Chapter 3

Isang linggo na simula noong tumira ako sa penthouse ni sir. Araw-araw niya akong dinadala sa office niya. Kapag nasa office niya ako ay wala akong ibang ginagawa kundi ang ipagtimpla siya ng kape at papanoorin siya buong maghapon.

Sa loob ng isang linggo ay si Kyla lang ang nakakausap ko. Hindi naman pala siya suplada. Sa katunayan nga ay mabait si Kyla. Nalaman kong magka-barkada pala sila ni sir. Marami sila sa kanilang grupo ngunit ang iba daw ay madalang nalang makakasama dahil mayroon ng mga sariling pamilya. Namangha pa ako dahil kaibigan niya ang kinuha niyang secretary at hindi ibang tao.

"Lima nalang kami sa barkada na wala pang anak. Sa tingin ko, si Mr. Arañez ang susunod na hindi na pwede sa mga gala dahil may anak ng binabantayan" kwento ni Kyla.

Tumikhim ako. Hindi niya alam ang namagitan sa amin ni sir. Ngunit hindi ko maiwasang magduda na may napapansin siya sa mga kilos namin.

"May girlfriend si sir?

Tumawa lang siya ng nakakaloko kaya nagtaka ako. Nagsisinungaling ako. Alam kong wala siyang girlfriend dahil may asawa na siya, at ako iyon.

"Hindi ko alam. Baka may secret affair nga ang isang 'yon" tumawa siya ng malakas.

Kailangan kong sabihin kay sir na mag-doble ingat kami. Base kasi sa mga lumalabas sa bibig ni Kyla ay nahihinuha kong may ideya sa amin. Pagkatapos naming kumain ng lunch at ipagtimpla si sir ng kape ay nakatulog ako sa couch. Nagising na lang ako sa bahagyang pagyugyog ni sir sa balikat ko.

"Shai, samahan mo ako" aniya nang makaupo ako.

"Saan?" humihikab kong sagot.

Sarap matulog dito, malamig. Tumingin ako sa table niya. Malinis ito, walang nakakalat na mga papeles. Hindi din nakabukas ang kaniyang laptop. Marahil natapos na siya sa gawain. Tumingin ako sa orasan na nasa dingding. Masyado pang maaga para sa uwian.

"Bibili tayo ng phone mo para hindi ka na mainip kakahintay sa akin"

May cellphone naman ako. Pinahiram ko kay Shan— kapatid ko—kasi kailangan niya. Binigyan din ako ni tiya Annabelle ng spare niyang keypad kung sakaling hihingi ako ng tulong, tatawagan ko lang daw siya.

"Eh may phone naman ako"

Pinakita ko sa kaniya ang keypad na binigay ni tiya bago ako lumipat sa kaniyang penthouse. Luma na ito at halos hindi na makita ang mga letra at numero sa mismong keypad nito. Saulo ko naman ito kaya hindi problema sa akin ang pagte-text kina nanay.

"Hindi ka ba nahihirapan sa ganiyan?

Umiling lang ako bilang sagot. Hinawakan niya ang kamay ko at marahang hinila ako palabas. Nakita kami ni Kyla paglabas namin ng office. Yumuko ako nang makita itong suminghap sa magkahugpong naming mga kamay.

Kasalukuyan kaming namimili ng phone. Si sir lang pala. Wala naman akong masyadong alam sa mga ganiyan. Ang dami niyang sinasabi na hindi ko naman maintindihan. Halos isang oras din kami naghahanap ng matibay na cellphone. At sa wakas ay nakapili rin. Sinet-up niya na rin lahat bago ibinigay sa akin ang phone.

"Salamat"

Bumalik na kami sa office dahil may meeting pa sila. Napag-utusan naman akong ihanda ang conference room. Nang magsidatingan na ang mga employee na kasama sa meeting ay umalis na rin ako. Hindi muna ako pinasama ni sir sa kanilang meeting dahil nandoon naman ang secretary niya.

Habang nag-meeting sila ay panay naman ang kalikot ko sa bagong cellphone. Marunong naman ako gumamit nito dahil nagkaroon din ako nito. Second hand ang dati kong phone pero wala namang pinagkaiba. Tawagan ko kaya si nanay? Napangiti ako sa naisip na ideya. Kinuha ko ang keypad upang i-type ang number ni Shan.

"Hello? Sino 'to?" tanong ni Shan sa kabilang linya nang sagutin ang tawag.

"Shan! Ako to, ate Shaira mo. Kumusta kayo?" masayang bati ko.

Nami-miss ko na sila. Kung papayagan ako ni sir mag day off ngayon linggo ay uuwi ako agad sa bahay.

"Ate! May bagong number ka pala?"

Napasimangot ako sa tanong niya. Number talaga una niyang tinanong. Hindi man lang ako kinamusta. Nakakatampo hmp.

"Okay lang ako" sarkastikong sagot ko.

Narinig ko siyang tumawa sa naging sagot ko. Umirap ako kahit hindi niya makita.

"Uuwi ka ba?"

"Kung papayagan ako ni sir, uuwi ako, Shan"

"Gano'n ba?" dinig ko ang lungkot sa kaniyang boses mula sa kabilang linya.

Nakokonsensya ako. Hindi nila alam ang pinasok ko. Ang akala nila ay nagta-trabaho lang ako para matustusan lahat ng pangangailangan namin.

"Si ate mo ba iyan, Sho?" dinig kong singit ni nanay mula sa kabilang linya.

"Opo, nay. Ate, kausapin mo muna si nanay. Gagawa lang ako ng assignment" paalam ni Shan.

