Kabanata 01

Sa gabi ng engagement party ni Liam, naglasing si Tessa sa bar.

Napagkamalan niya ang isang lalaki na ito ay si Liam at agad niyang niyakap ang isang napakaguwapong lalaki sa isang madilim na pasilyo, hinalikan niya ito nang may buong pagmamahal.

Pagkatapos ng kanilang halikan, parehas silang nakahinga nang maluwag. Tiningnan ng guwapong lalaki ang babae na hawak ng kanyang mga bisig. “Are you sure about this?” malalim at seksi ang tono ng boses na tanong nito sa kanya.

Biglang natauhan si Tessa at nakilala niya ang lalaking nasa kanyang harapan ngayon. Ito ay si Zander Velasquez, ang nangungunang abogado ng bansa na may hindi mabilang na mga ari-arian sa ilalim ng pangalan nito, at ito ay isang tunay na urban elite. Magiging bayaw din nito si Liam Torres na ex-boyfriend ni Tessa.

Napaatras si Tessa at kumunot naman ang noo ni Zander.

Saglit na napaisip si Tessa, “Kung kaya ni Liam na mag-cheat sa’kin... kaya ko rin naman siyang palitan at makipaghalikan sa kung kani-kaninong lalaki!” Muli siyang kumapit sa leeg ng lalaki.

Si Tessa ay magandang babae at maganda rin ang hubog ng katawan nito.

Si Zander ay hindi pabigla-bigla na tao, at handa siyang magkaroon ng panandaliang kasiyahan kay Tessa.

Hinawakan ni Zander ang kanyang baywang, at pagkatapos ng ilang segundong pag-iisip, hinawakan nito ang kanyang baba. “My place or your place?” tanong nito sa kanya habang mapang-akit itong tumitig sa kanyang mga mata.

Napalunok siya. Si Tessa ay isang baguhan pa lamang, ngunit nagpanggap siyang may karanasan na. Ngumisi siya at bumulong sa tainga ni Zander: “Ikaw ang bahala, huwag lang sa bahay ko.”

Tumaas ang sulok ng labi ni Zander. Para sa kanya ito ay panandaliang kasiyahan lamang. Yumuko siya at hinalikan niyang muli ang babae. Mas lalong nalasing si Tessa sa paraan ng paghalik sa kanya ni Zander, isang mapusok at mainit na mga halik.

“Liam,” biglang lumabas sa kanyang bibig ang pangalan ng kanyang dating nobyo nang bitawan ni Zander ang kanyang mga labi.

Napatigil si Zander sa pagkagat nito sa kanyang tainga at saka kumunot ang noo nito.

“What did you just call me?” Agad na binitawan ni Zander si Tessa.

Nabigla naman si Tessa sa ginawa niya. Sumandal si Zander sa pader, at ibinaba ang kanyang ulo upang mag-sindi ng sigarilyo.

Mapaglaro niyang tinitigan si Tessa, “Liam Torres? How interesting! Mukhang siya ang ex-girlfriend ng magiging brother-in-law ko,” saad ni Zander sa kanyang sarili.

Kumunot ang noo ni Tessa. Hinala niya na mukhang pina-imbestigahan na siya nito.

Pinagpag ni Zander ang abo ng kanyang sigarilyo at nagtanong nang kaswal, “You know who I am, right? Why did you kissed me? Gusto mong may mangyari sa atin dahil galit ka kay Liam Torres?”

Hindi ito maitatanggi ni Tessa. Napakasikat ni Zander Velasquez. Magiging mapagkunwari para sa kanya na sabihing hindi niya ito kilala.

Yumuko at humingi ng tawad si Tessa: “I’m sorry for disturbing you, Mr. Velasquez.” Gusto na niyang umalis at mukhang wala namang balak si Zander na pigilan siya.

Saktong pagtalikod ni Tessa tumunog ang kanyang cell phone. Pagtingin niya, ang kanyang tiyahin na si Cora pala ang tumatawag sa kanya.

“Tessa, bumalik ka na rito. May nangyari sa bahay," bungad nito sa kanya nang sagutin niya ang tawag nito. Biglang nawala ang kalasingan ni Tessa.

Nagtanong si Tessa sa kanyang tiyahin, ngunit hindi nito maipaliwanag sa kanya ng mabuti dahil mahina ang signal sa loob ng bar.

Pagkatapos nitong ibaba ang tawag, nanghina ang mga binti ni Tessa. Muli siyang humingi ng tawad sa lalaki: “I’m really really sorry, Mr. Velasquez. Mauna na po ako, pasensya na.”

Tiningnan siya nang malalim ni Zander. Tumayo ito nang tuwid at pagkatapos ibinato nito sa kanya ang jacket nitong itim: “Isuot mo, ihahatid na kita,” sabi nito sa kanya pagkatapos siya nitong lampasan.

Hindi na nagdalawang-isip pa si Tessa at sinundan na niya si Zander patungo sa kotse nito.

Habang nasa biyahe sila, wala ni isa sa kanila ang nagsalita. Paminsan-minsan ay palihim siyang tinitingnan ni Tessa. Para sa kanya, si Zander ay may perpektong mukha, at ang brand ng shirt na suot nito ay hindi niya masyadong makita, ngunit mukhang napakamahal nito.

Alam ni Tessa na ang isang lalaking tulad ni Zander ay hindi kailanman mawawalan ng mga babae.

Pagkarating nila sa may tapat ng bahay nina Tessa, tumingin sa kanya si Zander. Pinasadahan nito ng tingin ang kanyang buong katawan, ang mga mata nito ay nagtagal sa kanyang makitid na puting mga binti sa loob ng ilang sandali. Pagkatapos, kumuha ito ng business card mula sa locker sa harap at inabot nito kay Tessa.

Hindi makapaniwalang tumingin si Tessa kay Zander bago niya tinanggihan ang lalaki.

“Mr. Velasquez, let’s not contact each other anymore," saad niya sa kalmadong tono ng boses.

Muling tumunog ang cell phone ni Tessa. Akala niya ito ay ang kanyang tiyahin, ngunit nang tingnan niya ang kanyang cell phone, pangalan ni Liam ang kanyang nakita. Agad niyang binuksan ang mensahe nito sa kanya.

Liam: Tessa, where are you?

Ngumisi si Zander nang makita nito ang mensahe sa kanya ni Liam. “You’re very loyal to him, huh?”

Biglang nakaramdam ng hiya si Tessa at itinago niya ang kanyang cell phone sa kanyang maliit na handbag. Gusto niya ring depensahan ang kanyang sarili, ngunit hindi na lamang niya ito ginawa.

Lumabas si Zander mula sa driver’s seat at umikot ito papunta sa may passenger seat kung saan nakaupo si Tessa. Binuksan nito ang pinto ng kotse at bago siya lumabas nagpasalamat muna siya sa lalaki, ngunit nakalimutan niyang isauli rito ang jacket nito.

Pumasok na ulit si Zander sa loob ng driver’s seat at mabilis nitong pinaandar ang sasakyan palayo sa bahay nina Tessa.