Chapter 01

Mabilis na lumundag si Athana sa kanilang balkonahe mula sa rooftop. Nakasanayan na niya talagang dumaan sa balkonahe ng bahay na kanilang pinagtataguan. Medyo naging mainit kasi ngayon ang mga pulis sa mga kagaya niyang magnanakaw, kaya may check point na sa bawat daan.

“Kuya, momma's here na,” masayang saad ng kanyang bunsong anak na si Thana habang pumapalakpak pa ito ng maraming beses.

Pagkalapit ni Athana sa kanyang anak ay kaagad niya itong niyakap ng mahigpit.

“Momma, I can't breathe po,” reklamo ng kanyang anak.

Agad din naman siyang bumitaw sa pagkakayakap sa kanyang bunsong anak.

“Sorry baby. Namiss ka lang talaga ni Momma.” Wika ni Athana bago niya pinisil ang tungki ng ilong nang kanyang anak.

“I miss you too, momma.” Aniya at saka h******n nito ang kanyang ina sa magkabilang pisngi nito.

“Baby, where's your Kuya Ather?” tanong niya sa kanyang bunsong anak.

“He's still in the toilet, momma. Ayaw n'ya pong pumasok ako.” Nakangusong sumbong ni Thana sa kanyang ina.

“Wait here, okay?” saad ni Athana na agad din na tinanguan ng kaniyang anak. Ngunit, hindi siya nito sinunod dahil sumunod pa rin si Thana sa kanyang likuran.

Inilapag niya muna sa lamesa ang kaniyang binili na tatlong piraso ng pritong manok, bago siya kumatok sa pintuan ng kanilang banyo.

“Ather, anak. Ayos ka lang ba riyan sa loob?” nag-aalalang tanong niya ngunit pinipilit pa rin niyang pakalmahin ang kanyang boses.

Nang hindi ito sumagot ay muli na siyang nagsalita. “Papasok na si Mama sa loob, okay?”

Pagkabukas niya ng pinto kaagad na nanlaki ang kanyang mga mata nang makita niya ang kanyang panganay na anak na si Ather na nakahandusay sa sahig ng kanilang maliit na banyo.

“Ather, anak... Sorry na-late ng uwi si momma,”

Dali-dali naman niya itong binuhat, at akmang ilalabas na niya sana ito para ipasuri sa kanilang nurse nang bigla itong nagdilat nang kaniyang mga mata.

“Momma, I'm fine... Nakatulog lang po ako kanina,” namumungay ang mga matang saad ng bata.

Parang nabunutan naman kaagad ng tinik sa loob ng kaniyang dibdib si Athana. Inilapag na lang niya ito sa may kama. Agad din naman na nahiga sa tabi ni Ather si Thana, ang kanyang kakambal.

“Sorry momma kong pinag-alala po kita.” Saad ng kanyang anak na si Ather.

Pinigilan naman ni Athana na huwag maluha sa harapan ng kanyang mga anak. Sa kanilang dalawa kasi ay si Ather ang masakitin kaya sobra siya kung mag-alala rito, at gano'n daw talaga 'yon kapag may anak kang kambal. Depende na lamang sa inyo kong maniniwala kayo.

Tumikhim muna siya bago nagsalita. “Hindi naman galit si momma... May binili nga pala akong chicken joy,” pag-iiba niya ng usapan dahil baka hindi na talaga niya mapigilan pa ang kanyang sarili na maiyak. “Ito oh... Tig-iisa tayo.” Dugtong niya pa, saka niya pinakita sa kanila ang binili niyang chicken joy kanina.

Dali-dali naman na bumangon ang kanyang anak na si Ather. “Wow! Puwede ba ako n'yan, momma?” agad na tanong nito.

“Oo naman.” Saad niya habang pinupunasan niya ang pawis sa noo ng kaniyang anak.

Niyakap naman siya nito at nakiyakap na rin si Thana sa kanilang dalawa. Mabuti na lang at hindi mainggitin at matampuhin ang batang si Thana. Isa rin 'yan sa ipinagpapasalamat ni Athana dahil naiintindihan siya ng kanyang anak na iba ang pag-aalala niya sa kanyang kuya na si Ather dahil alam niyang masakitin ito.

Pagkatapos nilang kumain ay pinatulog niya muna ang dalawa bago siya naghugas ng mga pinagkainan nila. Naglinis na rin siya dahil kailangan na laging malinis ang bahay na pinagtataguan nilang mag-ina, dahil bawal si Ather sa mga maalikabok at maduduming paligid.

Nang matapos na siya sa mga gawain niya naupo muna siya roon sa may balkonahe. Naisipan niyang manuod muna ng mga nakakatawang videos; pampaalis sa stress at saka pagod na kanyang nararamdaman. Umayos siya sa kanyang pagkakaupo, at bigla siyang napatigil sa pagpindot sa kanyang selpon nang biglang may nahulog na singsing mula sa loob ng kanyang bulsa.

Nang maalala niya kung saan niya ito kinuha ay dinampot rin niya ito kaagad. Sobrang nagandahan siya sa singsing na ito dahil paborito rin niya ang infinity ring. Kaya naman ay hindi na siya nagdalawang-isip pa na isuot ito sa kaniyang daliri.

Kinuha na rin niya ang mga gamit na nakuha niya kanina na itinago niya mula sa kanyang mga kasamahan. Isa-isa naman niya itong kinuha mula sa maliit na kulay black na bag. Nang makita niyang kasama sa nakuha niya ang wedding certificate at mga legal document na mga titulo ng mga lupa, kaagad siyang tinablan ng konsensya. Oo, magnanakaw siya ngunit, hindi ibig sabihin no'n ay sobrang sama na talaga niyang tao. Siguro nasama ito sa kakamadali niya kanina dahil tinawag na siya ng mga kasamahan niya. Wala rin naman siyang mapapala sa mga ito.

Napabuntong-hininga na lamang siya. Mukhang kailangan na naman niyang magsinungaling bukas sa kanyang mga kasamahan upang maibalik niya ang mga gamit na ito. Nakagawian na niya kasi na ibalik ang mga gamit na hindi rin naman niya magagamit.

KINABUKASAN, maaga siyang nagising at nagtungo na siya agad sa kanilang hideout. Ibinilin na rin niya ang kaniyang kambal na anak sa kanilang kapitbahay. Binabayaran niya rin naman ito every end of the month.

“Boss... Puwede bang mag-day off muna ako ngayon? May kailangan kasi akong asikasohin.” Paalam agad ni Athana kay Boss Cheng pagpasok palang nito sa loob ng kanyang opisina.

Halos isang oras na rin kasi siyang naghihintay rito sa loob ng opisina nito.

Tumango na lamang ito at saka sinenyasan na siya nitong umalis na.

"Mukhang wala sa mood si Boss Cheng ngayon." Bulong ni Athana sa kanyang sarili.

Bumalik muna siya sa kanilang bahay na inuupahan para bumawi sa kanyang mga anak. She spent her whole time playing with her kids, at nang gumbi na ay saka pa lamang siya kumilos. Nagbihis siya ng itim na damit at itim din na jogging pants, pati na rin ang kanyang sapatos ay itim. Kinuha niya muna ang kanyang itim na mask bago niya h******n sa noo ang kanyang dalawang anak na ngayon ay mahimbing nang natutulog. Maaga niyang pinapatulog ang mga anak niya para makaalis din siya ng maaga. Ayaw niya rin naman kasing maabutan siya ng madaling araw, dahil baka magtaka ang kanyang mga anak kung wala siya sa tabi nila.