Ika-animnapu't apat na Kabanata

~Agathe~

Siguradong magbabago ang lahat ng dahil dito.

Paano ko na haharapin si Carlyle ngayon na napatay ko ang sariling mga lolo’t lola niya?

Nanlaki ang mga mata ko nang agawin ni Graziella ang mga papel mula sa kamay ko at ibato pabalik sa kandungan ni Thaddeus.

“Hindi na siya babalik sa mansyon na ‘yon. Idiretso mo kami sa Snowflake Village, Silvestri. Itatago ko siya para walang makasakit kay Agathe ulit.”

Isang luha ang pumatak mula sa mata ko hanggang sa hindi ko na mapigilan. Bigla na lang akong napaiyak nang todo at tuluyang bumigay.

Paano ito nangyari? Paano ko naging anak si Carlyle?

Paano nagkaroon ng ganoong ka-cute at kaakit-akit na bata mula sa akin?

Paano niya ako mapapatawad ngayon na posibleng nakita niya na ako ang pumatay sa sarili niyang mga lolo’t lola?

“Grazie, anak ko si Carlyle.” Sabi ko na may bahid ng kaligayahan sa boses ko. Pero, alam kong ramdam din nila ang matinding pighati sa kaibuturan ko.

Humarap si Graziella mula sa passenger’s seat at tumingin sa