KABANATA 04

CHAPTER FOUR: WHO'S MARCO IN LILA'S LIFE?

DELA CRUZ RESIDENCE

KINABUKASAN…

“Magandang umaga, Mom and Dad…” bati ni Tyler sa mga in-laws niya.

“Napadalaw ka? Si Lila, bakit hindi mo kasama?” tanong ng mama ni Lila na si Lilibeth Dela Cruz.

“Mom and Dad, it was just a misunderstanding po kasi… Umalis po si Lila sa bahay kahapon, and I can’t reach her. Hindi ko po alam kung saan ko siya hahanapin. Dumaan po ba si Lila rito kahapon?”

Bakas sa mga mukha ng mga magulang ni Lila na hindi sila natutuwa sa nangyari.

“Hindi ko alam, iho… Wala rin kami rito sa bahay kahapon. Susubukan ko siyang tawagan,” usal ni Mrs. Dela Cruz.

“Salamat po, Mom… Kasalanan ko rin po kasi. Hindi ako naging maingat.”

“Normal lang naman sa mag-asawa ang mag-away, pero sana habaan pa ng anak ko ang pasensya,” wika naman ng papa ni Lila na si Manuel Dela Cruz.

“We will do better, Dad. Mahal ko po si Lila…”

Nagulat ang mag-asawa sa sinabi ni Tyler.

Alam kasi nila na napilitan lang magpakasal ang dalawa. Ngunit ngayon, mukhang seryoso na ito sa anak nila—at sa nararamdaman nito.

“Pero hindi ba bumalik na si Diana? Hindi ba kayo nagkausap?” tanong ni Lilibeth.

“Nag-usap po kami kahapon. At iyon nga po ang dahilan kung bakit umalis si Lila sa bahay.”

“She’s so immature… Hindi niya sinasagot ang tawag ko. This kid!” naiinis na usal ni Lilibeth.

“Hayaan na lang po muna siguro natin si Lila. Baka bumalik din po siya bukas. Kasalanan ko rin naman po kasi.”

“Don’t be, Tyler… It’s her fault. Masyado siyang immature.”

Habang patuloy silang nag-uusap, may biglang dumating.

“Tyler?”

*******

BATANGAS; HACIENDA DELA CRUZ

“Lila, apo… Dalawang araw ka nang nagkukulong sa kwarto mo. Kumain ka muna kahit kaunti lang,” nag-aalalang wika ni Lola Lisa sa apo.

Dalawang araw na simula nang dumating si Lila sa Batangas, sa bahay ng mga lolo at lola niya. Hindi pa alam ng mga ito ang tungkol sa annulment nila ni Tyler. Inisip na lamang ng matanda na nag-aaway lang ang dalawa kaya umuwi si Lila sa Batangas.

“Oo, La. Lalabas na po ako mamaya…” sagot ni Lila mula sa loob ng kwarto.

“Ganyan din ang sinabi mo sa lolo mo kahapon, apo. Nag-aalala na kami sa’yo. Kapag hindi ka pa kumain, isusumbong kita sa asawa mo na nandito ka sa amin,” pananakot ng matanda.

“Lola naman, eh. Heto na po…” Nagmamadaling lumabas ng kwarto si Lila at pinagbuksan ng pinto ang matanda.

Ngumiti si Lola Lisa at marahang tinapik ang balikat ng apo. Nakita kasi nito ang namamagang mga mata ni Lila—halatang umiyak ito.

“Kung ano man ang problema ninyo ng asawa mo, sana’y pag-usapan ninyo. Hindi iyong lalayasan mo agad ang asawa mo,” paalala ni Lola Lisa.

Lingid sa kaalaman ng matanda, nakapag-file na si Lila ng annulment. Maigi niya itong pinag-isipan. Iniisip niya na marahil ay magkasama na ngayon ang dalawa sa mansyon—sa tahanang minsan niyang pinangarap na mabuo ang kanilang pamilya.

Pero ngayon, hindi na iyon mangyayari pa.

“Sorry, La. Nadamay pa kayo sa problema ko. Pero kasi… gusto ko na pong makipaghiwalay kay Tyler,” mahina niyang sabi.

Nagulat ang matanda sa narinig.

“Hindi ba mahal mo si Tyler? A-at bakit naman biglaan, apo?” may lungkot at pagtatakang tanong ng matanda.

“Lola, alam naman po natin kung sino ang mahal ni Tyler, hindi ba? E… bumalik na po kasi si Diana, kaya pinakawalan ko na siya. Tinupad ko lang naman po ang kahilingan niya noon—na sana mawala na ako sa buhay niya,” mahabang paliwanag ni Lila.

“Ay, loko pala ang asawa mo na ’yon! Anong mawala ka na sa buhay niya? Dapat lang na hiwalayan mo na siya... Huwag na huwag ka nang babalik doon sa Maynila,” galit na wika ni Lola Lisa.

“Pumayag ako noon na maikasal kayo ni Tyler dahil sa Lolo mo. Kahit ayaw ko, wala na akong nagawa. You deserve better, Apo!” Dahil sa sinabi ni Lola Lisa ay napaiyak na naman si Lila.

