Chapter 6

"Psst! Manang Helen!" Pasimple kong tinatawag si Manang habang sinasamahan ko si Sir Gio na manood ng TV sa sala.

Lumingon naman sa akin si Manang."Oh, Alyana? May kailangan ka?" Naglakad siya papalapit sa akin.

"Ganoon po ba talaga si Sir Zadge? Ang cold niya tapos nakakatakot iyong aura niya!" Mariin kong ibinulong.

Pagkatapos kasing dumating ng kapatid nitong si Sir Gio ay nacurious tuloy ako sa pagkatao ni Sir Zadge. Mukhang masungit at may menstrual period. Kanina lamang dumating ang parents nila galing Italy Italy sinalubong ang panganay nilang bagong dating. Oh 'diba? Ang angas ng pamilyang ito, grabe. Kaya din pala hindi ko nakikita noong mga nakaraang araw ko rito si Sir Zadge ay doon ito namalagi sa Las Vegas dahil hilig din daw nito ang music at nagkaroon ng concert roon bukod sa paghahandle ng kanilang kumpanya. 

Maraming kumpanya ang mga Madrial. Mayroon sa iba't-ibang panig mundo kaya siguro ang busy nilang pamilya. Pero dahil nagkaganito si Sir Gio, medyo napapabayaan na nila ang ibang kumpanya.

"Ah, si senyorito Zadge? Naku, mabait iyon. Badtrip lang siguro kaya ganoon pero mabait iyon. Masyado kasing abala din sa kumpanya at masungit rin kung minsan. Pagpasensyahan mo na." 

"Ay, ayos lang po iyon! Walang kaso sa akin. Ito nga hong bunso ay kinakaya ko, e." Pagmamayabang ko at tumawa.

Napangiti din sa akin si Manang ngunit naramdaman ko ang pagsiksik sa akin ni Sir Gio kaya nilingon ko ito. Nagtaka ako kasi nakakunot ang noo niya at parang may sama ng loob gayong cooking show naman ang kaniyang pinapanood. Hala? Anong nangyari sa poging ito? 

Iniwan na kami ni Manang kaya focus na ulit ako sa baby damulag na ito, haha!

"Anong problema, Sir? Ayaw mo ba nitong cooking show?" Kinuha ko ang remote at nilipat ang channel."Ano bang gusto mo? Barilan ba? Action movies? Teleserye? Drama? Romance? Por--" kinagat ko ang dila bago pa may masabing censored. Gawd!

Pero hindi naman siya umiimik. Kaya nga muted 'diba? Tanga ko talaga. Kaya naman nilipat ko nalang sa action movies tutal ganoon naman talaga ang gusto ng mga lalaki. Iyong maraming challenges ang thrill. Kaya nga pagdating sa relasyon ay ganoon din sila. Though hindi ko naman nilalahat.

"Mmmm!"

Nagulat ako dahil bigla siyang umungot. Parang may hindi siya nagugustuhan. Ewan ko din hindi ko alam. Pero nakabusangot ang kaniyang mukha. Napabuntong hininga nalang ako dahil nagsusuplado na naman siya. Ano bang problema ng tisoy na ito?

Kaya hinipo ko ang noo niya para sana alamin kung may lagnat ba siya at may masakit sa kaniya kaya siya umuungot pero lalo akong nagulat nang tinabig niya ang kamay ko. 

"Yu!" 

Mas lalo naman akong nagulat nang magsalita na siya. Siyempre kahit dalawang letter lang iyong sinabi niya ay big deal parin sa akin. Gago! Nagsalita si boy pogi!

"Ha? Anong sinabi mo, Sir Gio?" Tumayo ako dahil tumayo na rin siya at lumayo sa akin. Nagtaka naman ako lalo.

Mukha siyang inis na inis na sa hindi malamang kadahilanan. Nakayukom na rin ang kaniyang mga kamao. Owemji! Anong nagawa ko sa kaniya? Nag-uusap lang naman kami ni Manang kanina tungkol sa kuya niya, ah?

Agad akong nanlumo nang hahawakan ko na sana ang kamay niya ngunit malalaki ang biyas niyang iniwan akong mag-isa rito. Ang bigat ng kanyang nga hakbang ay dama ko rin. Naguguluhan akong napaupo pabalik sa sofa.

Anong nangyaring doon? 

I cupped my face and took a deep breathe. Sa tuwing susubukan ko siyang paamuhin ay pumapalpak ako. Kailan ko ba talaga mahuhuli ang kaniyang loob?

Pinili ko na lamang manood sa N*****x at hinayaan ang alaga ko na magkulong sa kaniyang kuwarto. Nang may narinig akong yabag sa likuran ng sofa.

"Where's my brother? Akala ko ba ay inaalagaan mo siya?" Ang malamig na boses ni Sir Zadge ang nagpagising sa inaantok kong kamalayan.

Agad akong napabalikwas sa sofa at pinatay ang TV."H-hi, Sir! Nasa kuwarto po siya. Hindi ko nga po alam kung bakit siya biglang nagpunta roon, eh. Maayos naman kami kaninang nanonood rito." Nagpout ako.

