Kabanata IX

“Congratulations Miss Ara,” nakangiting bati sa akin ni Cecil na sinamahan pa ng bahagyang tudyo sa aking tagiliran, ngitian ko naman ito bilang tugon.

“Anong Miss Ara?” kapwa kami napatingin ng magsalita si Erika, nasa tabi na pala namin ito at abala sa pagkain.

“Ano kaba, syempre kasal na sila ni Sir alangan namang Ara parin itawag natin sa kanya,” depensa naman agad ni Cecil sa pagkontra sa kanya ni Erika. Nasalo ko na lamang ang aking ulo, kanina pa’y wala na akong narinig kundi anng tungkol sa kasal na iyan.

Hanggang ngayon ay hindi parin ako makapaniwala na humantong ako sa ganitong sitwasyon. Hindi ko akalain na sa isang iglap ay bigla na lamang akong ikakasal at sa tao pang pinaglihi ata sa sama ng loob. Bahagya akong nalungkot dahil sa pag-iisip, bigla kase ay sumagi sa isipan ko ang kasal ko sana noon na matagal kong pinaghandaan. Kung hindi lamang ako naset-up marahil ay masaya na kami ni Theo ngayon, ngunit sa isang banda ay pinagpapasalamat ko narin sapagkat nakita ko ku