Kabanata 12

BUMUGA NG hininga si Hasumi nang hininto niya ang kaniyang motor sa tapat ng isang lumang warehouse na malayo sa siyudad. The place was creepy. Tumayo ang balahibo niya nang humihip ang hangin mula sa iba't ibang bahagi ng paligid. Umalingawngaw rin ang amoy na bulok mula sa kung saan. Napadura siya dahil sa mabahong amoy.

"Putang anghel!" she cussed. Halos malaglag ang puso niya nang biglang tumakbo ang pusang itim sa kaniyang harapan.

Pinatay niya ang makina ng kaniyang motor at agad siyang bumaba. Walang humpay ang mabilis na pag-pintig ng kaniyang puso dahil sa kaba. Kung puwede lang ay hindi na siya makikipagkita pa sa taong tumawag sa kaniya noong isang araw.

That stupid woman made her do it. Tumikhim siya nang makababa siya sa kaniyang motor. Tinanggal niya ang kaniyang helmet at pinatong niya ito sa kaniyang motor.

Pinaliit niya ang kaniyang mga mata upang aralin ang buong paligid. Puno ng mga lumalatay na damo ang paligid ng warehouse, maging ang dingding nito'y nababalut