CHAPTER 12

ELIZABETH

Sumimsim siya ng alak habang nakatitig kay Antonia. Wala talaga ito sa mood ngayon. Hindi maipinta ang pagmumukha nito, at hinayaan na lamang niya ito.

"Nasa tamang pag-iisip ka ba, Liza?"

Nilapag nito ang goblet sa bar counter. Nasa isang private room silang dalawa ni Antonia rito sa Xclusive Bar. Kanina pa siya nito sinisermunan dahil sa nalaman nito ang tungkol sa deal nilang dalawa ni Gabriel.

Mahina siyang natawa dahil ito pa ang may problem sa kanila. Sapo ni Antonia ang noo nito. Ngumiti lamang siya sa kaibigan niya. After all, this her chance, at posibleng pagalingin siya ni Gabriel sa sakit niya.

“Oo naman, Antonia. Hindi ako nagbibiro sa sinasabi ko sa’yo na inaya ko siya. Gusto kong makaramdam ng excitement, Antonia. Posibleng si Gabriel na ang sagot.”

Umismid ito sa kanya. “Pang ilang lalaki na iyan? Hindi ko alam kung bakit sa lahat pa ng lalaki na pinili mo ay apo pa ng business partner mo. What if malaman ni Don Hernand ang deal