Kabanata 13

ALIYAH'S POV

Sa sumunod na araw ay excited akong gumising. Mabilis akong naligo at nagbihis ng isang itim na wrap dress at itim na sandals. Dahil wala naman akong gagawin ngayong araw dito sa hotel ay napagkasunduan namin ni Bea na tutulong ako sa paggawa ng mga paso.

Kumain muna ako ng breakfast sa buffet diner ng hotel at pagkatapos ay umalis na roon.

Mabuti na lang at kaya namang lakarin ang village nila Bea mula sa hotel na tinutuluyan ko. Hindi gaanong maaraw ang umaga pero kahit ganoon ay nagsuot pa din ako ng puting hat.

"Good morning!" pagbati ko kay Bea nang makarating ako sa tindahan nila.

Busy na ito sa pag-aayos ng mga paso samantalang ang Mama naman niya ay may inaasikasong mga customers.

"Magandang umaga po!" bati ko sa Mama ni Bea.

Natutuwa itong lumapit sa akin nang makaalis ang customers niya at binati din ako.

"Naku, hija! Sigurado ka bang kaya mong maghulma ng clay? Ang ganda ng mga kamay mo! Madudumihan ka!" anang Mama ni Bea.

"Ma, marunong na 'yan si ate Ali!"

"Oo