Chapter Twenty Six

  HALOS himas-himas ni Minnie ang sariling tiyan matapos nilang makakain.

"Mukhang busog na busog ka,"pansin ni Lauren na nagpupunas na ng table napkin sa bibig.

"Ah oo, salamat sa libre mo huh Lala sa susunod ako naman manlilibre sa iyo para hindi nakakahiya,"usal niya matapos niyang dumighay.

"E-excuse me,"napapahiya niyang sabi. Napalingon-lingon pa si Minnie, dahil ang ilan sa mga katabi nilang kumakain ay napasulyap pa sa kanya saka nagbulungan na tila malaking kasalanan ang nagawa niyang pagdighay.

Sabagay nasa isang mamahalin at class na class siyang restaurant kakatwang nakapasok at nakakain siya roon.

"It's alright Minnie, human nature ang mag-burp."Saka ito mahinhin na nagtatawa. Ngumiti na lang ng tipid ang dalaga. Mabuti na lang ang kasama niya ay hindi mapanghusga, nagpapasalamat siya dahil magmula ng tumapak siya sa Maynila ay wala pa naman siyang nae-encounter na taong mayaman na humamak sa pagkato niya animo