Nakapamulsa niya akong sinuri."Alyana Oliveros, right?" 

"Yup, Sir!" Tumango ako habang nakangiti.

"Tingin ko naman ay alam mo na lahat ng kailangang gawin at ang mga mangyayari bago mo pa tinanggap ang trabahong ito, tama ba ako?" Hindi tulad kahapon, ngayon ay medyo maaliwalas na tingnan ang kaniyang mukha. Kaya hindi na masyado nakakatakot. Tumango ako."So, with that. You have to deal with him, no matter how hard it is. Like the term babysitter, do your job properly and responsibly. Or else..." may pagbabanta sa huli niyang tono kaya kinabahan ako.

"Or else ano, Sir?" Dios ko! Ito na ba ang fired na para sa akin? Shit!

Ngumiti siya at nagkibit-balikat. Napatunganga na lamang ako. 

"Just take a good care of my brother. He matters the most for us. Goodluck, Miss Alyana." Tipid talaga niya akong nginitian saka ako tinalikuran.

Owemji! Ano iyon? Akala ko ba masungit? Mukhang totoo nga ang sinabi ni Manang. Mabait talaga siguro itong si Sir Zadge, naging judgemental lang agad siguro ako. Indeed, don't judge the book by its cover.

I wonder kung mabait din si Sir Gio sa normal niyang kalagayan noon? May mood swings din kaya siya tulad ng Kuya niya ngayon?

Ngunit unti-unti kong napagtanto ang kaibahan nilang dalawa. Dahil napatunayan kong tama nga si Manang Helen. Mabait talaga itong panganay ng mga Madrial at pala ngiti. Badtrip lang siguro siya noong araw na iyon. Ang laki ng pagkakaiba ngayon, e. Si Sir Gio naman ay hindi ko man lang nakitang ngumiti. Kahit isang beses. Parang baligtad. 'Yung kuya niya pa iyong mukhang masayahin samantalang siya ay parang pinaglihi sa sama ng loob. Ganiyan ba talaga siya? O' baka naman naapektuhan lang dahil sa trauma niya?

Tanghali nang katokin ko siya sa kaniyang kuwarto. Nakailang katok na ako pero hindi parin nagbubukas. Saktong pababa si Manang galing sa banyo rito sa second floor, may dala siyang laundry basket at nadatnan niya ako sa ganitong ayos.

She sighed."Hayaan mo muna, hija. Minsan kailangan din niya mapag-isa." Wika niya.

Dahan-dahan akong tumango at sinunod ang sinabi niya. Pinagmasdan ko siyang bumaba sa grand staircase. Bababa na din sana ako pero hagikhik na parang kinikiliti ang nakapagpatigil sa akin. Tila nanigas ako sa kinatatayuan nang makita si Sir Zadge na may kasamang babae. Mukhang lasing iyong babae ngunit maganda at sexy, nangungunyapit ito sa mga braso ni Sir na nangingisi lang naman. 

Oh my gosh! E, ano bang ginagawa ko rito? Akala ko cold na may mood swings lang itong si Sir Zadge, asshole din pala! 

Nawala ang ngisi niya sa mukha matapos akong makita. Samantalang wala namang pakialam iyong babaeng kasama niya, pilit pa nga siyang hinahalikan, e. Shet. Dapat yata hindi ako nandito! 

"Good evening, Alyana." Bati niya sa normal na tono.

Napayuko nalang ako."G-good evening din po, Sir Zadge. Pasensya na ho, pinalalabas ko lang si Sir Gio kaso ayaw niya po lumabas ng kuwarto niya." Paliwanag ko.

"Babe, who is she?"  Malambing ngunit may halong landi ang pagtatanong ng babae sa kaniya.

"Oh, she's my brother's babysitter."

"Really? Speaking of your brother, I missed Gio already. Can I see him?" Halos magdikit na ang mga kilay ko sa narinig.

Ay, ano ba 'yan! May Sir Zadge na nga siya, pati ba naman si Sir Gio? Two timer ang gaga. Hambalusin kita riyan, eh. Huwag ang alaga ko! 

"Ah, pasensya na po, ma'am. Pero tingin ko gusto siya munang mapag-isa ngayon." Nakangiti kong tugon.

Pinanood ko ang pagtaas ng kaniyang kilay."I'm not talking to you, muchacha." Aba! E, siraulo pala 'to, eh!

Babarahin ko pa sana pero inawat na kami ni Sir Zadge. Yumakap nang todo sa kaniya 'yung babae. Yucks. Linta ka, girl? 

"Enough, Kendra. Alyana, ikaw na ang bahala kay Gio. Remember patience. Always." Paalala niya sa akin.

"Opo, Sir..."

Nilampasan na nila ako para magtungo sa kuwarto ni Sir Zadge. Ngunit naririnig ko parin ang mga hagikhik nung babae, naghahalikan na kasi sila bago pa man makapasok sa kuwarto. Omg talaga. Bumaba na lamang ako doon bago pa makasaksi ng hindi dapat. I didn't really expect that Sir Zadge isn't the typical workaholic first born and a good boy. Playboy naman pala.

