Chapter 37

Ilang minuto ng nasa ibaba si Jayden kaya nakaramdam ng pagkainip si Berry. Hinanap ng mga mata niya ang cellphone niya ng maalala ang kaibigang si Marife. Nakita niyang nakapatong sa tokador ang kanyang cellphone. Kailangan niyang tumayo para makuha iyon. Kaya sinubukan ni Berry na gumalaw sa pagkakahiga. Inalis niya ang kumot sa ibabaw ng kanyang katawan at dahan-dahan na iginalaw ang mga paa niya. Patayo na siya ng maabutan siya ni Aling Meling.

"Berry, bakit ka kumilos?!" nag aalalang tanong ng ginang na lumapit agad sa dalaga at ibinaba ang dala nitong food tray.

Bumalik naman sa pag upo si Berry ng masita siya ng asawa ni Mang Teddy. "Aling Meling, kukunin ko lang po yung cellphone ko," aniya sa ginang.

"Wag ka na munang kumilos Berry, kung may gusto ka ay iutos mo na muna sa amin. Sigurado akong magagalit si senyorito Jayden kapag nakita ka niyang tumayo," saad ng ginang kay Berry.

"Kaya ko naman po Aling Meling," sagot naman ng dalaga.

"Kakagaling mo lang sa mataas na lagnat B