Chapter 9

Rex Pov...

Nailipat na namin si Jordan sa mas malaking kwarto. Comatose na siya at ayaw daw lumaban sabi ng kanyang doktor. Pero naririrnig naman daw niya ang mga kumakausap sa kanya kaya walang tigil naming kinakausap kahit hindi siya sumasagot basta importante malaman niyang hindi kami sumusuko sa kanya at andito lang kami sa tabi niya. Hindi rin talaga umaalis si Samantha sa tabi niya nagbabakasakaling gigising na siya. Si tita Lorrie naman ay hindi nagsasalita simula dumating sila ni tito James dito. Alam kong hanggang ngayon sinisisi niya pa rin ang kanyang sarili sa nangyari kay Jordan.

Dalawang buwan na ngayon na nasa coma si Jordan at naisipan ni tito magpamisa para sa mabilis na paggaling ni Jordan. Pabalik na ako na naghatid sa paring nagdaos ng konting dasal nung marinig ko ang usapan sa loob.

"Anong normal lang sa kanya ang himatayin?" Litong tanong ni tita Lorrie.

"Normal lang po talaga maam dahil tatlong buwan na po siyang buntis." Walang paligoy ligoy na sagot ng nars.