Chapter 13

Nakaupo ako rito sa sala namin at nakabihis na rin ako. Nakasuot ako ng  plain yellow na long sleeve blouse with my losse pants and ofcourse I have my white sneakers. Ibinuhaghag ko lang ang buhok ko na hanggang balikat ko at naglagay lang ako ng lip gloss sa labi ko. Kung saan ako komportable roon ako. Napatingin ako kay Mommy nang umupo siya sa tabi ko.

"Nililigawan ka ba ni Jairus, Anak?" Napanguso ako sa sinabi ni Mommy.

"Mommy naman,"

Ngumiti siya sa akin. "Nagpaalam siya kagabi sa amin ng Daddy mo." Nanlaki ang mga mata ko sa sinabi ni Mommy.

"Ano po? Pumayag po ba kayo?" sunod-sunod na tanong ko.

Paanong? I need to talk to you, Jairus!

"Ofcourse! Pero nasa sa iyo pa rin naman. Mag-di-date ba kayo?"

"Hindi po," sabi ko at may bigla na lang bumusina.

"Nandiyan na siya. Mag-iingat kayo, Anak." Inayos pa ni Mommy ang buhok ko bago ako lumabas ng bahay.

Nasa office si Daddy pero nagpaalam rin naman ako sa kaniya.