CHAPTER 7

HUXLEY

Hindi ko inaasahan ang malakas na pagsuntok sa akin ni Miss Guevarra. Kung hindi nga lang babae, sarap talagang patulan.

"Bro, okay ka lang ba?" tanong sa akin ni Marco nu'ng hapong lumabas kami sa school campus.

Ang tapang pala ng Jenine na 'yon noh at nagawa pa niyang suntukin ka."

"So ano hahayaan mo na lang ba 'yon?" tanong ulit nito.

"Nope. Kilala mo naman ako Marco. Hindi naman ako patatalo, kaya gagantihan ko siya," seryoso kong sabi.

"Anong binabalak mo? Susuntukin mo rin 'yon, ganu'n?"

"Hindi. Basta," matipid kong sagot.

Nang makauwi na ako ng bahay, dumiretso lang ako sa kwarto, Alas sais pa naman ng gabi at wala pa sila mommy at daddy. Lalo naman si kuya Harvey. Kadalasan, umuuwi 'yon ng madaling araw. But never naman nagreklamo ang parents ko. Pero sa akin, kapag inumaga ako ng uwi, naku, sangkatutak na sermon naman ang laging inabot ko. And worst, sinasaktan pa ako ni daddy.

Kaya 'yong suntok sa akin ni Miss Guevarra, wala 'yon sa akin. Nasaling lang ang pride ko dahil hindi ko inaakala na magawa akong suntukin ng isang karaniwang guro lamang at isang babae pa. Hindi naman ako p'wedeng magreklamo dahil kung gagawin ko 'yon, eh di malalaman ng buong SH department na ang isang Huxley Baltimore ay nasuntok lang ng isang ordinaryong guro.

"Damn you, Miss Guevarra!" pagmumura ko sa aking sarili. Sa tingin ko hindi siya natatakot sa akin. Nakakapanibago, gayong lahat ng mga teachers na nagdaan sa aming section ay takot na takot sa amin kaya hindi nagsurvive. Pero si Miss Guevarra, hindi ko akalaing umabot pa ng tatlong araw.

Dahil na-bored ako, kinuha ko ang aking cellphone at nag-iskrol muna sa aking f******k account. Na-curious naman akong hanapin ang f* account ni Miss Guevarra. At nang mahanap ko na, inistalk ko ang mga photos niya. Hanggang sa makita ko ang isang picture five years ago. Kasama niya sa larawan na 'yon si kuya Harvey. Nag-iskrol pa ako, hoping na makakita pa ng ibang picture nilang dalawa, ngunit 'yon lang mag-isa. Sa palagay ko, yon lang ang hindi niya nabura. Saglit akong nag-isip. Di kaya naging girfriend ni kuya si Miss Guevarra?

Mayamaya, narinig ko ang ugong ng sasakyan. Akala ko sina daddy at mommy, yon pala si kuya Harvey ang dumating. Himala naman at umuwi ng maaga.

Lumabas ako ng kwarto dahil gusto ko siyang kausapin.

"Hi kuya, ang aga natin ngayon ah," bungad kong wika sa kanya nang makapasok na siya sa sala.

"Pagod ako eh. Hindi na ako sumama sa mga kaibigan ko. Marami akong inaasikaso sa opisina," tugon nito. "Oh, ba't ikaw nandito ka na? Wala bang gimmick ang mga kaibigan mo?"

"Na-badtrip ako sa school namin eh, kaya hindi na ako sumama kina Marco," sagot ko naman. "Ah kuya, p'wede bang magtanong?"

"Yes ano 'yon bro?"

"Nakita ko ang picture nyo ni Miss Guevarra sa f******k. Uhm, nagkarelasyon ba kayo noon?" tanong ko.

"Miss Guevarra?" Saglit na nag-isip si kuya. "Jenine Ysabelle Guevarra ba 'kamo bro, yong isa sa teacher sa de la Salle?"

"Yes bro. yon. Kilala mo ba siya?"

"Uhm yes. She was my ex." Tugon ng kuya ko.

Nabigla naman ako sa aking narinig. Hindi ko inaakalang nagkaroon ng relasyon si kuya sa babaeng 'yon.

"At anong nangyari?" curious kong tanong.

"Hiniwalayan ko siya. Boring kasama. Old-fashioned at conservative."

Tumango-tango lang ako sa mga sinasabi niya.

"Bakit type mo ba?" nakangising tanong nito.

