Affair

“Kung ano na lang ang mas appropriate, Mr. Elizalde,” aniya.

Hector chuckled and returned to his seat. Maya maya pa ay may kausap na ito sa telepono, apparently confirming Eunice’s appointment letter as his secretary to HR.

“You start tomorrow,” sambit ni Hector matapos nitong makipag usap.

Sinabihan pa siya nito na tumungo sa HR at isubmit ang mga kinakailangang dokumento ng kompanya.

“Thank you, Mr. Elizalde,” aniya at akmang aalis na ngunit nagsalita muli si Hector bago pa man siya makalabas ng pinto.

“Join me for dinner tonight.”

“Po?” Gulat na tanong ni Eunice at hinarap muli si Hector. “Akala ko po ay bukas pa ako magsisimula…”

“I forgot to mention that I have a dinner invitation from a friend. Consider it a welcome dinner for you,” paliwanag nito sa kanya.

Natahimik saglit si Eunice. Pumayag na siyang magtrabaho para sa kanya kaya wala na siyang karapatan pang tumanggi. Sa huli ay tumango na lamang siya.

That evening, Eunice wore a knee-length pink dress. She looked beautiful.

“Sana ay hindi na magbago pa ang isip ni Vincent na magtrabaho ako,” aniya sa kanyang sarili habang nakatingin sa sarili sa harapan ng salamin.

Tinext na niya ang asawa tungkol sa dinner invitation ni Hector ngayong gabi. Wala naman itong ibang sinabi bukod sa malelate ito ng uwi dahil mag o overtime sa trabaho.

Maya maya pa ay dumating na si Hector na sinundo pa siya sa kanilang bahay.

“Damn. She’s perfect,” bulong ni Hector sa kanyang sarili habang titig na titig kay Eunice. Unti-unti ay tila mas lalong lumalalim ang interest niya sa babae.

The dinner was held at a restaurant inside a five-star hotel. A man was already waiting for them there.

“Finally, Hector. You brought your girlfriend after all,” bati ng lalaki kay Hector na tinawag niyang Damon.

“She’s my secretary,” sagot ni Hector bago siya nito pinakilala sa lalaki.

Humalakhak si Damon. “You’re always like this. Sasabihin mong casual business meeting lang pero dinadala mo ang secretary mo. She’s beautiful, huh?” nanunuyang komento nito at kinindatan si Eunice.

“Just to keep things clear,” malamig na sagot ni Hector.

Napayuko na lamang siya sa kahihiyan. Maya maya pa ay nagsimula nang mag usap ang dalawa tungkol sa business agreement. Sa loob ng mga oras na iyon ay panaka-naka ang sulyap na puno ng pagnanasa ni Damon sa kanya. 

Habang abala si Eunice sa pag kain ay bigla na lamang may humaplos sa kanyang hita kaya nanigas siya sa kanyang inuupuan. It was Damon’s hand.

Sa takot na baka masira niya ang business deal ay hindi siya nagsalita lalo pa’t ito ang unang araw ng trabaho niya.

“Excuse me, Mr. Elizalde. I need to use the bathroom,” paalam niya at mabilis na tumayo.

Nagtatakang tiningnan siya ni Hector at tumango.

Marahas na bumuntong-hininga si Eunice at agad na umalis sa table. Ito lang ang naisip niyang paraan para makaalis sa sitwasyon.

Ilang hakbang pa lang ang nagagawa niya nang matigilan siya sa pamilyar na mukhang nakita niya. Katatapos lamang nitong kumain kasama ang isang babae.

It was Vincent, her husband.

The same man who said he would be working late tonight because of overtime. Ngayon ay nakatingin siya rito na close na close sa workmate nitong si Cynthia.

Tapos nang kumain ang mga ito at naghahanda nang umalis. Ni hindi magawang lumapit ni Eunice sa dalawa at nagdesisyong sundan na lamang muna ang mga ito upang malaman niya kung ano talaga ang relasyon ng mga ito sa isa’t isa.

