"Girls, pinatatawag na kayo ni Ate Jessa," aning wika ng isang babaeng bigla na lamang pumasok sa silid nila Berry na ikinagulat nilang apat dahil hindi man lang kumatok ang babae sa pinto.
Katatapos lang nila Berry at Marife na ayusin ang mga damit nila sa nakalaang cabinet para sa kanila sa loob ng silid na iyon. Habang ang dalawa nilang kasama ay busy sa kanilang mga ginagawa."Hindi ka ba marunong kumatok?"singhal ni Ginalyn sa babaeng nakatingin kina Berry at Marife."Dito pala sa kwarto ninyo inilagay ang mga bagong dating. Hi, im Teresa, Tere na lang for short. Bago lang din ako, magdadalawang linggo pa lang," aning bati sa kanila ng babaeng kumuha ng kanilang atensyon.Napakunot noo si Marife at si Berry ay napatitig sa mukha ni Teresa.Kung titignan nila kase ng mabuti si Teresa ay para itong hindi problemado na katulad nila. Samantalang sinabi nito na bago pa lang din pala ito sa lugar na iyon."Hi din, ako si Berry at siya naman si Marife. Magkaibigan kaming dalawa," balik bati naman ni Berry."Hello Teresa!" pagbati na may matipid na ngiti naman ang ibinigay ni Fe sa bagong kakilala."Sige na Teresa, lalabas na kami. Mamaya ka na makipagkumustahan sa kanila at baka mainip si ate Jessa sa iyo matalakan ka pa. Bumalik ka na sa sala," utos ni Aireen naman sa babae na halata ang pagiging madaldal."Kayo, wag kayo basta-basta magtitiwala sa mga kasama ninyo rito sa pugad. Hindi lahat mababait at maganda ang magiging pakikitungo sa inyo rito. Hangga't kaya ninyong umiwas sa gulo, iwasan ninyo para hindi kayo mapahamak," payo ni Ginalyn sa kanilang dalawa na ikinatango nilang sabay sa babae."Matagal na ba kayo rito?" tanong ni Marife."Maglilimang buwan na ko dito. Si Ginalyn ang matagal na talaga dito," sagot ni Aireen."Hindi pa rin ba ninyo natutubos ang sarili ninyo, sa tagal na ninyo rito?" tanong muli ni Marife na pinakikinggan lang ni Berry."Malapit na ko, kaunting ipon pa. Matatakasan ko na rin ang buhay na ganito," sagot ni Aireen."Matagal na akong bayad, kung tutuusin malaya na ko na umalis dito sa pugad. Nakalabas na rin ako dati, pero nagdesisyon akong bumalik. Mahabang kwento, at saka ko na itutuloy dahil baka masigawan na tayo ni ate Jessa. Tara na sa sala," Sagot ni Ginalyn na nakitaan nila ng lungkot sa mga mata.Naunang lumabas sa silid sina Ginalyn at Aireen na sinundan nilang magkaibigan.Sa sala ay nakita nila Berry ang ibang mga babae sa pugad na nagkukumpulan sa isang tabi. Mahigit bente ang bilang nila kasama na silang dalawa ni Marife."Dito kayong dalawang bago sa harapan at magpakilala kayo sa kanila," utos sa kanila ni Jessa.Magkasunuran lumapit sina Marife at Berry kay Jessa at sinunod ang utos nito na magpakilala.Nauna si Marife na nagpakilala at sumunod naman si Berry. Pagkatapos nila ay iniutos ni Jessa sa mga babae na ipakilala rin nila ang mga sarili nila sa dalawa."Okay, ngayon na magkakakilala na kayo ay uumpisahan na natin ang meeting. Wala na munang rehersal ngayong araw dahil may lalakarin akong importante. Kung ano ang ginawa ninyo kagabi ay ganun na lang din ang gawin ninyo mamaya. Magpalit na muna kayo Ginalyn at Vanessa ng pwesto ngayong gabi at si Trina na muna ang magiging star of the night," panimula na ni Jessa sa