chapter 14

Hindi pa tuluyang gumaling ang paa ni Abigail kaya minabuti na lamang ni Axis na bungkalin ang lupa sa likod ng kaniyang bahay. Ang bukid niya nakasalukyan inaararo ni uncle john ay pinagkatiwala muna niya rito. Ang matanda na rin ang magtuturo sa mga babayaran niyang mag-aalis ng mga ligaw na damo roon. May tiwaala naman siya sa matanda dahil uncle ito ng asawa ni Roger. Isa pa ay napakabait nito.

Hindi niya gustong iwan mag-isa si Abigail dito sa bahay niya at baka hindi na lang ang kaserola ang susunugin nito. Baka buong bahay na. Hindi pa niya nakakalimutan ang panunubok nitong magluto kaya mas maganda pa kung dito na muna siya hanggang sa gumaling ang paa nito.

Nakakalakad naman na ito pero kailangan pa rin nito ng suporta. Biniro niya ito minsan na kung kailangan nito ng saklay ay puwede naman siyang bumili. At halos hindi na maipinta ang mukha nito nang banggitin niya ito. Hindi raw ito embalido para gumamit ng tungkod.

Nasa gilid ito at nakaupo sa bangkito sa lilim ng puno ng