CHAPTER 11

GABRIEL

Sumisipol siyang naglalakad patungo sa opisina ni Miss Beth. Nagtataka siya sa kanyang nadatnan sa loob. Aligaga ang mga empleyado nito. Tinawag niya si Bella, ang sekretarya nito. Kalalabas lang nito sa opisina ni Miss Beth.

“What happened? Bakit hindi kayo mapakali?”

Tumingin muna ito sa likuran nito bago ito lumapit sa kanya, at bumulong sa tainga niya.

“Hindi rin namin alam, sir. Kanina pa iyan umaga na wala sa mood. Siguro, nag-aaway na naman sila ni Sir Leo.”

“Christian!” rinig niyang sigaw ni Miss Beth.

Nakita niyang muntik nang tumalisod ito. Nabangga si Christian sa isa pang kasamahan nito.

“Good Luck, Christian!” pampalakas loob ni Bella nang lumayo ito sa kanya.

Kunot-noo niyang pinagmasdan si Christian. Inayos muna ni Christian ang salamin nito bago pumasok sa opisina ni Miss Beth.

“Gusto mo ba ng coffee, sir?”

Napaisip siya. Coffee? What if bigyan niya ng coffee si Miss Beth?

“Mahilig ba sa kape si Miss Beth?”

“Opo,