CHAPTER 4: The First Man Who Defended Her

CHAPTER 4: The First Man Who Defended Her

~

MULING natigilan si Dani sa narinig. Pagkatapos siyang akusahan at ipahiya sa breakfast table na baog, ngayon naman ay gagawin pa siya nitong yaya? Wala ba talagang kahihiyan ang babaeng ito?

Ngunit dahil sa kanyang mababang katayuan sa bahay at sa takot niyang gumawa ng gulo, hindi na nagprotesta si Dani. “Opo, Ate Yngrid,” sagot niya habang si Yngrid ay bumalik na sa pagtingin sa kaniyang tablet. “Halika rito, baby. Tutulungan ka ni Tita Dani na isuot ang sapatos mo.”

Ngumiti nang bahagya si Dani at inakay si Aliyah paupo sa sofa, bago siya lumuhod sa harap ng bata para tulungan ito. Pasimpleng napangisi si Yngrid habang nakatingin sa kanya, nasisiyahan sa katotohanang napakadaling utos-utusan ni Dani. Hindi mapigilan ni Yngrid ang tawa sabay sinabi sa isang sarkastikong tono,

“Bilisan mo naman, Dani. Bakit napakabagal mong kumilos?”

“Tapos na, baby,” nakatitinging sabi ni Dani kay Aliyah pagkatapos maisuot ang sapatos, saka siya tumayo.

Tumingin naman si Aliyah sa kaniyang mga paa. “Thank you, Tita Dani,” magalang nitong pasalamat.

Napasulyap si Dani at hinaplos nang marahan ang ulo ng bata. “Walang anuman, baby.”

“Ang dami mo palang talento, Dani,” uyam ni Yngrid habang nakatitig sa kaniya. “Pwedeng katulong, pwedeng yaya. Ano pa ba ang hindi mo kayang gawin?”

Nanatiling tahimik si Dani habang nagpapatuloy si Yngrid. “Ah, by the way. Mamaya, tulungan mo na rin si Yaya Ilay na alagaan si Althea, ha?” Inilagay ni Yngrid ang kaniyang iPad sa loob ng kaniyang mahal na designer bag habang nakangisi. “Mahilig ka naman sa bata, ’di ba? At least nakakapag-practice ka na kung paano mag-alaga ng anak.”

Bago pa man makasagot si Dani, idinagdag pa ni Yngrid sa mas matalim na boses, “Well... kung hindi ka nga lang talaga baog. Pero kung totoong baog ka nga, e di habambuhay ka na lang talagang mag-aalaga ng anak ng iba—ng anak ko, o ng anak ni Irish.”

Hindi sumagot si Dani. Walang lumabas na kahit anong salita sa kaniyang labi. Nakayuko lang siya habang nakatitig sa maliliit na sapatos ni Aliyah, pilit na kinokontrol ang sarili para hindi maiyak sa harap ng hipag.

Ngumiti si Yngrid nang makitang hindi man lang lumaban si Dani. “Mamaya ha, ipagtimpla mo rin ng gatas si Althea pakainin mo, at palitan mo na rin ang diaper niya.”

Si Althea ang pangalawang anak nina Yngrid at Raven, anim na buwang gulang pa lamang. Naging malaking inaasahan ng pamilya Del Fierro ang kaniyang pagsilang dahil umaasa silang lalaki ang magiging tagapagmana, ngunit babae ulit ang isinilang nito.

Ito rin ang dahilan kung bakit mas lalong iginigipit ni Doña Victoria si Dani na magkaroon ng anak na lalaki.

“Mabilis ka namang matuto sa mga ganyang gawaing-bahay. Ayaw na ayaw ko pa naman na hawak ng ibang tao ang anak ko, pero sige, papayagan kita.”

Tumango nang mahina si Dani. “Opo, Ate Yngrid.”

Lalong lumapad ang ngiti ni Yngrid. “Good! Gustong-gusto ko talaga ’yang pagiging sunud-sunuran mo na parang isang tapat na—”

“Yngrid.”

Isang malalim, baritono, at napakapangyarihang boses ang biglang pumutol sa pananalita ni Yngrid. Ang boses na iyon ay nagmula kay Light—ang eldest son at ang kasalukuyang Chairman ng buong Del Fierro Group na dahan-dahang naglalakad palapit sa kanila.

Mabilis na tumingin si Light kay Dani at sa anak na si Aliyah, bago ibinaling ang kaniyang matalim at malamig na titig sa asawang si Yngrid. “What did you just say?” tanong nito sa isang authoritative at nakakatakot na tono.

Napalunok si Yngrid habang ramdam ang matinding pressure mula sa nakatatandang kapatid ng kaniyang asawa. “A-Ano’ng sinabi ko, Light?” utal niyang tanong habang napapahigpit ang hawak sa strap ng kaniyang bag.

“Don’t play dumb with me Yngrid,” malamig at walang emosyong sagot ni Light, na tila nakakatusok ang bawat salita. “You disrespecting her with your foul words.”

Namutla si Yngrid sa pabalang na sagot nito. “Hindi naman sa ganun! Biro lang ’yun. Masyado ka namang seryoso—”

“Biro?” Kunot-noong pinagmasdan ni Light sa asawa. “Do not make excuses, Yngrid. Know your boundaries. Humihingi ka ng tulong kay Dani pero ganyan mo siya tratuhin at bastusin?”

Napatitig si Yngrid sa kaniyang asawa. Hindi siya makapaniwalang napahiya at napagalitan siya ni Light sa harap mismo ni Dani, ang babaeng pinakamababa sa pamilya.

“Daddy... Mommy...” pabulong na sabi ng batang si Aliyah habang nakatingin sa kanila nang may takot.

Tumingin nang sandali si Light sa bata bago ibinalik ang kaniyang malamig na tingin kay Yngrid. “Apologize to Dani. Right now,” utos ni Light sa tono na walang sinumang makakatanggi.

Subalit masyadong mataas ang pride ni Yngrid para magpakumbaba sa harap ni Dani. Sa halip na humingi ng tawad, mabilis niyang hinawakan ang kamay ni Aliyah at naglakad palabas ng living room nang walang sinasabi. Pagkaalis ni Yngrid at nang sumara ang pintuan, naging napakatahimik ng buong silid. Tanging ang mabagal at kabado na paghinga lang ni Dani ang naririnig.

Nakatayo si Light hindi kalayuan sa kaniya. Matuwid ang tayo nito, at ang kaniyang mga mata na madalas ay mahirap basahin ay nakatitig nang diretso sa kaniya. Halos hindi makahinga si Dani sa sobrang tensyon.

Mayamaya pa'y nagsalita si Light, sa isang mababa pero may diin na boses na nagpatigil ng tibok ng kaniyang puso.

“You shouldn’t let people step on you like that...”