CHAPTER 42

HINDI nakatanggi si Triana na sumama sa group random date na kinukulit ni Clariz nang sumunod na gabi. Ipinaalam na niya lang kay Devance na uuwi rin siya kaagad para pagbigyan ang mga kasama sa trabaho. Dala niya ang sariling sasakyan at siya mismo ang nagmaneho. Nakisabay sa kanya si Clariz at panay ang kwento nito habang nasa biyahe.

“Alam mo minsan iniisip ko kung anong pagkakaiba ng trip ng mga mahihirap sa mga mayayaman. Isipin mo kailangan pa nating mag-organized ng group date para makakilala ng matinong partner. Samantalang sila kapag may nagustuhan sa isang gathering, date kaagad tapos kasal.”

Natawa si Triana. “Hindi naman. Wala naman sa status ang pagkakaroon ng matinong love life. These rich people often think about business, including marriages. Kaya maraming hindi masaya at nauuwi sa hiwalayan.”

“Pero nakakainggit pa rin. Isipin mo, kapag mahirap halos motor lang ang afford hanggang roadtrip lang sa mga date. Kapag mayaman may mga chopper, gano’n. Anong tawag do’n? Clo