"Nope. Naintriga lang ako sa kanya, kasi matapang. Siya na kasi ngayon ang bago naming adviser sa ABM. Sa palagay ko, hindi natatakot sa aming lahat."

"Eh di mas mabuti. Para tumino na kayo, lalo ka na, bro. Sana naman maka-graduate ka na this year para hindi ka magiging grounded kina mommy at daddy," wika nito.

Hindi naman gaanong nagtagal ang pag-uusap namin at bumalik na ako ng kwarto. Napaisip ako sa sinabi ni kuya na naging girlfriend niya si Miss Guevarra. Hanggang sa isang plano ang nabuo sa aking isipan. Napangiti naman ako sa aking mga iniisip. What if paiibigin ko siya? Why not di ba?

Kinuha ko ang aking cellphone at tinawagan si Mr. Salcedo. Bilang principal ng SH department, I'm sure may contact number siya sa lahat ng mga empleyado.

"Hello sir, good evening, si Huxley ito."

"Yes, Huxley, anong maipaglilingkod ko sa 'yo?" sagot ni Mr. Salcedo sa kabilang linya.

"Uhm, can I ask Miss Guevarra's contact number? May itatanong lang ako sa kanya tungkol sa lessons namin kanina. Hindi ko kasi masyadong na-gets eh."

"Aba! himala naman Mr. Baltimore. Ngayon lang nangyari na naging intresado ka sa lesson mo. This is a sign of progress," nakangiting wika nito.

Hindi na lamang ako nagbigay pa ng komento. Bahala na siya kung anong iisipin niya, basta gusto ko lang makahingi ng number ng matapang naming adviser at nang masimulan ko na ang aking plano. Matapos na maibigay ni Mr. Salcedo ang number ni Miss Guevarra, sinimulan ko na siyang tawagan.

"Hello." Narinig ko ang boses niya sa kabilang linya. Ewan ko nga ba kung bakit naman ako biglang kinakabahan.

"Uhm, h-hello," sabi ko.

"Sino po sila?"

"This is Huxley Baltimore, Miss Guevarra. Tumawag ako dahil gusto ko lang mag-apologize sa lahat ng ginawa namin ng mga kaklase ko sa inyo."

"Ows talaga? Totohanan ba 'yang paghingi mo ng sorry Huxley, or baka may pinaplano ka namang hindi maganda?" sabi nito.

Pucha! Ba't niya alam? Hindi talaga basta-basta naniniwala 'tong babae na 'to, sabi ng aking isip. Pero hindi pa rin ako susuko. Pasasaan ba't makukuha ko rin ang loob niya.

"I'm sincerely asking an apology Miss Guevarra. Actually, gusto ko na talagang makatapos ng Senior High. Kaya gusto ko ng tumino sa pag-aaral. Sana hindi pa huli ang lahat at bibigyan mo pa kami ng pagkakataon para maitutuwid namin ang aming pagkakamali." pangungumbinsi ko sa kanya.

"Well, kung talagang totohanan ang paghingi mo ng sorry, sino ba naman ako para hindi ko kayo patatawarin?" sabi nito.

Isang nakakalokong ngiti ang sumilay sa aking mga labi. "Hmm... Ang dali mo palang mauto eh," sabi ng aking isip.

"Thank you Miss Guevarra," wika ko at pagkatapos nagpaalam na ako sa kanya.

Napahiyaw naman ako sa tuwa dahil tagumpay ang unang hakbang ko sa kanya. Tinawagan ko si Marco at sinabi sa kanya ang plano ko.

"Ayos bro! Marunong ka pala sa reverse psychology ha," natatawang wika niya.

"Eh ayaw naman kasi niyang madaan sa astigan, eh di magbait-baitan ako," sabi ko at napahagalpak ng tawa.

"The best ka talaga bro," ani Marco na napahalakhak din. "Pero what if, instead na siya ang paiibigin mo, eh, ikaw ang mainlove sa kanya?"

"Hinding-hindi mangyayari 'yan bro. Hindi ko siya type. Saka napakatanda niya sa akin noh?" seryoso kong sagot.

"Okay, sinabi mo 'yan eh," wika ni Marco. "Basta bro, support lang kami sa 'yo."

Matapos kaming mag-usap ng kaibigan ko, muli na naman akong napaisip. Epektibo kaya itong gagawin ko na paiibigin si Miss Guevarra?

Well, come what may. But I'll make sure I'll gonna win.