pagpupulong nila.Tumango naman ang tatlong babae na binanggit ang pangalan."Sa mga baguhan naman sa pag ientertain na muna kayo ng costumer at panoorin ninyo ang mga ginagawa ng mga kasama n'yo sa itaas ng stage kapag sumasayaw sila. Sa mga susunod na araw ay aakyat rin kayo ng stage para magsayaw.""Berry at Marife, sa grupo kayo ni Ginalyn. Alam na niya kung papaano kayo ihahandle pagdating sa club. Bawal kayong ilabas ng mga costumer. May mga private room sa loob ng club kung sakali na papayag kayong mag extra service," tinuro pa ang magkaibigan na alam naman na sila ang pinatutungkulan dahil sila lang naman ang bago.Matamang nakikinig ang magkaibigan sa sinasabi ni Jessa pero si Berry ay wala namang gaanong maunawaan."Kung gusto ninyong makabayad agad at makaalis rito, gamitin n'yo ang ganda at charm ninyo, ang katawan n'yo. Malay ninyo, tulad ng iba na nauna sa inyo rito ay may mauto rin kayong mga costumer," pagbigay pa ng payo ni Jessa sa mga babaeng ang iba ay natawa, samantalang ang iba ay halatang hindi nagustuhan ang idea na isinuhestiyon ng babae sa kanila.Napakuyom ng kamao niya si Marife sa narinig, si Berry naman ay umawang ang bibig dahil sa nakuha niya na ang ibig sabihin ng extra service na sinasabi ni Jessa."Kayong dalawang bago ipapadala ko kay Janna ang susuotin ninyo mamaya at si Janna na rin muna ang mag aayos sa inyong dalawa. Magpakabait kayo roon dahil ang mga kaartehan ninyo rito sa pugad ay hindi pupwede roon kay Moira," ani pang turan ni Jessa sa kanila."Sige na maghapunan na kayo at magsipaligo na rin ang iba sa inyo para hindi kayo magahol. Ayaw ni Allan ng pinaghihintay siya ng matagal," utos pa nito sa mga babaeng nakapaligid sa kanya.Sabay-sabay na kumain sila sa mahabang lamesa. Ang iba ay kumuha lang ng pagkain at sa sala na naupo dahil hindi sila kasya sa hapagkainan sa dami nila. Napansin ni Berry at Marife na ang tahimik ng lahat. Wala silang nakikitang mga nag uusap man lang. Pero pansin din nila ang pagtitinginan ng ibang mga babae.Bumalik sila ng silid matapos nilang kumain. Naunang naligo si Aireen kaya habang naghihintay silang matapos si Aireen ay muling nagtanong si Marife kay Ginalyn."Ginalyn, bawal bang makipag usap sa ibang kasama natin rito?""Ayaw ni Jessa ng maingay, kapag nagalit siya ay hindi ka n'ya pakakainin, akala ba ninyo ay mabait yun? Ako na ang magsasabi na hindi, si Jessa ang nagsusumbong kay Madam Lorena ng mga naririnig niya sa atin rito. Kaya wag kayong magtitiwala sa babae na yun at higit sa lahat may cctv camera na nakamonitor sa atin sa buong bahay. Mga kwarto lang rito ang hindi pinalagyan ng camera ni Madam Lorena. Ang alam ko nakaconnect ang cctv sa mga computer na nasa iba
"Wow, grabe ang gaganda n'yo talaga! Lalo ka na Berry," namamanghang turan ni Janna, matapos niyang lagyan ng kolorete ang mukha ng magkaibigan."Maganda na talaga si Berry noon pa man,, kahit walang make up, Janna. Kaya nga siguro hindi siya tinigilan ni Aling Cristy na mapapayag na sumama sa kanya," saad ni Marife na tumabi kay Berry at tinignan ang sarili niyang ayos sa salamin."Sumpa ba ang pagiging maganda? Kung ganoon nga, sana hindi na lang ako naging maganda," malungkot na wika ni Berry."Hindi sumpa ang pagiging maganda, Berry. Huwag mong masamain ang sinabi ko, okay!" mabilis na turan ni Marife."Bakit ako, hindi naman din kagandahan na tulad mo ah, marami kaming hindi kasing ganda mo, ninyo nila Ginalyn at Vanessa, pero narito rin sa lugar na ito. Nagkataon lang na nabiktima tayo ng bruhang Cristy na 'yon," Sabat naman ni Aireen.Natahimik silang lahat saglit sa loob ng silid sa sinabi ni Aireen."Tapos ko na kayong ayusan, magbihis na kayo dahil ilang minuto na lang ay ih
