CHAPTER IV (Advice of friends)

“YOU CAN’T use your grandma’s health as a reason to marry someone,” komento ni Case nang ikuwento ni GB na magpapakasal na siya.

Pagkatapos niyang makausap ang kanyang abogado para maayos ang prenuptial agreement ay tinawagan niya ang mga senior niya dati sa PMA na sina Case at LA. Pinapunta siya ni LA sa bahay nito at doon na sila nagkuwentuhan. Inimbita niya rin ang mga ito sa kanyang nalalapit na kasal.

“That contract will surely backfire,” sabi naman ni LA.

Tumawa si Case. “Katulad sa nangyari sa inyo ni Mace. Kinontrata mo rin.”

“At least hindi kami naghiwalay,” tugon ni LA.

Natahimik si Case at sa kanya na tumingin. “What if you’ll get attached?”

“Protektado kami ng kontrata. There’s no complications. We have clear boundaries. Isa pa hindi kami magsasama sa isang bahay. Toni wanted a sole access to her house,” sagot niya rito.

Nakita niyang ngumisi si LA. His eyes sparkled as he leaned towards him.

“Talaga? Eh di ba dadalawin n’yo ang lola mo kada Linggo? Where would you like to meet your future wife?” tudyo sa kanya ni LA.

“Somewhere public, obviously,” seryoso niyang tugon saka lumagok sa beer in can na hawak.

“Anong oras kayo magkikita?” patuloy na panunukso sa kanya ni LA.

“Eh kayo ni Mace dati, anong oras kayo nagkikita?” balik niya rito.

Tumawa si LA. “Nagkikita kami kapag tirik pa ang araw.”

“Bakit parang iba ang tumirik?” biro niya rito.

“Oo nga. Lumaki ang tiyan ni Mace, eh,” segunda ni Case.

“Pustahan tayo. Mabubuntis din si Toni,” sabi ni LA. “One year agreement is long enough para walang mangyari. And there’s no bulletproof that can protect you kapag natapos `yang kontrata n’yo.”

“`Ayan. Makinig ka sa expert,” sabi ni Case habang itinuturo si LA.

“Hindi mangyayari `yon.” Inubos niya ang laman ng kanyang beer. “Kapag okay na si Lola ay kukumbinsihin ko siya na maghiwalay kami ni Toni. For sure maintindihan niya ako.”

“Well, you’re gonna need all the luck you can get,” sabi ni Case.

“My grandma was always saying how she wants me to find someone nice and kind.” Napabuntong-hininga siya. “Mabait naman si Shaira. I know they’ll get along once she meets her. And I hope she'll realize that love is what matters most, not some of her preconceived idea of what’s best for me.”

“Traditional pala ang lola mo. And she’s pushing you into someone you are not,” komento ni LA.

“Kung hindi lang siya nagkasakit, wala sana akong problema ngayon. Si Mommy na nga ang nag-asikaso sa reception ng kasal.”

Pakiramdam ni GB ay nahigop na lahat ng enerhiya niya sa dami ng kanyang inaasikaso. Kumuha pa siya ng permit to marry. Kaya malaking bagay na iyon sa kanya na pinapakinggan siya nina LA at Case.

“Mahirap nga `yang sitwasyon mo. Dahil din kasi sa lola ko kaya nagpakasal ako,” sabi naman ni Case.

Noon naman nila nakita ang asawa ni LA na bumaba mula sa second floor. Tinawag ito ni LA kaya lumapit ito sa kanila.

“Baka may maipayo ka kay GB,” sabi ni LA. “Magpapakasal siya sa babaeng hindi niya mahal.”

“Bakit? Nabuntis ba niya?” tanong ni Mace.

“Hindi. Kinontrata niya lang para sa kanyang lola na nasa ospital,” tugon ni LA.

Umupo si Mace sa tabi ni LA. “Kung pumayag ang babae na magpakasal, there’s nothing to worry. Kaming mga babae, calculated ang decision namin always. For sure may reason din ang babae kaya siya pumayag.”

“I compensated her in advance. I’ll buy her a house and I promised to buy her books every week,” sabi ni GB.

Nanlaki ang mga mata ni Mace. “Books? That’s really ideal. Oh my, I’m jealous!”

“Tumigil ka. Ang dami-dami mo nang libro,” saway ni LA sa asawa nito.

Sumimangot si Mace at hindi na pinansin si LA.

“For sure hindi siya pumayag dahil sa bayad mo. She’s there for the show because of the books. Don’t worry about her. She’s settled. She’ll be fine with her books,” pagdaldal ni Mace.

Napangiti at napailing si GB. Baka nga dahil sa mga libro kaya pumayag si Toni sa kagustuhan niya.

“Baka naman magpabuntis `yan sa `yo at ma-trap ka,” sabi naman ni Case.

“No. Bookworms are a great sport.” Kontra ni Mace rito. “And I think she’s charming. I wanna meet her.”

“Maricelll…” warning ni LA kay Mace.

“Kung puwede lang naman.”

Natawa si GB. “Kaya nga ako nandito. Imbitado kayo sa kasal namin sa next week.”

“Agad-agad? Teka, ano ang ireregalo natin?” Parang nag-panic si Mace.

“Kahit wala na. Pero kung gusto mo talaga, pwedeng si Toni na lang ang regaluhan mo. Matutuwa `yon,” sabi ni GB. Napatingin siya sa kanyang wrist watch. Alas nueve na ng gabi.

“Ang mabuti pa ay mag-focus ka na lang sa mga dapat mong gawin. Mukha naman kasing walang magiging problema sa asawa mo,” sabi sa kanya ni Mace.

Alam niyang walang magiging problema kay Toni pero ang inaalala niya ay si Shaira. Baka magalit ito at hindi na nmn magpakita sa kanya.

Dahil sa iniisip at napabukas siya ulit ng beer in can.

“Magpapakasal na si GB, ano ang payo mo sa kanya?” tanong ni LA kay Case.

“Bakit ako ang tinatanong mo? Hindi ko nga mapauwi si Brin sa bahay ko. Blocked pa niya ako.” Umiling-iling si Case.

“Brokenhearted ka? Ito. Tagay!” Inabot niya ang beer na kanyang binuksan rito.

“Tigilan mo na yang pagiging lasenggero mo,” saway sa kanya ni LA. “Mag-aasawa ka na. Walang babae na gusto ang lalaki na manginginom.

“Hindi ko ititigil ang pag-inom ko dahil lang sa babae,” tugon niya rito.

“Bahala ka nga. Kapag ikaw iniwan ng asawa mo, comatose ka,” sabi ni LA. “Wala akong maipapayo sa `yo maliban sa tigilan mo na `yang pag-inom mo. Kawawa ang asawa mo kapag amoy alak ka palagi.”

Tumayo si GB. “Sayang naman ang mga whis at wine ko sa bahay kung hindi ko iinumin. Pero salamat. Paano, mauuna na ako,” paalam niya sa mga ito.

Hindi naman siya pinigilan ng tatlo.

Dumaan muna siya sa kanyang lola sa ospital bago siya umuwi sa bahay niya sa Cavite.