Kabanata X

Sinag ng araw ang siyang gumising sa akin kinabukasan, ngunit ang mahigpit na yakap ni Jiro ang nagpadilat sa akin. Sumilay ang matamis na ngiti sa labi ko matapos kong pagmasdan ang natutulog na si Jiro. Kusa namang tumaas ang kamay ko upang haplusin ang kanyang muka, ang ilang hibla ng buhok na humarang sa kanyang kanang kilay. Kay ganda ng mga mata niya, unang beses ko palang siyang nakita sa bar ay gandang ganda na ako sa mga mata niya. Ang mata ilong niya ay parang mata at ilong ng foreigner pero ang kulay niyang kayumangging gaya ng isang tunay na Pilipino. Ngayon ko lang aaminin, ang gandang lalaki ng amo kong mainitin ang ulo, madalas ay bumabagay pa sa kanya sa tuwing magsusungit siya.

“Ang cute mo talaga kapag nagsusungit ka,”

“Ahh aray,” Napahawak ako sa aking ulo ng bigla itong sumakit, kasabay ng isang tinig na tila narinig ko sa aking isipan. Nang mawala ang sakit ay sinubukan kong isipin kung paanong narinig ko iyon mula sa isip ko. Sino ang nagsabi non at para kanino?