“Let’s celebrate tonight, babe.”

“You and I… and a red wine.”

Sabay na humalakhak ang dalawa habang si Eunice ay tila pinagbagsakan ng langit at lupa.

Ito ba ang totoong rason ng overtime ni Vincent mula pa man noon? Ni hindi naman nadadagdagan ang sahod nito kahit palagi itong nag o overtime.

Nagpatuloy sa pagsunod si Eunice. Mas ikinagulat pa niya na hindi dumiretso ang dalawa sa parking lot kundi sa hotel. Halatang gutom na sa isa’t isa nang pumasok sila sa elevator at nagsimulang maghalikan doon. Kitang kita iyon ni Eunice.

“Vincent…” nanginginig na bulong niya.

Napako siya sa gilid doon habang patuloy ang panginginig ng mga kamay at tuhod niya.

Unti-unti niyang napagtanto ang lahat. Ang nakita niyang red mark sa polo ni Vincent noong nakaraang buwan na hindi niya masyadong inisip, ngunit sigurado siyang lipstick ng babae. Turns out she had been betrayed all this time.

Mariing kinagat ni Eunice ang ibabang labi niya upang pigilan ang kanyang pag iyak. Nang tumalikod siya ay sinalubong siya ng isang matigas na dibdib kaya na out of balance siya. Bago pa man siya tuluyang matumba ay agad siyang nasalo ni Hector.

“Mr. Elizalde…!” Gulat na sambit ni Eunice.

“Ang tagal mo. I was worried something had happened, so I came to check on you,” paliwanag nito sa kanya.

Mabilis na lumayo siya rito ngunit hindi siya nito binitiwan.

Her heart was in complete turmoil.

“Bumalik na po tayo,” aniya ngunit agad siyang pinigilan ni Hector.

“No need. Damon left.”

“I’m sorry, Sir…”

“It doesn’t matter. Let’s go, I’ll take you home.”

Tumango na lamang si Eunice at tahimik na sumunod kay Hector habang paulit-ulit na bumabalik sa isip niya ang nakita kanina. Nakita rin ba iyon ni Hector?

“Do you want to go straight home o may iba ka pang gustong daanan?” tanong nito sa kanya nang makasakay sila sa sasakyan.

Nahihiya man ay hindi na tumanggi pa si Eunice. Hindi niya kayang umuwi ngayon sa bahay nilang mag asawa.

“Puwede bang… huwag muna sa bahay… Sir?”

“Alright. Where do you want to go?” marahan nitong tanong, hindi niya alam kung sinasadya ba niya itong gawin dahil nakikita nitong may dinaramdam siya.

“Kahit saan po.”

Saglit na tinitigan niya si Eunice bago tumango. Hindi na siya nagtanong pa na para bang naiintindihan niya kung ano ang nasa isip nito saka nagdrive patungo sa isang mall.

“Do you want to watch a movie?” suhestiyon nito.

Tumango lamang si Eunice nang hindi nag iisip.

Nang mga oras na iyon ay wala na siyang pakialam kahit pa sila magpunta. Nais niya lamang  malibang kahit saglit upang mawala ang senaryong nasaksihan kanina. Pakiramdam niya ay uubusin siya nito sa oras na umuwi siya.

Kasalukuyan siyang nakatingin sa labas ng bintana ng tumunog ang kanyang cellphone.

Hon

Hindi ako uuwi ngayong gabi. Marami pa akong tatapusin. I’ll be staying at a friend’s place.

Mapait na napabuntong-hininga si Eunice nang mabasa ang kasinungalingang iyon na matagal nang ginagawa sa kanya ni Vincent. Matagal nang ginagamit ito ng kanyang asawa sa kanya at ngayon lang naging malinaw sa kanya ang lahat.

Maraming tatapusin sa hotel kasama si Cynthia. Baka iyon ang ibig sabihin niya.