"Shaira, anak. Kumusta ka? Kumakain ka ba ng maayos? Kung hindi mo na kaya, anak, umuwi ka ha? Aalagaan ka ni nanay"

Naluluha ako nang marinig ang boses ni nanay. Sa tuwing naririnig ko ang magaspang niyang boses ay gusto kong umuwi.

"Ayos lang po ako, nay"

Nagkwentuhan lang kami ni nanay. Hindi ko namalayan ang oras. Nakabalik na si sir sa office kasama si Kyla .

"Nay, nandito na si sir. Baba ko muna ha?" pagpaalam ko.

"Mag-iingat ka palagi. Bye, anak"

Ibinaba ko na ang tawag. Naramdaman ko ang pagtitig ni sir sa'kin.

"Nanay mo?" tanong niya nang makalabas si Kyla.

Tumango ako. Ilang minuto pa akong nakaupo bago ko naisipang lumabas para ipagtimpla siya ng kape. May nakasalubong akong magandang babae. Mukhang hindi siya employee dito dahil sa suot niya.

Nakasuot siya ng magandang damit. Pula na long-sleeved ang kaniyang top at sobrang ikli ang itim niyang pencil skirt. Red din ang kaniyang stilleto na mas lalong nagpaputi sa kaniyang makinis na balat. Maganda ang lapat ng kaniyang makeup, bagay sa kaniyang mapulang labi. Ang sobrang itim niyang buhok ay maganda ang pagkakaayos. Sobrang ganda niya. Halatang mula sa mayaman na pamilya. Nanliit ako sa porma kong faded blue na long-sleeve at tinernohan ng coffee na skirt na lampas sa tuhod ko.

Ngumiti siya sa akin kaya ngumiti na lang din ako. Nagpatuloy na lang ako sa paglalakad patungong pantry. Pagbalik ko ay bahagyang nakabukas ang p***o ng office ni sir. May narinig akong hindi pamilyar na boses ng babae. Gayunpaman ay pumasok pa rin ako upang ibigay ang kape ni sir. Ngunit nagulat ako sa nakitang kausap ni sir. Ang magandang babaeng nakasalubong ko.

"Come on, Mave. If you won't spend time with me, I'll visit you at your penthouse nalang" maarteng sabi ng babae.

Sobrang lapit ng mukha niya sa mukha ni sir. Ang isa niyang kamay ay nakahawak sa likod ng swivel chair ni sir at ang isa naman ay nasa lamesa, ginawang suporta. Parang may tumusok na karayom sa nakitang posisyon nila. Hindi pa rin ako napapansin si sir dahil abala siya sa ginagawa. Hindi man lang pinansin ang babae.

Biglang nag-vibrate ang phone na nasa bulsa ng suot kong palda, hudyat na mayroong text. Nang silipin ko ito ay nakita ko ang text ni Kyla sa akin.

'Girl, labas ka muna. Nandito pala si ma'am Eleanor'

Tumingin ako kay sir na seryoso pa ring nakaharap sa laptop niya. Nakatingin lang din ang tinatawag ni Kyla na Eleanor sa akin, na para bang gusto niya akong paalisin. Nang mag-angat si sir ng tingin ay nakita ko ang pagkabalisa sa kaniyang mga matang nakatingin sa akin.

"Ah, sa labas lang po muna ako, sir, ma'am" pagpapaalam ko na lang.

Hindi ko na sila hinintay sumagot. Mabilis akong lumabas habang hawak ang dibdib ko, sa kabila naman ay ang kape na hindi ko man lang naibigay.

"Sino 'yon?" hindi ko maitago ang inis sa boses ko kaya tinawanan ako ni Kyla.

"Hindi dapat ako ang magsasabi niyan. Tanong mo na lang kay sir, close kayo diba?" aniya.

Pinanood ko lang mag-trabaho si Kyla. Panay din ang tingin ko sa p***o ng office ni sir. Dalawang oras na pero hindi pa rin lumalabas ang babae. Ano kayang ginagawa nila? Napasabunot ako sa buhok ko dahil sa naiisip na hindi maganda.

"Anyare sa'yo?" takang tanong ng secretary.

"Wala"

Maya-maya pa ay lumabas na si Eleanor na nakasimangot. Hindi ko alam kung papasok ba ako agad o tatambay muna dito. Hindi pa ako nakapag-decide ay lumabas na si sir.

"Shai, samahan mo kami mamaya"

"Saan po, sir?" hindi siya tiningnan.

Nagtatampo ako sa kaniya. May babae pala siya, bakit ako pa ang pinilit niyang pakasalan?

"Bar"

"Huh?"

Wala sa sarili akong tumango. Gaya ng napag-usapan ay sumama ako kay sir sa bar. Kasama namin ang mga kaibigan niya. Hindi ako mahilig uminom pero napililitan nalang ako. Dahil na rin sa inis kaya sunod-sunod kong ininom lahat ng ibinigay nila sa akin. Nang medyo tinamaan na ako ay hinila ako ni Kyla sa dance floor. Alam kong tinamaan na ako ng alak dahil wala na akong hiyang sumasayaw sa gitna. Tinawanan lang ako ng babae bago ako iniwan para maki-sayaw sa iba.

Naiwan ako sa gitna ng mga lalaking nagsasayawan. Nahihilo at nasusuka na ako. Anumang oras ay matutumba na ako. Ngunit bago pa man ako tuluyang humalik sa sahig ay naramdaman ko ang brasong humila sa bewang ko.

Hindi ko na maaninag kung sino ang mapangahas na iyon. Ang alam ko lang ay nakayakap na ako sa matipunong katawan ng lalaki.

"You're drunk, baby. I'll take you home"

Gusto ko mang lumayo ay wala na akong lakas na lumaban pa. Ang huling natandaan ko ay binuhat ako ng lalaki bago tuluyang sinakop ng antok.