Chapter Two

CHAPTER TWO

NANG araw na yun ay nagpasya siyang bisitahin ang branch niya sa Alabang. Minabuti niya kasing mag-inspection sa mga branches nila at makapagmeeting na din sa mga managers niya. Wala naman siyang dapat ipag-alala na malulugi ang isa man sa mga branches niya sapagkat maganda ang reptusyon ng salon and spa niya at mga kilalang tao ang mga kliyente nila.

Nakikipag-usap siya sa manager niya ng may maring siyang pagtikhim mula sa likod niya.

"Good morning, Jullie."

"Paul.."

Inalis nito ang shades kaya mas lalong lumutang ang kagwapuhang taglay nito. Hindi niya masisisi si Camille kung magkagusto man ito kay Paul. Sino nga bang hindi mahuhumaling sa lalaking ito? Bukod sa gwapo na ay tanyag pa ito sa profession nito. Isa itong sikat na Oncologist.

"Napakahard-working mo talaga. Masyado pang maaga para magtrabaho. Parehong-pareho kayo ng isang taong kilala ko." nakangiting sabi nito sa kanya.

Kahit hindi niya itanong kung sino ang tinutukoy nito ay kilala na niya. Hindi kasi lihim sa buong barkada ni DJ ang nakaraan nila. Kaya nga kahit matagal na silang break nito ay panay pa din ang tukso ng mga friends ni Dj sa kanila.

"Hindi ako interesado sa taong tinutukoy mo, Paul. Anyway, naligaw ka yata? Who's with you?"

"Girlfriend ko. Nagpasama lang siya sakin dito sa salon mo. You know, girl thing." naiiling na sabi nito.

"I heard na engaged ka na daw? Ang malas naman ng babae na yun."

Natawa ito sa sinabi niya. "Ang bilis namang kumalat ng balita. Siguro kay Yasser mo nakuha ang impormasyon na yan? Napakatsismoso talaga ng lalaking iyon."

"Mukhang ikaw ang unang manaknock down sa inyo."

Lahat kasi ng barkada nito ay puro single pa at parang walang balak lumagay sa tahimik. Hindi rin niya naman masisisi ang mga ito, babae kasi ang lumalapit sa mga ito dahil bukod sa gwapo ay galing sa mayayamang pamilya.

Ngumiti lang ito sa kanya. "How's your sister?"

"Si Aliza? Ayos lang naman siya. Why you ask?"

"Wala ba siyang sakit?"

"Sakit? No. Wala siyang sakit, Paul. Paano mo naman nasabi yan?"

"Nakita ko kasi siya once sa hopital. Oh well, baka may dinalaw lang siya."

Gusto man niyang mag-usisa pa ay may lumapit sa kanilang isang maganda at sexy na babae. Maputi ito na bumagay sa kulutang buhok at prominenteng mukha. Hindi nakapagtatakang napaibig nito ang isa sa Hermoso Boys. Pagkalapit nito ay agad na hinawakan ni Paul sa beywang ang babae.

"Jullie, I want you to meet my girl, Yohanne."

Nakipagbeso-beso siya dito.

"Nice to meet you, Yohanne. I hope you enjoyed our service here at my salon."

Nanlaki ang mga mata nito sa sinabi niya.

"Really? Ikaw ang owner ng Poseur? Wow!"

"Yes, Babe. Siya ang nasa likod ng pag-asenso ng Poseur."

"Are you open for franchising?"

"I'm sorry pero we're not open for that as of now."

"Babe, ano na naman ang binabalak mo?"

Napalabi ito kay Paul. "Iniisip ko kasi after our wedding kung anong business ang pwede kong itayo."

"Oh no. Alam mo namang ayaw kong napapagod ka eh."

"I know."

Tumikhim siya para makuha ulit ang atensyon ng dalawa.

"Maiwan ko muna kayo Paul, Yohanne. Papunta pa kasi ako sa isang branch sa Makati."

"Gusto mong idrop by kita? Doon din kasi ang way namin."

Umiling siya. "No need. I have a car. So paano? Mauuna na ako."

"Wait, Jullie. Birthday next week ni Travis and he's planning to throw a party. Alam mo naman ang isang yun, hindi nabubuhay ng walang party."

Tumango siya dito. "Okey, pupunta ako."

Saglit muna silang nagkwentuhan bago siya tuluyang makaalis. Hanggang sa pagmamaneho ay laman pa din ng isip niya ang nabanggit sa kanya ni Paul kanina tungkol kay Aliza. Dapat ng ba siyang mag-alala?

She sighed. Baka nga may dinadalaw lang sa hospital ang kapatid niya.

Maya-maya ay nakareceived siya ng tawag kay Camille.

"What? I'm driving."

"Have you heard the news? Travis is going to throw a party next week!"

