Chapter 34

Madeline's P. O. V.

Nang marinig ko ang pagtunog ng alarm clock ko ay wala akong maramdaman na kahit anong inis, hindi kagaya noon na gustong-gusto ko pang matulog. Pakiramdam ko ay ang sarap mabuhay, hindi ko rin alam kung bakit.

"Nababaliw na ata ako," bulong ko habang nagtatanggal pa ng morning stars sa aking mga mata.

It's 6 am. Tumayo na ako para pumunta sa banyo. Humihimig ako habang tinitimpla ang tamang temperatura ng heater. Nagbasa ako ng katawan, maligamgam na tubig ang panligo ko tuwing umaga. I hate cold waters, ang hirap maligo. Habang naglalagay ako ng shampoo sa aking buhok ay napatingin ako sa salamin, napangiti ako roon. I feel so pretty today, parang gusto ko suotin ang paborito kong drop type of earrings.

Habang naglalagay na ako ng milk scrub sa aking katawan ay hindi ko mapigilang mapakanta. Kung anong kanta ang pumasok sa isip ko ay binibirit ko. Hanggang sa matapos akong maligo, kinuha ko ang puting twalya saka binalot sa katawan ko. Mayroon din akong isa pang