Chapter 23

Nakaidlip na si Berry ng balikan siya ni Marife sa silid niya. Hindi naman nakalock ang pinto kaya malayang nakapasok si Marife sa loob.

"Berry, gising..," tinapik tapik pa ni Marife ang braso niya.

"Uhmm..," ungol ni Berry.

"Anong uhmm..? gumising ka na at ayusin mo ang sarili mo. Nandiyan na yung secretary ni Jayden," saad ni Marife at umupo sa tabi ni Berry na ayaw pang bumangon.

"Inaantok pa ko, Fe." tinatamad na wika ng dalaga.

"Mamaya mo na ituloy ang tulog mo. Bumangon ka na at ayusin mo ang sarili mo dahil susukatan tayo ni Arianne. Nakakahiya na humarap ka sa kanya na may panis na laway ka at muta. Baka sabihin kay Jayden, nakakahiya naman di ba?!." turan ni Marife na ikinabangon agad ni Berry.

"Ayos ah ang bilis nakabangon!" natatawang wika ni Marife.

Hindi na siya pinansin pa ni Berry at dumiretso na ng pasok sa banyo ang dalaga.

Mabilis na naglinis ng katawan, mukha at nagsepilyo. Nagsuklay lang siya at inayos ang suot na damit.

"Okay lang ba ang ayos ko?" tanong ni Berry