Chapter 68

Mahirap magtago ng sekreto lalo na sa taong mahal mo. Ito ang nararamdaman ko simula nang araw na mahuli kami ni Zid na magkausap ng aking ina. Para ba’ng may isang mahalagang parte ako ng aking pagkatao na ipinagkakait sa kan’ya.

Kung sana’y hindi komplikado ang lahat ay hindi ako nahihirapan nang katulad nito.

Bumalik na muna sa kan’ya-kan’ya nilang mga buhay ang mga kasamahan ko sa grupo. Subalit nananatili silang alertado oras na magkaroon na nang lead kung nasaan si Mr. Hermosa at Congressman Martinez.

“Love, can I ask you a personal question?” bigla ay tanong ni Zid habang pinaghahanda ko siya ng dinner.

Simula nang masaksihan niya ang pagtatalo namin ni Orca Lapuz at hindi ko mabigyan nang maayos na sagot ang kan’yang mga tanong ay tila naging mailap siya. Minsan na lamang kami magkita at palagi niyang sinasabi na marami siyang tinatapos sa opisina. Kaya ang dinner namin ngayon dito sa bahay ay labis kong ikinakatuwa.

“Ano ‘yon?” Umupo