Samantala wala pang alas otso ng gabi ay nasa labas na ng club si Jayden. Nagparking siya ng sasakyan niya malapit lang sa club kung saan niya nakita kanina ang babae. Matiyaga siyang naghintay sa labas ng kanyang sasakyan, na may mga ilang costumer na rin ang dumating at pumapasok sa club kung saan niya nakitang pumasok kanina ang babaeng magandang probinsyana. Nagbabakasakali siyang talaga na makikita niya ang dalaga ngayong gabi. Malakas ang kutob niyang magtatrabaho bilang entertainer ang babae sa club na iyon.Sinadya niyang maagang makarating sa club dahil gusto niyang siya ang unang makapili kay Berry. Muntik pa nga siyang hindi makarating ng maaga kanina sa lugar ng dahil kay Ishie, dahil pagkatapos ng mainit na kaganapan sa kanilang dalawa sa loob ng kanyang opisina ay gusto pa nitong magpahatid sa kanya sa bahay nito. Nagpilitan pa silang dalawa at napapayag naman siya pero may plano na siya sa paghatid sa babae. Hindi kase gusto ni Jayden na makasalamuha ang parents ni Ish
Inilibot ni Cyrus ang paningin sa paligid at nakita nito si Jayden na nakaupo sa di kalayuan sa kanila at nakatitig sa kanya na pinakitaan siya ng middlefinger.Napangisi naman si Cyrus sa inakto ni Jayden. "Kanina ka pa ba rito o kadarating mo lang?" mahinang tanong ni Cyrus na hindi sinagot ni Jayden. "Do you know her?" seryosong tanong muli ni Cyrus.Tumango lang si Jayden. "She's safe with me, so don't worry. And stay where you are, Curtis. You know what to do, right?" mahinang bigkas ni Cyrus na ikinatangong muli ni Jayden.Ngumising muli si Cyrus sa kanya at pinatay na ang tawag niya.Sinenyasan naman agad ni Jayden ang waiter at inutos na dalhin sa kanya ang babaeng no.14 para makatable niya.Kilala niya si Cyrus, alam niyang hindi ito gagawa ng bagay na ikagagalit niya at ikapapahamak niya kahit pa nga isa itong mafia boss.Hindi niya alam na may transaction pala ngayon si Basmayor dito sa club dahil kanina ay nanggaling na sila sa lugar na ito."Boss, narito na ang makakata
"Relax, hindi mo pa nga naipapakilala ang sarili mo sa kanya kung maka-mine ka wagas Curtis," paninitang saad sa kanya ni Cyrus."Naunahan mo lang akong makausap siya. Kaya nga ako narito, upang magpakilala sa kanya at tulungan s'yang makaalis sa lugar na 'to," mariing wika ni Jayden sa kaibigan."Tawagan kita, mamaya," saad ni Cyrus ng may lumapit na tauhan sa kanya at bumulong sa tenga nito.Hindi na nagsalita pa si Jayden dahil nakita niyang may kinakausap na muli si Cyrus sa mga lalaking ka meeting nito. Napabaling ang paningin niya kay Berry ng tumayo ito at umalis sa tabi ni Cyrus na sumunod na naglakad sa isang babaeng naunang tumayo rito."Pupunta yata ng banyo si Beery, Marife. Pwede mo siyang sundan at kausapin," pasimpleng utos niya sa kaibigan ni Berry."Sige, kakausapin ko siya at kukumustahin, magbabanyo na rin ako. Salamat Jayden," sagot sa kanya ni Marife.Sinundan niya ng tingin ang paglalakad ni Marife hanggang sa makapasok ito ng banyo ng mga babae.Inilipat niya a
