Share

03

Author: Charlie
last update publish date: 2026-08-15 21:15:02

May hawak itong isang supot ng sariwang lychee. Inilapag niya iyon sa maliit na mesa sa tabi ng kama bago kumuha ng ilang piraso at isa-isang sinimulang balatan. Tahimik lamang siyang kumilos na para bang walang anumang nangyari at para bang hindi nagbago ang lahat sa pagitan nila.

Napatitig si Althea sa mga kamay nitong abalang nagbabalat ng lychee. Ilang sandali siyang hindi nagsalita habang pinagmamasdan ang lalaking nasa harap niya.

Kung hindi niya narinig mismo ang sinabi nito kanina, marahil ay iisipin niyang isa lamang itong asawang nag-aalala sa kalagayan ng kanyang asawa.

Ngunit ngayon ay hindi na niya alam kung alin sa mga ipinapakita ni Xavier ang totoo.

Sa unang tingin pa lamang ay napansin na ni Althea ang suit na suot ni Xavier. Hindi niya iyon kailanman nakita sa mga damit na dati niyang pinipili at binibili para rito. Dark gray ang kulay nito at halatang mamahalin ang pagkakagawa. Bagay na bagay iyon sa elegante nitong itsura.

Magkaibigan na sina Althea at Xavier mula pa noong bata pa sila. Noon pa man ay napagkasunduan na ng kani-kanilang pamilya na balang araw ay magpapakasal silang dalawa.

Dahil dito ay lumaki si Althea na ang tingin kay Xavier ay isang mabait at mahinahong lalaki.

Ganoon ang lalaking nakikita niya ngayon.

Punong-puno ng pag-aalala ang mukha ni Xavier habang nakatingin sa kanya, at nang makitang gising na siya ay halatang gumaan ang loob nito.

Ngunit ngayon, alam na ni Althea na hindi niya maaaring basta paniwalaan ang nakikita niya.

Kung hindi niya mismo nakita ang pamilya ni Xavier sa Eastbridge ay malamang hanggang ngayon ay naniniwala pa rin siyang mahal siya nito nang buong puso.

Ngayong alam na niya ang katotohanan ay hindi niya mapigilang kutyain ang sarili sa isip.

Ang galing talaga umarte ng lalaking ito.

Kung may Academy Awards dito, malamang ay may Oscar na si Xavier.

Hindi pa nagtatagal ay tila may natanggap na text si Xavier sa cellphone nito. Agad nitong binitawan ang hawak na lychee at tumayo.

“Sandali lang,” sabi nito bago tuluyang lumabas ng silid.

Hindi man lang siya nito tinanong kung ayos lang bang iwan siya roon.

Makalipas ang ilang minuto ay bumalik si Xavier. Ngayon ay malawak na ang ngiti sa labi nito, na para bang may magandang balitang hindi na nito kayang itago.

“Althea, hulaan mo kung sino ang dumalaw sayo?”

“Amanda, Yana, pasok kayo.”

Hindi nagtagal ay bumukas ang p***o at pumasok si Amanda habang hawak ang kamay ni Yana.

Nakasuot si Amanda ng royal blue na printed dress, isang bagong haute couture mula sa Chanel. Napatingin si Althea rito nang ilang segundo bago niya naalala na minsan na niyang sinabi kay Xavier na gusto niya ang ganitong klase ng damit.

Mahaba at diretso ang itim na buhok ni Amanda. Malumanay ang mukha nito, at dahil sa malalaki nitong matang tila laging may lambing ay mukha siyang isang babaeng tahimik at maayos.

Sino ang mag-aakalang palihim pala itong nakikipagrelasyon sa sarili nitong adopted brother na may asawa na?

Napunta ang tingin ni Althea kay Yana. Nakasuot ang bata ng limited-edition na pink Disney princess dress. Dati ay hindi niya kailanman pinagmasdan nang mabuti ang mukha nito, pero ngayon ay hindi na niya maiwasang tingnan ito nang matagal.

Habang nagtatagal ay lalo lamang lumalalim ang kanyang pag-iisip, hanggang sa mapagtanto nya ang isang bagay.

Si Liam ay walang anumang pagkakahawig kay Yana.

"Hello po, Auntie. Para po sa inyo."

