Chapter 2

Solace’s Point of View

Grabe naman ‘tong batang ‘to! Straight to the point, walang halong bola. Sabagay, kahit din naman ako na ipapakilala sa hindi ko kilala ay hindi ko rin magugustuhan kaagad.

“Don’t mind him,” Saad ni Taty sa akin at bumalik lang sa kaniyang upuan.

Hinila naman ako ni Timy sa puwesto niya at pinakita ang mga laruang dinosaur niya. Iba’t-ibang sizes din ang laruan niya at magiliw niya itong ipinapakilala sa akin isa-isa.

“Iwan muna kita riyan, kukunin ko lang meryenda nila.” Saad sa akin ni Lily kaya tumango lang ako.

“Do you know that this Ankylosaurus has the strongest spine in the dino world?” Biglaang saad ni Timy sa akin.

Walang palya ang pagsasalita sa Ingles nitong batang ito. Buti na lang talaga at nakapag-aral ako, medyo masasabayan ko pa siya.

Pinapakinggan ko lang si Timy at hinahayaang magkwento ng kung ano-ano sa mga dinosaurs niya. Pasimple ko namang tinitignan si Teagan na abala lang sa pagtatapon ng mga bato sa kung saan.

Dumating na ulit si Lily na may dalang mga pagkain para sa mga bata. Umupo kami sa isang table at sinimulan akong kwentuhan ni Lily ng lahat ng mga nalalaman niya.

“Ayan si Teagan, grabe ang pilyo ng batang ‘yan. Kung alam mo lang kung gaano niya kaayaw ang mga tao sa paligid, para siyang si Sir Eiron, tahimik.” Saad ni Lily sa akin tungkol kay Teagan. Halata naman sa ipinakita sa akin ni Teagan kanina. Katulad din kaya siya ni Sir Eiron na ayaw din sa akin?

Bahala na, makukuha ko rin ang loob ni Teagan.

“Tahimik din si Taty pero kapag kinakausap namin sumasagot ng mabait at may galang na bata. ‘Yun nga lang ay palaging nakababad sa libro at mukhang science ang kinahihiligan kaya wala talaga kaming balak na kausapin siya.” Natatawang saad ni Lily kaya napatingin ako kay Taty na tahimik na nagbabasa ng libro habang kumakain ng cookies.

“Walang problema kay Timy. Talagang lahat ng tao rito sa bahay mapabata man o matanda, ay kakausapin niya. Makulit siya pero sobrang sweet at bait.” Sabi naman ni Lily kay Timy na ngayon ay pinapakain ‘yung mga dinosaurs niya. Bahagya naman akong natawa sa ginagawa ni Timy.

Sinabi sa akin ni Lily na kausapin ko na lang daw si Sir Eiron tungkol sa schedules ng mga bata.

Lumapit sa akin si Timy habang dala-dala niya ‘yung dinosaur stuffed toys niya.

“Do you want me to show you your room?” Timy asked me while munching his cookies.

“Okay, but finish your cookies first.” Saad ko rito kaya naman tumango siya at mabilis na inubos ‘yung cookies.

Four years old pa lang sila pero ang well-spoken na nila. Para silang hindi mga bata dahil sa straight at maayos pa ‘yung words na binabanggit nila.

Pinapasok na rin namin sila Taty at Teagan dahil wala na silang kasama sa labas. Umakyat na kami sa second floor ng bahay at nakakahilo nga naman talaga ‘yung laki at haba ng hallway na lalakaran.

“But first you can see our rooms,” Saad ni Timy. Sinundan ko siya habang hawak niya ang kanang kamay ko.

“Here’s my room!” Masayang saad niya. May nakalagay na pangalang ‘Timothy’ sa harap ng puting pintuan. Pagbukas ay sumalubong sa akin ang matayog na kulay berdeng pader at dinosaur bed na nasa gilid. Malinis at maayos ang pagkakaayos ng mga dinosaur niya sa drawers at shelves. May malaking dino carpet din na nasa gitna.

Sunod niya akong dinala sa kabilang kwarto.

“This is Taty’s room.” Sabi ni Timy at binuksan naman ni Taty ‘yung kuwarto niya at nakita ko ang pangalang ‘Tatum’ sa pinto at simpleng gray design ng kwarto niya. Punong-puno ng science stuff na nakikita ko sa online. Walang gaanong laruan at punong-puno lang ng mga libro.

Ang sumunod na kwarto naman ay kay Teagan. Hindi ito binuksan ni Teagan kaya hinayaan ko na lamang. Naiintindihan ko naman na hindi pa siya gaanong kakampante sa akin dahil ngayong araw pa lang kami nagkakilala.

“Hm, what should we call you?” Timy asked me while we were heading to my room.

“You can call me Ate Sol, or just Sol will do.” Sagot ko sa tanong niya. Timy just smiled at me that is why I smiled back at him too.

Huminto kami sa isang pinto na may wooden design kaya binuksan ko na ito. Nakita ko naman ang mga gamit ko na nakalagay sa gilid ng higaan. Sobrang laki ng kuwarto ko at parang mas malaki pa sa bahay namin doon sa probinsya.

Nakita ko rin ang uniporme na susuotin ko na nakalagay sa itaas ng kama ko. May narinig naman kaming kung anong busina sa baba kaya naman nagtakbuhan ang mga bata.

“It’s Daddy!” Masayang saad ni Timy habang tumatakbo. Mabilis ang mga takbo nila kaya wala akong nagawa kundi sundan sila. Kasama ko ring tumatakbo si Lily dahil baka kami ang mapagalitan kapag nadapa o nadisgrasya ang mga batang ito.

Nakita ko naman si Sir Eiron na nasa baba habang nilalapitan siya isa-isa ng mga anak niya.

“Lily, take charge of bathing these three first, and you, follow me.” Biglaang saad ni Sir Eiron kay Lily at inilipat ang tingin sa akin. Sinundan ko naman siya sa taas, at panigurado akong sa office niya kami pupunta. Kahit sa loob ng bahay niya ay may office rin siya, ganito na ba siya kaabalang tao?

“Here’s the schedule of the triplets, follow this, and we won’t have a problem.” Naglapag siya ng folder sa harapan ko at binuksan ‘yon. Mukha namang madali dahil simple lang ang mga ginagawa ng triplets sa araw-araw.

“Okay po, sir—”

“Strictly no chocolates or any form of sweet treats that can cause their cavities. Bedtime at 8PM, no going out without a bodyguard, and never leave them alone with strangers or any person that you don’t know.” Pagputol niya sa sasabihin ko. Agad naman akong tumango at tinatak sa isipan ko ang mga sinabi niya.

“You just have one job,” He looked at me and made me look at his deep, dark brown eyes.

“Take care of the triplets.”