“Salamat po, La. Ikaw pa rin po ang number one supporter ko. Mahal ko po kayo...” umiiyak na salita nito.

“Kahit pa pabalikin ka ng Lolo mo, hindi ko na siya hahayaan. Dito ka lang...” usal nito.

“Salamat po, Lola.”

“Mag-ikot-ikot ka sa lugar, Apo, para naman mabawasan ang sakit ng iyong puso at maging refreshing ang iyong isip. Stop thinking about those who never cared about you,” seryosong wika ni Lola Lisa.

Lola Lisa is already in her 70s, but she doesn’t look like it. She’s the prima donna of her family. Siya ang anak ng pinakamayamang pamilya sa lugar nila, hanggang sa makilala niya ang asawa niyang si Lolo Vicencio Dela Cruz, na isa rin sa pinakamayaman sa Batangas at may malaking farm.

“I will, La. After this, gusto kong bisitahin sina Marco at Tatay Bin,” may ngiti sa labi na saad nito.

“Mabuti nga, Apo. Nandiyan lang naman si Marco. Isa na rin siyang Engr.”

“Wow naman. Engr. na pala si Marco. Ano na kaya ang itsura niya ngayon?”

“Binata na, Apo. Sobrang gwapo na ng batang ’yon at matangkad pa. Although, mas gwapo ang asawa mo, pero pasado na si Marco...”

“Naku si Lola... Kain na nga lang po tayo.”

“Tara na at baka malamig na ang mga pagkain.”

---

MANILA

“Tyler?” Natahimik ang mag-asawa at si Tyler sa biglang pagdating ni Diana. “Tita, Tito...” pagbeso niya sa mga ito.

“Tyler, why are you here? Pumunta ka ba dito para kausapin sina Tito at Tita para magkaayos tayo? ’Yan kasi ang ginagawa mo noon. Akala ko ba ayaw mo na sa akin?” masayang wika ni Diana matapos kumapit sa braso ni Tyler.

“Let go, Diana!” seryosong wika ni Tyler.

“Stop acting like a jealous man, Tyler. Bumalik na nga ako, di’ba?” Hindi na ito pinansin ni Tyler. Sumimangot naman si Diana at nagpa-cute sa dating nobyo.

“Diana, kailan ka lang dumating?” tanong ni Mrs. Dela Cruz, sabay tingin sa asawa nito.

“Kahapon lang po, Tita. Sinundo ako ni Tyler sa airport...” sagot naman nito. Ngayon ay parang may alam na ang mag-asawa kung bakit umalis ang anak.

“And Lila knows?” tanong ni Mrs. Dela Cruz kay Tyler. Tumango naman si Tyler bilang sagot.

Nagtataka naman si Diana kung bakit nabanggit ang pangalan ni Lila. “What about Lila? Uhm... nasaan pala siya?” tanong ni Diana.

“Umalis siya. May tampuhan lang... may misunderstanding lang sa asawa niya,” salita naman ni Manuel.

“Asawa? May asawa na si Lila? Sino? How come I didn’t know it?” may ngiti sa labi na wika ni Diana, na para bang nae-excite. Hindi niya alam na si Tyler pala ang asawa ng kanyang pinsan.

“It’s Tyler. Lila’s husband!” sagot ni Manuel.

Nanlaki ang mga mata ni Diana sa narinig. Hindi ito makapaniwala at parang pinagtaksilan siya ng mga ito.

“What? Tyler and Lila got married? And I didn’t even know it? Tita, Tito, why didn’t you tell me about it?” galit na salita ni Diana.

Lumapit si Lilibeth, dito upang pakalmahin ito. Pagdating talaga kay Diana ay soft sila, pero kay Lila, sobrang higpit nila—kahit alam nilang niloko ang anak nila.

“Diana? You’re back? Since when?” malakas na sigaw ni Francis, ang kuya ni Lila. Niyakap niya ito nang mahigpit.

“Kuya Francis, is it true? Lila got married to Tyler? Hindi ko matanggap,” umiiyak na wika nito.

“Shhh... Don’t worry. Since you are back, babalik na rin si Tyler sa’yo. Mahal ka pa niyan kaya huwag kang mag-alala. Hihiwalayan din ni Tyler si Lila,” bulong ni Francis.

Napangiti naman si Diana sa sinabi ni Francis. Kahit ano talaga ay gagawin nila para kay Diana.

“Mom, Dad, and Francis, alis na ako. Hahanapin ko pa ang asawa ko!” saad ni Tyler at galit na tumingin kay Diana.

“Sige, iho... Tatawagan ko si Mom sa Batangas. Baka nandoon siya. Balitaan na lang kita,” sabi na lang ni Lilibeth.

“Thank you...” Agad na umalis si Tyler, at agad namang sumunod si Diana.

“Tyler, wait... Please, don’t make it hard for me. Come back to me. Ako lang naman ang mahal mo, di’ba? Hindi mo mahal si Lila. Ginamit mo lang naman siya para kalimutan ako. At nandito na ako... Mahal pa rin kita, at kailanman ay hindi ka nawala sa isip ko,” mahabang wika ni Diana.

“Stop! Stop with your boring conclusion. I never used Lila because I truly love her. Stop it, okay?”

Tyler immediately went inside his car and drove away.