Inabot ni Yana ang mga pinya na hawak niya.

Hindi iyon tinanggap ni Althea dahil allergic siya sa pinya.

"Althea, tingnan mo naman kung gaano ka-sweet at ka-polite si Yana!"

Kinuha ni Xavier ang mga pinya at nagsimulang maghanda ng prutas. Maingat niya iyong hiniwa gamit ang fruit knife at inayos ang mga piraso sa plato saka nilagyan ng maliliit na tinidor.

Tahimik lamang na pinanood ni Althea ang bawat kilos nito.

Sanay na sanay si Xavier.

"My brother used to prepare fruit for us all the time at home. Swerte mo talaga, Sister-in-law. Napangasawa mo ang kuya ko."

Napatingin si Althea kay Amanda.

Sa apat na taon nilang pagsasama ni Xavier ay siya ang laging naghahanda ng fruit plate sa bahay. Siya ang naghihiwa ng prutas, nag-aayos ng mesa, at gumagawa ng maliliit na bagay para maging komportable ang asawa niya.

Ni minsan ay hindi tumulong si Xavier.

Dati ay iniisip niyang baka ayaw lang nitong gumawa ng ganoong kaliit na gawain. Hindi niya iyon pinapansin dahil asawa niya naman ito.

Ngayon, saka niya nalaman ang totoo.

Marunong pala si Xavier.

Kaya pala niyang maging maalaga.

Ayaw lang niyang gawin ang mga bagay na iyon para sa kanya.

Mahigpit na kinuyom ni Althea ang mga kamay niya sa ilalim ng kumot. Hindi niya alam kung alin ang mas masakit—ang makitang ginagawa ni Xavier para sa ibang babae ang mga bagay na hindi nito kailanman ginawa para sa kanya, o ang maalala na dati ay siya pa ang gumagawa ng mga dahilan para ipagtanggol ito.

Habang pinapakain ni Amanda si Yana ng isang piraso ng pinya ay sadyang inilantad nito ang suot sa pulso.

Agad iyong napansin ni Althea.

Isang antique bracelet na gawa sa cloisonné enamel, ruby, sapphire, at diamonds.

Isa iyon sa mga pinaka rare na piraso sa Heracles auction. Iisa lamang ang ganoong bracelet sa buong mundo at umabot sa 2.7 million ang final price nito.

Bahagyang tinaas ni Althea ang kanyang kilay.

Sa kinikita ni Amanda ay imposibleng makabili ito ng ganoon kamahal na alahas. At base sa paraan ng pagpapakita nito ng bracelet ay halatang gusto nitong mapansin nya iyon.

Hindi na kailangang mag-isip nang matagal ni Althea.

Si Xavier ang bumili noon para sa kanya.

Napakalinaw ng sagot.

At sa hindi malamang dahilan ay lalo lamang sumakit ang dibdib niya.

Sa buong buhay niya ay hindi siya kailanman naging kuripot pagdating kay Xavier. Kung may gusto ito, hangga't kaya niyang ibigay ay ibinibigay niya. Pero ngayon ay napagtanto niyang hindi naman pala kawalan ng kakayahan ang problema.

May kakayahan si Xavier.

Sadyang hindi lang siya ang gustong paglaanan nito.

Magaan ang naging usapan sa loob ng ward. Nagtatawanan sina Xavier, Amanda, at Yana na para bang isa silang pamilyang matagal nang magkakasama.

Samantalang si Althea ay parang bisitang hindi sinasadyang napadpad sa sarili niyang hospital room.

"By the way, Althea. May gusto sana akong ipakiusap sayo."

Bagama't kay Althea nakatingin si Xavier ay nakita nya itong nakipagpalitan muna siya ng tingin kay Amanda bago nagpatuloy.

"Si Yana ang nag-iisang anak ni Liam. Alam mo naman kung gaano kami kalapit ni Liam. Malapit na siyang mag-kindergarten at kilala sa buong bansa ang Sacred Hearts Kindergarten dito sa Westbridge. Gusto kong makapag-aral siya rito para mabigyan siya ng mas magandang education."

Huminto si Xavier at bahagyang tumikhim.

"Kaya habang unconscious ka ay ipinasa ko na sa household registration natin sina Amanda at Yana."

Tahimik ang buong silid.

