Chapter 28.1- Necklace

Habang naglalakad ako pauwi ng bahay, nakita ko si Avo. Nagulat pa siya na makita ako sa labas ng bahay ganitong oras ng gabi.

“Bakit nasa labas ka pa?”

“Ah—naabutan ng dilim kakagala,”

Kumunot ang noo niya at imbes na baliktad na kami ng lalakarin dahil mukhang kakagaling niya ng bahay, nakita kong umikot siya at sinabayan ako papuntang bahay.

Kumunot ang noo ko at tinignan siya. “Bakit?” takang tanong ko.

“Samahan na kita kasi gabi na,”

Andami kong gustong sabihin kay Avo gaya ng bakit sila na ni Wilyn? Na fall siya sa impaktang kapatid ko? Pero dahil wala naman siyang alam may naaalala ako, pinili ko nalang tumahimik.

“Ah—Anda, wala ka pa bang naaalala talaga?”

Nakakakonsensya pero umiling ako. “Wala pa e,”

Ngumuso siya at napakamot na lamang sa ulo niya. “Alam mo ba ang tawag mo sa akin ay Avo?”

Alam ko. “Talaga? Hindi,”

“Oo kasi nahahabaan ka sa Sharfvon,” natatawang sabi niya. Ngumiti ako no’ng naalala ang moments namin dalawa.

“Wala ka ba no’ng kasal ko?” I didn’t se