Capitulo Seis

Tulala lang si Viviene nang iwanan siya ni Theo. Matapos itong magsalita ay basta na lang itong umalis at iniwan siya. Ni isang salita ay walang salitang lumabas sa bibig ni Viviene. Nais niyang maiyak pero hindi niya magawa. Hindi niya aakalain na mas may idudurog pa pala siya. 

Kahit kailan ay hindi niya pa nakikita si Camilla. Nakita niya lang ang mga litrato nito noon sa social media’s nito. Noong una wala siyang pakialam, hindi siya madaling mainsecure. Pero  simula nang iwan siya ni Theo at piliin ang kerida nito ay napapaisip siya. Anong mayroon si Camilla na wala siya? Na sa loob ng ilang taong pagsasama nila  ni Theo ay hindi siya nito nagawang mahalin? 

Kumidlat at kumulog ng malakas. Nanatili si Viviene na nakatulala. 

“Baby!” 

Doon lang natauhan si Viviene nang marinig ang boses ng kapatid niyang si Wilbert. Nagmamadali si Wilbert na tumakbo at lapitan ang kapatid. Nang makarating si Wilbert ay nagtataka niyang tinignan ang kapatid. Wala ito sa huwisyo. 

Sumeryoso ang mukha ni Wilbert, “Kanina ka pa namin hinihintay nila Daddy sa sasakyan. Did something happen?”

Hindi sumagot si Viviene. Nakatingin lang siya sa kapatid niya. Gustong niyang magsalita pero hindi siya makagalaw. 

“Vivi?” muling tawag ni Wilbert. 

Biglang bumuhos ang malakas na ulan. Dali-daling kinarga ni Wilbert si Viviene na hindi pa rin nagsasalita. Hanggang sa makarating sila sa kotse ay hindi pa rin nagsasalita si Viviene. 

“What happened?” tanong ni Wesley nang makitang tulala si Viviene. 

Wilbert shrugged, “Hindi ko alam. Nakita ko na lang siyang nakatayo sa gitna. Hindi nagsasalita, tulala at mukhang wala sa sarili.” 

“May nakita ka bang lalaki o ano? Baka may nangyari kay Vivi,” nag-aalalang tanong ni Wesley. 

Naririnig ni Viviene ang mga kapatid pero wala wala siyang lakas na magsalita. Pumikit na lamang siya at hinayaan ang sariling makatulog, hindi alintana ang basang kasuotan. 

Nagkatinginan si Wesley at Wilbert. At alam nilang hindi nila pwedeng palagpasin ang nangyaring ‘to. Kailangan nilang mag-imbestiga kung ano ang nangyari sa kapatid nila. Sa loob ng ilang taong hindi nila nakasama ang kapatid ay nakontento lang sila sa paminsan-minsan na pagtawag nito at sinisigurado nito na nasa maayos itong kalagayan. At nirespito nila ang desisyon ni Viviene na ‘wag siyang hanapin o paimbestigan kung nasaan man siya. 

Alam nilang malalim ang sugat na binigay ng Daddy nila kay Viviene. Kahit sila ay may tampo sa Daddy nila. Kaya naiintindihan nila ang kapatid, magulo ang pamilya nila dahil sa ama nila. Silang tatlong lalaki ay nagtiis sa puder ng tatay nila at dahil na rin ayaw nilang iwan ang ama nilang mag-isa.

“Let’s make sure everything is alright. Nakabalik nga sa ‘tin si Viviene pero malaki naman ang pinagbago nito,” bumuntong hininga pa si Wesley. 

“Yeah. And whoever hurt our princess will pay. Ilang taong nawala sa ‘tin, sinunod natin ang gusto na ‘wag hanapin dahil darating ang panahon na babalik siya sa ‘tin. Matagal ko ‘yang hiniling pero sana umuwi siya dahil napatawad na niya si Daddy. Hindi iyong umuwi siya dahil sinaktan siya ng ibang tao.” 

***

NAGMAMADALING nagmaneho si Theo, halos paliparin na niya ang sasakyan niya.Kung kanina ay pursigido siyang mapauwi si Viviene. Lahat iyon ay naglaho nang tumawag si Camilla. Pagdating kay Camilla ay nakakalimutan ni Theo ang lahat, kahit noon pa man. 

Noon, inakala niya na mabubulok siya kasama si Viviene. Natatanggapin na lang niya na habang-buhay na silang magkasama. Compatible sila sa kama, at higit sa lahat. Masunuring asawa si Viviene. That’s why he was planning on settling with her. 

Kaso umikot na naman ang mundo ni Theo kay Camilla nang bumalik ito. Kung noon tinanggap niya na siguro ay si Viviene na talaga ang makakasama niya habang buhay. Ang magiging ina ng mga anak niya, lalo pa’t mahal na mahal ng buong pamilya ni si Viviene. 

However, Camilla came back. Matapos ang ilang taon ay bumalik ito sa Pilipinas… at sa buhay ni Theo. Muli ay umiikot na naman nag buong mundo ni Theo kay Camilla. Nakalimutan na niya sa Viviene. And when Camilla asked him if he wants to marry her. Agad siyang sumagot na oo, doon niya lang naalala na may asawa na pala siya. 

