Kabanata 24

"Tanga mo talaga kahit kailan!" singhal niya, kasabay ang marahas na paghila sa akin.

Hawak ko na ang dibdib at walang paki' sa narinig na salita mula kay Sir Danny.

Dumungaw ako sa balcony, at mangiyak-ngiyak na tumingin sa kaniya.

"Muntik na nga akong mahulog, Sir. Pagagalitan mo pa ako. Ikaw naman ang may kasalanan kung bakit iyon nangyari."

Pinahid ko ang luhang namuo sa mga mata ko. Hindi ako naiyak dahil sa sermon niya. Naiyak ako dahil sa kabang naramdaman sa muntikang pagkahulog dahil dito sa boss ko. Ngayon siya pa ang galit. Dumikit nga sa akin iyong alaga niyang naninipa ng puson.

"How dare you blame me!" duro niya ako.

"Sino po ba dapat ang sisihin ko, Sir? Ginulat mo po ako. 'Tsaka bakit po ba kayo galit?"

Nagawa ko talagang magmaktol kahit hindi na nga halos maipinta ang mukha nitong boss ko.

"You have no right to blame me for your stupidity!" sikmat niya. May kasamang duro at dilat na mata.

Sumimangot ako at matiim na tumitig sa kaniya. "Lahat na lang ng parte ng