Chapter 13 CYRIUS

INABALA Na lang ni Khaira ang sarili kaysa mag-ovethink. Walang maidudulot sa kanyang mabuti at sa baby niya ang mag-isip ng kung ano-ano.

Napangiti siya nang tingnan ang pinasa na mga picture ng mama niya. Mga litrato ng bawat sulok ng kanilang resort. Unti-unti na nga muling bumabangon ang Dream Paradise. Ito ang dahilan kung bakit siya nauwi sa desisyon na ikasal kay Peter.

They needed his name to get a lot of investors. 'Yun ang totoong dahilan kaya pumayag na rin siya. Nang una ang tanging gusto niya ay makakuha lamang ng mag-i-invest o makahiram ng pera pero nang kinausap siya ni Amah at sinabi na hindi sapat 'yun ay doon niya lang naintindihan. Malaking halaga ang kailangan upang makabawi sila. Kung hindi lang nagkasakit si Papa hindi naman sila mamomoblema sa pera.

"Senyorita, kanina pa po tumutunog ang cellphone n'yo kaya hinatid ko na po sa inyo," napukaw siya sa sinabi ni Ate Nida na nasa kanyang harapan na at hawak ang cellphone niya na patuloy pa rin sa pagtunog. Kinuh