Kahit nakahanda na si Althea para sa posibilidad na iyon ay hindi pa rin niya napigilang masaktan ng marinig mismo ang sinabi ni Xavier.

Household registration nila.

Ipinapasok nito sa kanilang pamilya ang isang babaeng kabit nito at ang anak nila.

At ginawa niya iyon habang walang malay ang sarili niyang asawa.

Continue to read this book for free
Scan code to download App

Latest chapter

  • After The Divorce, I Became A Billionaires Wife   10

    Napalingon si Althea. Paparating si Xavier. Mahahaba ang mga hakbang nito at mukhang kampante pa rin gaya ng dati, na para bang wala itong ideya kung ano ang nangyayari sa harapan niya. “Kuya.” Agad na nagbago ang ekspresyon ni Amanda nang makita siya. Hindi man lang ito nagdalawang-isip na lumapit at hinawakan ang braso ni Xavier sa harap ng lahat. “Ano ba ang pinag-uusapan ninyo?” Tumingin si Xavier kay Lucille bago bahagyang kumunot ang noo. “Sinabi ni Director Zobel na ilipat ko raw ang lahat ng gamit niya sa bago niyang desk at ayusin iyon para sa kanya.” May bahid ng pagtatampo sa boses ni Lucille habang nakatingin kay Xavier. Para bang hinihintay nitong sa halip na siya ay si Althea ang pagalitan nito. “Kung ganon, dapat—” Bago pa matapos ni Xavier ang sasabihin ay agad na sumingit si Amanda. “May mga dokumento akong kailangang iproseso at kailangan ko ng tulong ni Secretary Lucille. Kakapasok ko pa lang bilang director at ang dami ko nang kailangang asikasuhin.” Hab

  • After The Divorce, I Became A Billionaires Wife   09

    Pagdating ni Althea sa opisina kinabukasan ay agad niyang napansin na may ibang tao nang nakaupo sa loob ng kanyang dating opisina.Si Amanda.“Director Zobel, naipon ko na ang lahat ng gamit mo. Nandito na ang mga iyon.” Itinuro ni Lucille ang isang karton na basta na lamang inilagay sa sahig. “Simula ngayon ay Business Development Specialist ka na. At alam mo naman na hindi binibigyan ng sariling opisina ang mga specialist.”Malamig at puno ng pang-iinis ang tono ni Lucille.Totoo nga. Naroon ang mga gamit niya. Pati ang ilang personal na bagay na matagal niyang inilagay sa opisina ay basta na lamang isiniksik sa isang karton na para bang wala namang halaga ang mga iyon.Si Lucille ang secretary ni Xavier. Noong bagong pasok pa lamang ito sa kumpanya ay ilang beses nitong sinubukang akitin si Xavier. Ngunit hindi man lang ito natinag.Noon ay lihim pa ngang ipinagmamalaki iyon ni Althea. Akala niya ay pinipigilan ni Xavier ang sarili dahil gusto nitong manatiling tapat sa kanya.Nga

  • After The Divorce, I Became A Billionaires Wife   08

    “Althea, tingnan mo. Nagsalita na si Dad. Huwag ka na sanang magalit sa akin.” Lumapit si Xavier sa kanya. Ngunit agad na umatras si Althea upang hindi siya makalapit. “Sinampal mo ako gamit ang isang kamay, tapos tinanggal mo naman ang posisyon ko gamit ang isa. Ngayon, bawal pa ba akong magalit?” Pagkasabi niyon ay tumalikod siya at tuluyang naglakad palabas. “Althea! Althea, sandali!” Hinabol siya ni Xavier hanggang sa labas ng villa. Alam na alam ni Althea kung bakit ito patuloy na sumusunod. Nagpapakitang gilas lang ito sa kanyang ama. Alam ni Xavier na sumobra na siya ngayon. Hindi lang niya ito nasampal dahil sa bugso ng galit. Tinanggal pa niya ang posisyon nito sa kumpanya. Ngunit kailangan ni Amanda ng trabaho sa Westbridge. At dahil gusto nito mismo ang posisyon ni Althea ay handa si Xavier na ibigay iyon kahit si Althea ang kailangang isakripisyo. Sa isip niya ay pansamantala lang naman iyon. Maaari naman niyang bigyan ng ibang posisyon si Althea kapag naging maayo

