CHAPTER 112.5: NANDITO NA AKO

Bella’s POV

Pabagsak na sinara ko ang pinto ng kotse ni Ash. Tinignan ko siya nang masama pero nairita lang ako na makita ko ang kanyang mga mata na nakangiti sa akin. Kahit na hindi ko nakikita ang kanyang bibig ay alam ko na pinagtatawanan niya ako ngayon.

Tinalikuran ko siya, sinuot ko ang lab coat at eyeglasses na bigay niya. Tinali ko ang aking buhok. Pagkatapos ay tinignan ko ang aking sarili sa side mirror.

Mukhang hindi na ako makikilala nito. Nang makuntento ako sa akin ayos ay tinignan ko ang entrance ng ospital. Doon ko napagtanto na totoo nga ang sinabi ni Ash na sobrang higpit ng security ng naturang gusali dahil sa labas pa lang ay dami na nakabantay.

Dagdag pa rito ang mga reporters na naghihintay sa labas. Sa itsura palang nila ay tila wala silang balak na umalis sa kinatatayuan nila. Malaking scoop nga naman kung makakakuha sila ng impormasyon tungkol sa kalagayan ni Jarvis.

“Bago ko pala makalimutan, Bella. Nasa VIP room number one ang taong hinahanap mo. Ibig sabih