Chapter Forty-Three: Kasalan

NAGISING si Stella saktong six ng umaga at agad na napaupo mula sa higaan ng mapansin na yakap-yakap ang isang unan. Napatingin ito sa paligid at wala siyang makitang Ace na kasama niyang matulog sa higaan kaya nagtaka ito. Napatingin siya sa kaniyang kamao ng mapansin na mayroong gasa doon. Nagtataka niyang inangat ang kaniyang kamao. “Sino ang may—” napahinto siya sa pagsasalita at agad na naalala si Ace.

Wala siyang maalala na naramdaman niya na hinawakan siya ng binata kagabi ngunit wala naman ibang gagawa niyon kung di ito lang. Agad siyang bumaba sa higaan at lumapit sa banyo upang katukin ito ngunit wala sumagot kaya binuksan niya ang pinto. Wala siyang makitang Ace sa loob kaya nagpasya siyang lumabas ng banyo ngunit nahagip ng mata niya ang crack sa pader.

Nanlaki ang mata niya sa nakita lalo na dahil naalala niyang sinuntok niya ang pader kagabi sa sobrang inis. “Ibig sabihin nakita niya ito?” napatampal siya sa kaniyang noo dahil doon. Sinong hindi makakapansin dahil sob