At mas napatunayan ko pa iyon sa mga sumunod na araw. Kasi kada wala ang parents nila, pumupunta siya sa mansiyon kasama ang iba't-ibang babae. Puro magaganda at sexy. Halos maglampungan na nga bago pa makarating sa kwarto. Tila sanay na sa ganoon ang mga kasambahay pati si Manang Helen. Hindi na ako nagtanong kasi obvious naman. Babaero ang panganay ng mga Madrial.

Buti pa si Sir Gio good boy. Kahit minsan sinusumpong ng pagsusuplado.

'Yun nga lang, mahirap siyang suyuin. As in, mababaliw ka kakaisip ng mga paraan kung paano. Mabuti nalang at tinulungan ako ni Manang Helen. Nagawa kong palabasin ang poging nagtatampo sa kaniyang lungga. Lambing lang pala ang katapat. Ngayon alam ko na kung paanong suyo ang gusto niya. Kulang naman pala sa lambing.

Kagagaling ko lang sa pool kung saan naroon siya, dinalhan ko ng fruit shake, saglit akong bumalik sa loob ng mansiyon. Busy ang lahat dahil darating ulit mamayang gabi si Mr. and Mrs. Anisha. Napagtanto ko na din na malungkot nga pala talaga ang buhay ng mga Madrial kahit gaano pa sila karangya. Masyado silang abala sa mga responsibilidad nila kaya wala na silang time para sa pamilya.

"Ay kabayong bundat!" Sa gulat ko ay naisigaw ko.

May naramdaman kasi akong hangin na tumama sa bandang batok ko. Pagharap ko, mukha ni Sir Zadge ang bumungad sa akin. Kingina. Napaatras tuloy ako.

"Sir! Anong ginagawa mo?"

"Huh? I'm just watching you prepare those." Umangat ang isang kilay niya. 

Kumunot ang noo ko at medyo napahiya. Teka, assuming yata ako sa part na iyon. Pero mahirap na! Delikadong mapadikit sa babaerong gaya niya. Baka ma-issue pa ako rito. Owemji.

"Ah ganoon. Bakit ang lapit nyo, Sir?" Puna ko. 

"Oh. Sorry, my bad." Lumayo nga siya nang kaunti.

Nakakunot noo kong ipinagpatuloy ang paghiwa sa lettuce na ipapalaman ko sa gagawin kong sandwich para kay Sir Gio. Nainggit Kasi kanina noong kumakain ako niyon, tingin nang tingin kaya ayon. Mukhang kawawa, eh.

Kinailangan ko na ng mayonnaise kaya tumingkayad ako at binuksan ang tip cabinet. Pero sadyang maliit akong tao. Hindi ko iyon magawang abutin. Isang kamay ni Sir Zadge ang umabot niyon para sa akin.

"Ang liit mo kasi." Humalakhak siya.

Nakasimangot ko iyong kinuha."Atleast, maganda." Makapal ang mukha kong sabi.

Tila humanga siya."What a confidence. But... I can't argue with that. 'Cuz you're truly beautiful." Lah.

Ilang babae na kaya ang nakarinig ng ganoong linyahan? Nilalandi niya ba ako? Jusko, teh! Hindi ako uubra sa ganiyan. Ang cringe lang sa feels.

"Thank you, Sir. Ang handsome mo rin po. " I smiled at hindi na siya pinansin pa.

Pero feeling ko sobrang ganda ko. Napapalibutan ba naman ng dalawang adonis, sinong hindi magmumukhang maganda roon? Ahihi. Talande!

Pagkabalik ko sa pool, nagtaka ako kasi tahimik lang kinuha ni Sir Gio ang sandwiches na ginawa ko. Choz. Tahimik naman siya literal pero kasi parang bad mood siya ulit. Nababasa ko na ang bawat galaw niya, kung kailan siya malungkot, masaya, badtrip, nagtatampo at kung ano-ano pa. Isa iyon sa pinaka inaral ko. At ngayon, mukha na naman siyang badtrip at mukhang susuyuin ko na naman.

"Huy..." kinulbit ko siya pero hindi siya bumaling. Tangenang suplado 'to."Mamaya papaliguan kita, Sir Gio. Ano, g?" Si Manang kasi ang orginally nagpapaligo sa kaniya pero nagrequest ako kay Manang na ako na tutal ako naman ang nag-aalaga dito.

Oh, walang malisya iyon! Trabaho lang, promise.

Doon na siya humarap sa akin, pero magkasalubong ang makakapal na kilay. May dungis pa nga siya sa gilid ng labi dahil sa kinain na sandwich.

Nakangiti ko iyong dahan-dahang pinunasan."Ayan, ang dungis mo na. Kaya need mo na talagang maligo. Para maging fresh ka ulit!" Magkalapit ang mga mukha namin at nakatitig nang malalim ang kaniyang mga mata sa akin.

Napalunok ako at bumilis ang pintig ng aking puso. Kung hindi pa ako natauhan ay hindi ako kusang lalayo. Shit! Tahimik ko nalang siyang hinintay matapos kumain bago ko inihanda ang kaniyang mga damit at gamit sa shower.