CHAPTER 19

DANICA TRINA....

Hindi n'ya alam kung ano ang gagawin. Sa buong buhay n'ya ngayon lang s'ya natakot ng ganito. Isinugod nila sa hospital si Joshua dahil sa ginawa ni Kabol.

May sugat din pala ito sa ulo at huli n'ya nang nalaman. Pabalik-balik s'ya sa paglalakad sa labas ng emergency room at hindi mapakali.

Kahit anong galit mo pala sa taong mahal mo kapag nakita mo itong nanganganib ang buhay lumalabas ang lahat ng takot mo sa dibdib.

"Senyorita magiging ok lang kaya si Joshua?" tanong ni Ontoy. Sumama ito sa kan'ya sa pagdala kay Joshua sa hospital.

"Sana nga Ontoy! Sana walang mangyaring masama sa kan'ya. Kasalanan ko to eh, kasalanan ko!" naiiyak na sagot n'ya rito.

"Senyorita hindi mo naman kasalanan ang nangyari. Ako yata ang may kasalanan kasi hindi ko napigilan si Kabol. Nagwawala kasi at sobrang lakas n'ya kaya nabitawan ko at tumakbo patungo sa inyo ni Joshua," sagot nito.

"Huwag na tayong magsisihan Ontoy. Manalangin na lang tayo na walang masamang mangyari sa kan'ya," sago