"Berry okay ka na ba?" nag aalalang tanong ni Ginalyn sa kanya.Nanginginig ang katawang tumango si Berry kay Ginalyn kahit ang totoo ay natatakot pa rin siya at nag aalala para kay Marife."Si Fe, ang inaalala ko, Ginalyn. Gusto kong malaman ang kalagayan niya. Nasaktan siya ng dahil sa akin," pumatak ang luha niya ng sumagot sa babae."Nauunawaan kita, Berry. Nag aalala rin ako sa kaibigan mo, pero wala tayong magagawa dahil hindi tayo makakaalis dito, para alamin ang lagay niya. Ipagdasal na lang natin na maging okay siya," wikang muli ni Ginalyn."Hindi na babalik pa rito sa club ang kaibigan mo Berry, dahil bayad na siya ng lalaking tumulong sa kanya. Sana ay bumalik ang lalaking yon dito para malaman naman natin ang kalagayan ni Marife," turan naman ni Aireen."Nanginginig ka Berry.., irelax mo ang sarili mo, uminom ka muna ng tubig," nag aalala pa ring wika ni Ginalyn na inabutan ng isang basong tubig si Berry na ibinigay naman ni Teresa kay Ginalyn kanina."Isipin mo muna ang
"Kumusta siya, Marlon? anong sabi ng doctor?" tanong ni Jayden ng makarating siya ng ospital kung saan dinala ng lalaki ang kaibigan ni Berry."Unconscious pa rin, wala naman raw nakitang internal bleeding sa ulo niya pero kailangan pa rin daw obserbahan ang pasyente pag nagising na," aning sagot sa kanya ni Marlon."Tumawag pala si boss kanina, ang sabi niya ay ako na muna ang magbantay sa babaeng tinulungan mo," turan pa ng tauhan ni Cyrus na hindi naman na rin iba sa kanya dahil matagal na rin niyang kakilala ang lalaki."Thank you nga pala Marlon," aniya na tinapik pa niya ang braso ng lalaki."Pwedeng magtanong, kung hindi mo naman mamasamain? Sino ba siya at bakit ganun na lang ang concern mo sa kanya? curious lang din ako kung bakit ka naroon sa club.""Best friend siya ni Berry, bagong kakilala ko lang. Mga probinsyanang bagong luwas kanina na niloko ng kanilang recruiter," aniyang nakatitig pa sa natutulog na kaibigan ni Berry."Ang babaeng naka-table ni boss Cyrus?" napakuno
Nag aalmusal na ang lahat ng mga kababaehan sa bahay pugad kinaumagahan pero si Berry ay walang ganang kumain at napansin iyon nila Ginalyn at Aireen."Berry, kumain ka. Huwag kang magpakagutom dahil lang sa wala na rito ang kaibigan mo. Kailangan mong magpalakas para sa sarili mo at sa kanya," mahinang saad ni Ginalyn kay Berry."Tama si Ginalyn sa sinabi niya sa 'yo Berry, kailangan mong kumain at magpalakas dahil kung manghihina ka baka lalo ka lang mawalan ng pagkakataon na makita siyang muli o makasama," nag aalalang turan na rin sa kanya ni Aireen at binibigyan ng rason si Berry para pilitin ang sarili nito para mabuhay."Wala talaga akong ganang kumain, pasensya na. Iniisip ko kase si Marife kung kumusta na s'ya, kung ano na ba ang lagay niya ngayon. Friday na rin bukas, hindi ko maiwasan na hindi maisip ang magiging kapalaran ko pagkatapos," malungkot na saad ni Berry."Ako rin nag aalala para kay Marife, pero iniisip kong mas magiging ligtas siya sa lalaking tumulong sa kanya