Chapter 12

 

 

HUMAHANGOS si Gieselle na sumunod kay Martin. Hindi ito nagsalita at tuloy-tuloy na pumasok sa kanilang kwarto saka iniligpit ang kanilang mga gamit.

"Martin, I need to change first," paalala niya rito nang akmang lalabas na sana ito ng kwarto.

"Really? May paki-alam ka pa pala sa hitsura mo? Nakita mo na ang nangyari? Nabastos ka ni Mico dahil diyan sa suot mo!" Tila nandidiri ang tingin nito sa kanya at nasasaktan siya.

Inilapag nito ulit ang kanyang bag kaya kumuha siya ng damit.

Halos mapaiyak siya nang titigan ang mukha sa salamin ng banyo pagkatapos magbihis.

Nagulat pa siya dahil sa sunod-sunod na pagkatok ni Martin mula sa labas.

"Hurry, Gieselle!" bossy na sigaw nito. Napalunok na lang siya't tila umurong ang dila. Hindi na-activate ang kanyang maldita mode.

Nakatingin lang sina Joy sa kanila nang papunta na sila sa parking lot. Gusto niyang magpaalam ng maayos pero sa kilos ni Martin, alam niyang hindi na niya magagawa 'yon.

Matulin ang pagpapatak