginan siya, naghintay pa rin siya.

Lingid naman sa kaalaman ni Scarlett na kanina pa umalis ng function hall si Elijah kasama si Camila. Hinila ni Camila si Elijah sa loob ng kwarto saka ito siniil nang halik. Hindi naman nagalit si Elijah dahil gusto niya rin naman ang halik na yun.

Malalim na ang halikan nilang dalawa. Idiniin ni Elijah sa dingding si Camila at marahas itong hinalikan.

“You naughty woman,” usal ni Elijah saka hinila si Camila sa kama at pumaibabaw na dito. Inalis na ni Elijah ang mga damit niya at muling hinalikan si Camila. Napapangiti naman si Camila dahil matagumpay niyang nakuha ngayong gabi si Elijah.

Samantala naman, napilitan nang lumabas ng hotel si Scarlett dahil wala ang tao sa function hall. Sinusubukan niyang tawagan ang asawa niya pero hindi ito sumasagot.

Nag-abang na lang ng taxi si Scarlett at umuwi ito ng mag-isa. Pagdating niya sa bahay nila ay sinalubong siya ng katahimikan. Hindi pa rin umuuwi ang asawa niya. Magdamag niya itong hinintay pero hindi umuwi si Elijah. Napapabuntong hininga na lang si Scarlett dahil feeling niya ay kasalanan niya kung bakit iniwan siya ng asawa niya ngayon.

Napahiya ito sa mga nakakakilala sa kaniya dahil wala man lang maipagmalaki kay Scarlett.