Chapter 20

Samantha Pov...

Muntik mabuko ang sekreto ko sa aking magulang. Kung bakit naman sa dinami dami ng araw na magparamdam ka anak sa importanteng araw pa. Hindi mo lang ako tinakot kundi pati ang tito mo tinakot mo ng husto!

Akala ko manganganak na ako pero hindi pa, umeksena ka lang pala. Sabi ng doktor sobrang napagod ako at stress. Paano ba naman kasi hindi mastress kung anu - anu ang ginagawang magpapakastress. Sabi nanaman ng aking utak na hindi na umaayon sa aking mga kalokohan.

Kahit ganun ako kaimpakta hindi naman ako pinapabayaan ni Rex. Hindi naman magtataka ang magulang ko sa kanyang wagas na pag - aasikaso dahil simula naging magkaibigan sila ni kuya ay anak na ang turing nila sa kanya. Kapag wala si kuya siya ang nag - aasikaso sa akin noon. Ngayong buntis naman ako doble ang kanyang pag - iingat at pag - aalaga simula sa pagkain, paglalaba, paglilinis at pamamalengke inako ni Rex sa kagustuhang makakain ko lahat ang mga masusutansiya at hindi rin kami mapapahamak. Naghahan