Chapter 3

Solace’s Point of View

Nagdaan ang isang araw at maaga akong gumising para ihanda ang sarili ko sa triplets. Mga 8AM pa ang gising nila kaya naman naligo muna ako at sinuot na ang uniporme ko. Sinabayan ko na ring kumain ng breakfast sila Lily.

Umakyat na ako para gisingin ang triplets. Kakatakot na sana ako sa pinto ni Taty pero lumabas na siya ng kwarto niya at nakaayos na. May bitbit na rin siyang libro sa kanang kamay niya at nginitian ako ng maikli bago bumati.

“Good morning, Ate Sol.”

Kay Teagan na kwarto ang sumunod. Nang buksan ko ang pinto niya ay may biglang humampas na unan sa mukha ko. Akala ko ay unan lang ‘yon pero may kasamang harina. Napaubo pa ako dahil maraming pumasok sa ilong at bibig ko.

Narinig ko pa ang pagtawa niya bago ako daanan at tumakbo pababa ng hagdan.

Kinalma ko ang sarili ko dahil dalawang araw pa lang naman ng pagsasama namin.

Sumunod akong kumatok sa pinto ni Timy at nadatnan ko siyang natutulog pa.

Ang cute niyang tignan sa dinosaur pajama niya habang yakap niya ang dinosaur na stuffed toy.

Marahan ko lang siyang tinapik at ginigising. Mabuti na lang at maganda ang gising niya. Nagpabuhat siya sa akin kaagad dahil parang ayaw niya pa maglakad.

Sabay na kaming bumaba nila Taty at Timy at nadatnan namin si Teagan na nakaupo na sa dining area habang pinaghahandaan siya ng pancakes ni Lily.

“Lily, make her leave.” Saad ni Teagan kay Lily. Sinabihan naman ako ni Lily na huwag na lang masyadong dibdibin ang sinasabi ni Teagan dahil nga sadyang mapilyo lang siya.

Pinakain ko na sila Taty at Timy ng pancakes. Nag-re-request pa si Timy na bigyan ko raw siya ng chocolate syrup pero naalala ko ‘yung sinabi ni Sir Eiron tungkol sa mga sweets.

“What about a maple syrup? Can I have it?” Tanong ni Timy sa akin.

How can you say no to this little cute?

“Okay, pero kaunti lang ha?” Tumango naman si Timy nang sabihin ko ‘yon.

Matapos nilang mag-breakfast, pinaliguan ko na silang tatlo. Nahirapan pa ako dahil pilit kumakawala ni Teagan. Ayaw niyang hawakan ko siya o kahit na ano kaya sinabihan ko si Lily na tulungan ako. Pumayag naman siya at siya ang nagpaligo kay Teagan.

Binihisan ko na si Timy ng dinosaur terno. Si Taty naman ay gusto ang white knitted vest at grey shorts. Habang si Teagan ay gusto ng white polo shirt at brown maong pants.

Nagtungo na kami sa garden kung saan sila gustong maglaro. Ang laki ng tatakbuhan nila kung sakaling gusto nilang magtakbuhan kaso may sari-sarili silang mundo.

Ganito lang ang gagawin namin hanggang 10AM bago sila mag-lunch ng 11AM. Meron din silang afternoon naps kaya iniisip ko na kung anong magandang gawin kagising nila.

Nilapitan ko si Taty na abalang nagbabasa ng libro.

“Gusto mo talaga ang science ‘no?” Tanong ko rito. Tinigil niya ang pagbabasa at tinignan ako.

“Yes, I love it.” Masayang saad niya. Natitigan ko naman ang mukha niya at hulmang-hulma ang mukha ni Sir Eiron sa mukha niya. Nalaman ko na siya pala ang pinakamatanda sa triplets, sumunod si Teagan at pinakabata si Timy.

Naalala ko tuloy ‘yung kapatid kong sumunod sa akin kay Taty. Mahilig din magbasa ‘yun si Silas at magaling sa school.

Para ko lang din inaalagaan ang mga kapatid ko sa triplets na ‘to.

Nilapitan ko naman si Timy na hindi nagsasawang laruin ang mga dinosaurs niya.

“What’s your favorite dinosaur?” Tanong ko sa kaniya habang umuupo sa picnic blanket niya na nakalatag sa lapag.

“My favorite dinosaur is Wannanosaurus.” Masaya niyang sambit. Napaisip naman ako sa sinabi niya. Ngayon konlang yata narinig ‘yung ganoong klase ng dinosaur.

Ang pamilyar lang sa akin ay ‘yung T-rex at Raptor.

Sinubukan ko namang lapitan si Teagan na may hawak na ngayong hose.

“Teagan—”

Napahinto ako sa pagtawag sa kaniya nang itapat niya sa akin ‘yung hose dahilan para mabasa ako.

“Teagan, stop!” Rinig ko ang boses ni Timy na pinahihinto si Teagan sa ginagawa niya.

Masyadong malakas ang pressure ng tubig na tumatama sa mukha ko kaya hindi ko nakikita ang nangyayari.

Nakahinga na lang ako nang maayos ng biglang huminto ‘yung hose ni Teagan. Napatingin ako kay Taty na siya pala ang pumatay nung gripo na naka-connect sa hose.

“Oops,” Kibit balikat na saad ni Teagan at tinawanan ako. Nabigla rin naman si Lily sa mga pangyayari kaya kumuha na lang siya ng towel at iniabot sa akin.

“Pagpasensyahan mo na, noong unang araw ko rin na tagalinis ng mga kwarto nila ay kung ano-ano ang ginagawa ni Teagan sa akin.” Pagpapasensya ni Lily sa akin.

Naiintindihan ko naman na pilyo dahil nga bata. Pero hindi ko mapigilang isipin kung bakit ibang-iba siya kila Taty at Timy.

Sabi ni Lily magpalit daw muna ako at siya na bahala sa triplets. Pumasok na ako ng bahay at nabigla nang makita si Sir Eiron na papunta sa garden.

Nagtataka siyang nakatingin sa akin dahil siguro sa mukha ko ngayon.

“What the hell happened to you?” Nakataas na kilay niyang saad. Nakasuot pa siya ng office attire niya at mukhang walang tulog.

“Aksidente lang po, Sir. Nandoon ‘yung triplets sa garden, magpapalit po muna ako.” Bahagya pa akong yumuko at umakyat na. Hindi ko na hinintay ang sasabihin ni Sir Eiron at alam ko naman na dumeretso na siya sa garden.

Matapos kong magpalit lumabas na ako sa room ko at pupunta na sana sa ibaba kaso nakaabang pala si Sir Eiron sa labas ng room.

“Nakita niyo na po ba ‘yung triplets—”

Nahinto ako sa sasabihin ko nang bigla siyang magsalita.

“Don’t tolerate what Teagan is doing to you. If you need to discipline them, you have my permission.”