Na may hadlang muli sa kasiyahan niya. Kaya ngayon gagawin niya ang lahat matanggap ng buong pamilya niya si Camilla. Sisiguraduhin niya iyon kapag napa sa kanya na lahat. Sa ngayon ay kailangan niya pa si Viviene, kailangan niyang magpanggap ito na maayos silang dalawa. Even if it means, blackmailing Viviene. Ayaw niyang mawala si Camilla sa buhay niyang muli. 

Nang makarating si Theo sa isang bar. Kung saan naroon ang kasintahang si Camilla. Bumungad sa kanya ang maingay na musika at nakakasilaw na ilaw. Naglakad paakyat si Theo patungo sa VIP area. Agad na pumasok si Theo sa VIP room na tinutukoy ni Camilla, nadatnan niya si Camilla kasama ang mga kaibigan nito. 

“Theo!” bati ni Camilla, namumungay na ang mga mata nito at namumula na ang pisngi. 

Tumayo si Camilla at sinalubong si Theo nang yakap. Hinalikan naman ni Theo ang noo ni Camilla bago bumaling sa mga kaibigan nito at ngumiti. 

“Sorry, ladies. But I have to take my girlfriend home,” wika pa niya. 

“Sure, ingat kayo, Theo.” Wika ng best friend ni Camilla na si Stella. 

Tinanguan ni Theo ang mga ito. Inabot ni Stella ang mga gamit ni Camilla kay Theo habang si Camilla naman ay nakasandal kay Theo. Nakapikit ito, natawa na lamang si Theo. Binuhat nito si Camilla, tuwang-tuwa ang mga kaibigan ni Camilla nang makita kung paano alagaan ni Theo si Camilla. 

Nang makalabas si Theo sa bar ay naglakad siya patungo kung saan nakapark ang kotse niya. Nang makarating ay maingat niyang pinasok sa sasakyan si Camilla. Nang maisara niya ang pinto ay napangiti siya habang umiiling. Hanggang ngayon ay hindi pa rin kaya uminom ni Camilla ng marami, tulad ng dati. 

“I didn’t know that you’re a cheater, Theo.” 

Napalingon si Theo nang marinig ang boses na iyon. Kumunot ang noo niya nang makita ang hindi inaasahang tao. 

“What are you doing here?” galit na tanong ni Theo. 

Ngumisi ang lalaki, “Umiinom? Ikaw nga nandito ka imbes na samahan mo ang asawa mo ay ibang babae ang kasama mo.” 

“Wala akong asawa!” giit ni Theo. 

Nagkibit balikat ang lalaki, “Really? Hindi iyan ang sinabi ng Abuelo mo. And as far as I hindi iyan ang babaeng pinakita ng Abuelo mo–” 

“Tigilan mo ako,  Silas. Wala kang pakialam kung ano ang ginawa ko sa buhay ko. Hanggang ngayon ba naman pinapakialam mo pa rin ako?” 

Humithit si Silas sa sigarilyong nasa pagitan ng mga daliri niya, “Pinapakailaman kita? Kailan pa kita pinakailaman Theo? I don’t fucking care what you do. But cheating on you’re wife with your ex-bitch–”

“Gago ka ba!” sigaw ni Theo at agad na kinuwelyuhan si Silas pero bago pa man mapuruhan ni Theo si Silas ay may apat na lalaking sumulpot bigla at pinigilan si Theo. Hinila ng mga ito palayo si Theo kay Silas. 

Matalim na tinignan ni Theo si Silas. Suminyas si Silas sa mga tauhan niya na bitaw ng mga ito si Theo. Mabilis na binitawan ng mga kalalakihan si Theo. At humarang sa pagitan ni Theo at Silas. 

“Hanggang ngayon duwag ka pa rin!” sigaw ni Theo. 

Ngumisi si Silas, “Well, ayaw ko lang talaga madumihan ang mga kamay ko, Theo.” 

“Fuck you!” sigaw ni Theo na nanlilisik ang mga mata sa galit. “Tandaan mo ‘to Silas. H’wag na h’wag mong papakialaman ang buhay ko, lalong lalo na ang magsumbong kay Abuelo.” 

“Hindi naman ako tulad mo, Theo.” Mariing wika ni Silas at bumuntong hininga pa. “Well, I guess our meeting ends here. Mauna na ako, Theo.” 

Pumasok sa kotse si Silas, ganun rin ang mga tauhan nito hanggang sa mawala ang mga ito sa paningin ni Theo. Si Silas, ang mortal niyang kaaway noon paman. At hanggang ngayon ay hindi pa rin sila magkasundo. 

Sa lahat ng pwedeng makahuli kay Theo ay si Silas pa talaga. Kuyom ang kamao ni Theo, taas-baba ang dibdib sa galit. Marahas itong huminga at bago naglakad pabalik sa kotse niya. Nadatnan niya si Camilla na tulog na tulog pa rin, ang tanging tao na nagpaparamdam sa kanya ng kapayapaan. 

Napangiti si Theo nang ngumiti bigla si Camilla, tila ba naglaho lahat ng negatibong emosyon na mayroon siya kanina at napalitan iyon ng positibong emosyon. Marahan niyang hinaplos ang mukha ni Camilla. 

“Pinapangako ko sa ‘yo, Camilla. Tatanggapin ka ng lahat dahil ikaw lang ang babaeng mamahalin ko habang buhay.”