"Well, bff. Huli ka na sa balita, alam ko na ang bagay na yan."

"Talaga? Akala ko pa naman hindi mo pa alam. Teka, kanina mo nalaman? Kay Yasser ba?"

"Nope. Kay Paul."

Natahimik ito mula sa kabilang linya. Kapag si Paul ang pinag-uusapan nila ay lagi itong nawawala sa sarili.

"Nakilala ko na din ang girlfriend niya.."

"M-maganda ba siya? I mean.."

"Camille.."

"S-sige, friend. I'll call you later na lang.."

Napailing na lang siya sa naging usapan nila ng kaibigan. Kailan kaya nito matatanggap na hindi siya nito kayang mahalin ni Paul? Nakita niya nakita kung gaano talaga kasaya ang dalawa kanina. Mukhang inlove nga sila sa isa't- isa. At naaawa siya sa kaibigan niya.

SUBSOB siya sa paper works niya ng makareceived siya ng tawag mula sa secretary niya na may bisita siya.

Kaya wala pang isang minuto ay kaharap na niya ito.

"Make sure na importante yang sadya mo dito, Kenesis." kunot-noong tanong sabi niya.

Relax na umupo lang ito at hindi natinag sa sinabi niya.

"Masungit ka na naman, Dj. Hindi ka na naman ba pinansin ni Jullie?"

Tingnan niya ito ng masama ngunit parang balewala lang dito. Sa lahat ng barkada ay si Kenesis ang pinakakalog sa lahat. Kaya hindi na siya nagtataka kung ito na yata ang sumunod sa yapak ni Yasser sa pagiging playboy.

"Wala ka bang ibang matinong sasabihin?" yamot na sabi niya.

"Meron."

Pinindot nito ang isang button sa intercom niya na nakakonekta sa secretary niya.

"Ganda, dalan mo naman ako ng coffee oh."

"Right away, Sir."

"Thanks!"

"Nagpunta ka lang dito para makikape?"

"Well, bukod sa masarap talaga magtimpla ng coffee ang secretary mo eh may balita talaga ako sayo."

"Is it that important? Na hindi mo makuhang sabihin over the phone?"

"Yeah." seryosong tinignan siya nito.

"Then what is it? Go over it para makalayas ka na sa harapan ko."

"Si Jullie.."

Agad niyang tinignan ito. "What about her?"

Malungkot na umiling-iling ito.

"Hindi ko dapat ito sabihin pero.."

"What are you talking? May nangyari bang masama kay Jullie?"

Bigla siyang napatayo mula sa kinauupuang swivel chair. Niluwagan niya ang neck tie niya. Para kasing hindi siya makahinga sa nararamdamang kaba.

"Pare.."

"What? Damn it, Kenesis! Spill it out!"

Hindi ito sumagot sa kanya bagkus ay tumalikod ito. Magsasalita na ulit sana siya ng mapansin niyang unti-unting yumuyugyog ang mga balikat nito. Saka lang niya narealize na pinagtripan na naman siya ni Kenesis.

Dinampot niya ang papel na nahawakan niya at binato dito.

"Wala ka na naman bang magawa sa buhay mo?"

Natatawa pa din na tinignan siya nito.

"Nakita mo ba ang hitsura mo kanina? You look.."

Hindi na nito natapos ang sasabihin dahi sa kakatawa.

Inis na napaupo na lang siya at sumandal. Bakit ba hindi pa siya matuto sa mga trip ni Kenesis at ng buong barkada sa kanya lalo na at si Jullie ang involved?

"Get out."

"Relax ka lang, pare. Talk in the town na kasi ang party ni Travis next week. Baka kasi napag-iiwanan ka na kaya nagkusang loob na kong puntahan ka para mainform."

"I don't know kung makakapunta ako. May business trip ako next week."

"Oh really? So, wala na palang makakapigil sa plano ni Yasser."

"What are you talking about? Anong plano ang sinasabi mo?"

Nagkibit-balikat lang ito. "Well, plano lang naman ni Yasser na si Jullie ang maging partner niya sa party ni Travis."

"Is this some kind of a joke?" napipikon ng sabi niya.

Nagkibit-balikat lang ito sa kanya.

"You know Yasser, pare. Alam mo namang matinik yun pagdating sa chicks eh. Kahit yata ang pinakamasungit na babae sa balat ng lupa ay mapapaamo nun."

Natahimik siya sa sinabi ni Kenesis. Hindi niya maiwasang makaramdaman ng kaba. Ano na naman kaya ang pinaplano ni Yasser?

Bago umalis si Kenesis sa office niya ay may sinabi ito sa kanya.

"Pare,halata naman sayo na mahal mo pa si Jullie eh. Win her back."

Kung ganoon lang sana kadali ang lahat, dapat matagal na niya ginawa iyon.