Chapter 7

Pag-aari ni Cayden

Seraphina's POV

Nitong nagdaang araw maganda ang aking araw dahil sa ngayon stable pa ang panggastos sa mga gamot ni Elara. Hindi ko na din nakikita si Cayden sa bar na pinagtatrabahuan ko. Ang huli kong balita sa kanya ay nasa Canada siya ngayon.

"Ate, papasok ka na naman ba mamayang gabi?" tanong ni Elara habang nakatingin sa akin. Tumango ako

"Oo bunso. Kailangan magtrabaho ni ate" nakangiting wika ko sa kanya habang hinahaplos ang kanyang pisngi.

"May naghahanap kasi sayo kanina ate. Noong lumabas ka" bigla naman akong nakaramdam ng kaba sa di malamang dahilan.

"Kilala o namumukhaan mo ba?"

"Hindi ate. Ngayon ko lang siya nakita. Saka naka office attire siya ate" ani nito sa akin. Kumunot naman ang noo ko sa kanyang sinabi.

"Hayaan mo na. Baka kakilala ko lang" ani ko sa kanya. Pinagbalatan ko siya ng orange saka sinubuan.

"Ate, kung pwede tumigil ka na sa trabaho" bigla akong natigilan sa kanyang sinabi

"Hindi ako pwedeng tumigil magtrabaho Elara. Kailangan kong magtrabaho para sa panggastos natin sa darating na opera mo"

"Saan ka naman kukuha, ate, ng ganoong kalaking halaga? Dalawang milyon ate. Alam kong nahihirapan ka na. Sapat na sakin ang makita ang pag-aalala mo" umiiyak niyang wika.

"Saan mo nalaman ang mga iyan?" gulat kong tanong sa kanya

"Narinig ko noong nag-uusap kayo ng doctor ate. Ayokong makitang nahihirapan ka saka sapat na itong sakripisyo mong ito ate para madagdagan ang buhay ko" napaiyak ako sa kanyang sinabi

"Shhh wag ka ngang ganyan. Hahanap ang ate okay? Hindi kita pababayaan. Ikaw ang buhay ko Elara kaya paki-usap wag kang mawalan ng pag-asa. Naghahanap nga ako ng trabaho ngayon eh. Trabahong pang umaga" hinigpitan ko ang hawak ko sa kanyang kamay

"Hindi ako sumusuko Elara, sana ganun ka din. Mahal na mahal kita kapatid ko" umiiyak kong wika.

------

"Sera, tawag ka ni boss. Dalhan mo daw sila ng maiinom sa taas" tumango lang ako kay ate Cherry at agad na kumuha ng maiinom nila sa itaas.

Kumatok muna ako bago ako pumasok sa VIP room 1. Yun lang naman ang room nila kasi sila lang ang pwedeng umukupa doon ayun sa kagustuhan ni Sir Janus.

"Sir inumin niyo po" magalang kong wika sa kanila. Kasama niya ngayon ang kanyang mga kaibigan. Maingat kong nilagay ang mga inumin sa kanilang table at naiilang ako sa paraan ng pagtingin ng kanyang mga kasama.

"Woah, you didn't tell me na may bottle girl ka palang ganito kaganda Janus" mas lalo akong nailang nang tumingin sa akin ang isa sa kanila na parang hinuhubaran ako.

"Sir Janus, tawagin niyo na lang po ulit kami sa baba kapag may kailangan pa po kayo" magalang kong wika saka aalis na sana, ngunit nagulat ako nang hablutin ako sa braso ng isa sa kanyang mga kasama.

"Miss, wag ka muna umalis. Stay here para naman maging masaya ang gabi namin" nakangiting wika niya sa akin

"S-sir pasensya na po kailangan ko nang umalis. Marami pa po kaming kailangang gawin sa ibaba" natatakot kong wika sa kanya saka hinawakan ang kanyang kamay na nasa aking braso upang alisin.

Narinig ko ang tawanan sa loob dahil sa aking pagtanggi sa kanya.

"Did you hear that Janus? Tinatanggihan ako ng isa sa mga employee mo oh" pagalit na sumbong niya kay Sir Janus. Tumingin ako ng humihinging tulong kay Sir Janus na nakatingin lang din sa amin habang may nakapulupot sa kanyang isang babae.

"Let her go bro. She's off limits. Hindi yan ang trabaho niyan" seryoso niyang wika sa kanyang mga kasama

"Ganun ba? Oh sige miss, bayaran na lang kita. Twenty thousand isang gabi" malagkit niya akong nginitian. Nakaramdam naman ako ng pandidiri sa kanya.

"Pasensya na po talaga" pagmamatigas ko sa kanya.

"I said let her go Dylan! Hindi mo naman siguro gugustuhing magalit ako" seryosong wika ni sir Janus na nakatayo na at mukhang galit na.

"Chill. Masyado ka namang protective. Babae mo ba to Janus?" nakangising wika ng lalaki saka ako binitawan.

"None of your business. Pwede mong hawakan o ayain ang mga tao ko kapag gusto nila. Ayaw niya kaya layuan mo" seryosong wika niya. Lahat ng tao ay nakatingin sa tensyong namamagitan kay Sir Janus at sa kanyang kaibigan.

"Lumabas ka na" tipid na wika ni Sir Janus. Yumuko ako at agad na umalis sa room at agad na bumaba.

"Okay ka lang? Parang namumutla ka a" ani sa akin ni Ate Cherry.

"Okay lang po ako ate" magalang kong wika sa kanya saka kumuha na naman ng mga bagong inumin at tumulong sa aking mga kasamahan.

Dylan's POV

"Sino ba yun? Babae mo ba? Bakit parang ayaw mong magalaw?" naiinis na tanong ni Layka kay Janus

"She's not but she's owned by Cayden" lahat kami ay nagulat sa kanyang sinabi. Nanlalaki ang mga matang tumingin sa kanya.

"Are you for real? Si Cayden? May gusto sa isang bottle girl?" tanong ko ng hindi makapaniwala.

"Yes he is"

"So ibig sabihin mga babaeng madungis ang gusto ni Cayden?" tanong ni Sheena

"Nope. As far as I know hindi pa yun nagagalaw. Nagtatrabaho lang siya sakin dahil sa kanyang kapatid na may sakit. Of course she didn't have the choice since malaki ang pa sweldo ko" ani ni Janus habang umiinom ng alak.

What an interesting lady. Ano naman kaya ang nakita ni Cayden sa kanya? I mean maganda naman talaga siya. Nang mahawakan ko nga ang kanyang braso ay malambot and also matangkad siya at maputi.