Chapter 4

Solace’s Point of View

“Thank you po, Sir. Pero hindi naman po lahat ng bagay na gagawin nung triplets ay hindi magaganda. Sadyang gusto lang po yata makipaglaro ni Teagan.” Pagsisinungaling ko kay Sir Eiron dahil ayaw kong mapagalitan niya si Teagan ng dahil sa akin.

“Okay, I understand. I'm just saying.” Pagod niyang saad kaya tinalukaran na niya ako at dumeretso sa kwarto niya.

Mukhang matutulog na siya dahil mukha talaga siyang walang tulog sa estado niya ngayon.

Inasikaso ko na ang triplets hanggang sa afternoon nap nila. Madali lang silang nakatulog dahil pinangakuan ko sila ng ice cream kapag nakatulog sila ng tanghali.

Sinamahan ko muna si Lily maglinis sa garden habang natutulog ang triplets. Kinukuwentuhan lang ako palagi ni Lily tungkol dito sa mansion.

“Eh ‘yung nanay nung mga bata?” Nagtatakang tanong ko.

“Hindi ko nadatnan dahil one year old na ‘yung triplets nang makarating ako rito. Pero naririnig ko sa kuwento nila Manang Oli na irresponsible raw ‘yung nanay nung triplets.” Saad ni Lily. Si Manang Oli ang pinakamatandang helper ng mansion na ‘to. Napanood niyang lumaki si Sir Eiron at ‘yung triplets. Siya ang head cook na nagluluto lahat ng pagkain dito sa mansion.

Nagtanong pa ako kung bakit dahil gusto ko talagang malaman lahat. Para naman hindi ako makapagsalita ng mga salitang masasaktan ang triplets o si Sir Eiron. Maganda na rin na may alam ako kahit papaano para naman hindi ako maging ignorante rito.

“Ang kuwento rin sa akin, after manganak nung nanay ng triplets, nilayasan niya sila Sir Eiron. Kinuha ‘yung bank accounts at nagaksaya ng pera para sa sarili. Hinayaan naman daw ni Sir Eiron dahil mahal niya ‘yung asawa niya.” Pagpapatuloy ni Lily. Napatango-tango lang ako habang pinapakinggan ang history ng mga tao sa bahay na ‘to.

Nalaman ko rin na nag-iisang anak lang si Sir Eiron kaya nung namatay ang mga magulang ay siya ang nagmana ng lahat.

Kaya rin pala grabe ang pagsisikap ni Sir Eiron ngayon sa trabaho, para na rin sa mga anak niya.

Ilang oras na rin pala kami nag-uusap ni Lily kaya narinig ko ang triplets na tumatakbo pababa ng hagdan.

Inabangan ko sila sa ibaba at nagpabuhat kaagad sa akin si Timy.

“Where’s our ice cream?” Magiliw na tanong nito. Sabay-sabay kaming pumunta sa kusina at pumunta sa ref.

Tig-iisang scoop lang ng ice cream ang ibinigay ko sa kanila dahil hindi puwedeng marami.

Masaya silang kumakain sa may counter at tabi-tabi pa ang triplets.

Nakita nilang dumaan si Sir Eiron sa harapan kaya naman tinawag nila ito.

Mukhang kakagising niya lang at nakasuot nanaman siya ng pang-workplace.

Ilang oras lang ang tulog niya at magtatrabaho na siya ulit?

“Dad, do you want some?” Tanong ni Taty kay Sir Eiron. Ngumiti naman si Sir Eiron sa kanila at umiling.

Bago siya umalis, tinignan niya si Teagan at tinuro.

“Behave,” Tanging saad niya kay Teagan bago umalis.

Matapos nilang kumain ng ice cream nag-request sila na manood ng favorite cartoons nila sa TV. Umupo silang tatlo sa may couch doon sa living room at pinlay ko na ‘yung cartoons na gusto nilang panoorin.

Nagawa ko naman ang mga gagawin ko at ‘yun ay ang samahan sila sa kung ano mang trip nilang gawin.

Naboboring ako dahil puro lang sila nood ng TV kaya inaya ko sila maglaro.

“Hide and seek!” Suhestiyon ni Timy at nakataas pa ang dalawang kamay.

“Okay, pero sa labas tayo.” Saad ko at tumungo na kami sa garden.

Sinali na rin namin si Lily para naman marami kami. Unang naging seeker ay si Taty kaya naman nagtago kaming lahat. Umikot lang ang seeker sa aming lahat bago kami napagod at nagpahinga na muna para sa dinner.

Sabay-sabay ko na silang pinakain ng dinner para maaga na rin silang makatulog. Wala pa si Sir Eiron at pakiramdam ko ay bubukas na uuwi ‘yon.

Pinuntahan ko muna si Taty sa kwarto niya at tinuck-in na sa bed niya. Natuwa naman ako dahil nagpasalamat pa siya sa akin bago ako lumabas.

Hindi ko na pinuntahan si Teagan dahil alam ko namang ayaw pa rin niya ako, kaya dumeretso ako kay Timy.

Natuwa naman si Timy nang makita ako at sinabihang tabihan ko raw siya.

“Can you read me a book?” Timy asked. Tumango naman ako at kumuha ng libro sa bookshelves niya. Puro dinosaurs and content ng libro niya kaya naman binasa ko na lang ito sa kaniya.

Akala ko ay makakatulog na siya pero natapos ko na ang dalawang libro at nakatitig lang siya sa akin.

“Matulog ka na,” Saad ko rito. Nag-okay naman siya at inayos na ang sarili niya.

“Ate Sol,” Tawag niya sa akin.

His sweet and small voice echoing through my ears. He smiled at me and said something that made my heart happy. His dark brown eyes sparkled.

“Please, can you stay with us forever?”