  • After The Divorce, I Became A Billionaires Wife   07

    Sa mismong oras na iyon ay tumawag ang kanyang ama. Pagkatapos ng nangyari sa kanila ni Xavier ay bigla siyang nakaramdam ng hindi magandang kutob.“Hello? Dad…”“Papunta ka ba ngayon sa Green Spirit?”Malamig at halatang hindi masaya ang boses ni Alfredo sa kabilang linya.Napakunot ang noo ni Althea. “Dad, nilagyan mo ba ako ng tracker?”“Ilang beses ko bang sinabi sa iyo na tigilan mo na ang pakikisalamuha kay Freya?”Hindi kailanman nagustuhan ni Alfredo si Freya. Nagkaroon ng magulong nakaraan ang babae bago nito inayos ang buhay niya. Kahit ilang taon na ang lumipas ay hindi pa rin iyon nakalimutan ni Alfredo.Kaya kahit wala nang kinalaman sa kanya ang mga dating ginawa ni Freya ay hindi pa rin komportable si Alfredo na nakikita itong patuloy na nakikipagkaibigan sa anak niya.“Pumunta ka sa Lakeside Villa. Ngayon din.”Pagkasabi niyon ay agad na pinutol ni Alfredo ang tawag.Wala nang nagawa si Althea kundi tawagan si Freya upang sabihin dito na sa ibang araw na lamang siya pu

  • After The Divorce, I Became A Billionaires Wife   06

    “Althea, I’m sor—” Hindi na niya natapos ang sasabihin. Umangat ang kamay ni Althea at gumanti. Pak! Mas malakas at mas malinaw ang tunog ng sampal na ibinalik niya kay Xavier. Napako si Xavier sa kinatatayuan niya. Pati si Amanda ay natigilan. Nakatitig lamang ito kay Althea nang ilang saglit, na para bang hindi makapaniwalang nagawa nitong gantihan ang kuya niya. “Sister-in-law, anong ginagawa mo?! Paano mo nagawang sampalin ang kuya ko?!” “Hindi ba siya ang unang nanampal sa akin?” Malamig ang tingin ni Althea kay Amanda. Wala na siyang nakitang dahilan para magpigil pa. “At ginawa niya iyon para sa isang puta na katulad mo.” Biglang nagbago ang ekspresyon ni Amanda. Namutla ang mukha nito habang mas lalong humigpit ang pagkakayakap nito kay Yana. “Althea!” Galit na sigaw ni Xavier ang muling umalingawngaw sa buong silid. Dahil nasampal siya sa harap ng ibang tao ay tuluyan nang nawala kay Xavier ang kaunting guilt na nararamdaman niya. Napalitan iyon

  • After The Divorce, I Became A Billionaires Wife   05

    Pagkarinig ni Freya sa sinabi ni Althea ay napairap siya nang todo.“Sa tingin ko ay talagang naapektuhan ang utak mo sa aksidente.”Hindi alam ni Althea kung matatawa ba siya o maiinis sa sinabi ni Freya. Ngunit hindi siya nagbibiro. Talagang determinado siyang gawin ang lahat para matulungan si Xavier na mapalago ang bago nitong kumpanya at matagumpay na makapasok sa stock market.At kapag dumating na ang araw ng listing ay saka niya gagamitin ang divorce agreement na iyon.Sa araw na iyon ay hindi na niya hahayaang basta makawala sina Xavier at Amanda. Hihilahin niya sa putikan ang dalawang taong nagtaksil sa kanya at sisiguraduhin niyang babayaran nila ang lahat ng ginawa nila sa kanya.Nagpatuloy ang pag-uusap nila ni Freya hanggang gabi. Habang lumalalim ang gabi ay unti-unting nagtipon ang maiitim na ulap sa labas ng bintana.Ayon sa weather forecast ay malakas ang ulan na darating sa gabing iyon, kaya hinikayat ni Althea si Freya na umalis na bago tuluyang bumuhos ang ulan.Hi

More Chapters
Explore and read good novels for free
Free access to a vast number of good novels on GoodNovel app. Download the books you like and read anywhere & anytime.
Read books for free on the app
SCAN CODE TO READ ON APP
DMCA.com Protection Status